يسعدلي اوقاتكم بكل خير
مما يحضرني من نقاط حبيت انوه عليها قبل لا اكمل لكم
• ايجار السيارة امر يعتمد عليه طبيعة الشخص نفسه ، بمعنى اذا انت لك بالطلعات والتمشيات توكل على الله واستاجر سيارة ، القيادة في المغرب شي مرتب ونظامي جدا بغض النظر عن سواقين الطقطاقي هذولي لهم قانون تبع النظام الشمسي,
• الصرف الصرف الصرف ، كل شخص هو المتحكم الاساسي ، المغرب بطبيعته بلد بسيط ماديا وليس مكلف لكن تبي تدير وتفعل وتسوي من الطبيعي جدا ان تدفع اكثر, وافهم يا فهيم.
• قلبك خله في ديرتك لا تاخذه وياك، من يختم لك موظف الجوازات خروج قل لقلبك استودعتك رب العالمين لين ترجع. لاحظت في سفراتي الاخيرة تغير الاساليب وتطورها عن السابق, وافهم يا فهيم.
• اختيار السكن وهذا شي اساسي، ويعتمد على طبيعتك واحتياجك، كل ما زادت نشاطاتك في السكن زاد السعر. وافهم يا فهيم.
• كل مدينه لها طابع خاص وحتى الناس اللي فيها، مع قرب المسافة بين الرباط وكازا الا ان اختلاف البشر واطباعهم شتااااان.
واهم شي يا غريب كن اديب
فاصل ونواصل