تجربتي الجيده مع سمسار / الدوسري لتاجير السيارات

احب اشاركم تجربتي في تاجير سيارة من شاب سعودي في المغرب ، اخذت رقم من احد الزملاء وكنت متفاجأ ان سعودي يشتغل هالشغله وفي المغرب ، عمره تقريباً في اول الثلاثينات الواضح وما فهمت منه انه مستقر في المغرب وكون عدة علاقات مع شركات تاجير السيارات في اماكن عده .
شاب جداً لطيف متعاون وحريص وما شفت منه الا كل خير بالكثر من كذا السياره اللي اخذتها منه اقل من سعر السوق وسألت عنها في مكاتب التأجير وبنفس المده كانت دوستر بسعر ٣٠٠ درهم تعتبر سياره كبيره ولا اخذ مني جواز او تامين ولا شي عطاني اوراق السياره كامله ورسميه من شركة تاجير سيارات
اسمه سعيد الدوسري اذا احد مره عليه الاسم او له تجربه معه .

بعد توقفت واخدت سياره اصغر وكنت ابحث عن اقل سعر وقتها ماكان عنده او عنده جديد وسعرها مانسبني المهم بالصدفه تعرفت على مغربي " الله يعمرها دار " اخذت منه فيات ب 200 درهم واخذ شيك ب 20,000 درهم تأمين بالنسبه لي ما عندي مشكله لسببين اولاً سمائهم على وجوهم فكانت مرتاح ثاني اعرف سواقتي وحرصي على السياره وبعد انتهاء المده عطيتهم السياره ورجع لي الشيك ، السنه اللي بعده اخذت عنده سياره صغيره ب 180 درهم بدون اي تامين فلوس او اي شي وقعت الاوراق وقال لي السياره سيارتك .

فالشكر للجميع ..

ابوعبدالاله- ولّد الحداويه

شيكات كضمان في تأجير السيارات ؟؟؟؟

تأجير السيارات موضوع بسيط
سياره وقيمه مناسبه وشركة او مكتب تعاملهم جيد

اما سالفة شيكات فهذي جديدة وفيها مخاطرة

شيك ضمان علي بنك سعودي

كنصيحة حتي لو تعرف سواقتك و تكون حريص و كل شي ما تعرف شنو مُكَتَب لك لا عاد تستخدم الشيكات

وبالنسبة للتأجير في مكاتب ما تاخد تأمين وهذا افضل

تقبل مروري

شكراً على مروركم وردكم اللطيف ..

لاحظت توقفكم على موضوع الشيك وانها مخاطره اما اذا انت شخص فطن وخبره تعلم كيف تتعامل من الرجال والضروف فلا توجد ابداً مخاوف .. من جهه اخرى الان سيارتي محجوزه وقت ما اشاء بدون دفع اي مبلغ حتى ارجع السياره بعد شهر ولا تامين ولا اي شي .

المخاوف ملغيه من حياتي .. الحذر مطلوب ولكن عندما تخاف اما انت تتوقف الحياة عندك او تاتيك المصائب تباعاً . عدما تخاف على المال يطير واذا تركته يأتيك طائراً .

الشيك من حسابي التجاري وفا بنك . السياره العاده لا استأجر سياره السنتين الاخيره فقط هي اصبحت استأجر سياره فيها وتعاملت مع اغلب شركات التاجير في المدينه والمطار مادفيه ممان ما رحت له افضلهم السعودي ( الدوسري ) اما المغربي الان بيني وبينه اخوه وصداقه ومحبه وتجاره الله يديمها

اتفهم كلامك اذا بما انك صرت زبون عندهم يعاملونك معاملة خاصة وإذا كانت المعاملة اول مرة يطلبون شيك ضمان ، اذا المغاربة ما يعطون شيك كيف انت كأجنبي تعطيه

مع العلم انه قانونيا ليس هناك شيء اسمه شيك ضمان وفِي هذه الحالة القانون لا يحمي صاحب الشيك

تخاف علي المال يطير وإذا تركته يأتيك طائر لا اعتبره مثال يقتدي به في هذه الحالة بل في الصدقة و اعمال الخير ولا تنسي ان المال السايب يعلم السرقة


لا اتكلم علي الشخص الذي ذكرت و أنما بصفة عامة

تقبل مروري

مشكور ....اخوي على طرح تجاربك .

بس الشيك لييييه ؟!

وين التأمين .

بغض النظر تعرف تسوق او لا
افرض صدمت السيارة وهي واقفة وانت بعيد منها .

او سرقت السيارة او او او ....

وهل باعتقادك هذي تجربة جيدة ؟!

دمتم بود .

شيك تأمين وسيماهم في وجوههم وماتخاف على الفلوس وتجيك طايره
والدوسري والمغربي اللي تعاملت معه والدوسري معاد تعرفه وهو طيب وعطاك السياره بدون مايعرفك ولا طلب اثباتك والله اني مافهمت شي لكن الموضوع فيه دعايه للدوسري
وانت لاتجيد اللغه العربيه

لاتعليق ......بس الشيك شئ غريب عجيب .

اخاف تنتقل عدوى الشيك لبقية المكاتب .

لا تخاف تنتقل العدوى وهذا ثاني سبب تحاربه الدوله لان عندها هدف 2020 لرفع نسبة السياحه في البلد ولو عرفو انه اخذ مني شيك ابداً مو من صالحه نهائياً ..

انت دائماً قوي بمعرفت القانون

فعلا كما ذكرو الاخوان
التأجير لايتطلب شيك باي دولة بالعالم واول مرة يمر علي هذا الطلب الغريب
ومن ناحية قانونية مخاطرة عليك تحرير الشيك من غرامات وسجن
مادام ان الخيارات كثيرة كشركات التاجير
ليش اخاطر عشان خاطر فرق ٥٠ درهم او ١٠٠ درهم بشيك بمبلغ ٢٠ الف درهم ؟
موضوعك غريب جدا
التاجير ضمانة التامين والعقد بين المأجر والمستاجر وليس الشيك باي دولة بالعالم اخي
تحياتي