لمحات من رحله الي باكو ( اذربيجان )
السلام عليكم
يسعد مساكم
الحجز والطيران
فلاي دبي سعر التذكره 2100 ريال بخط طيران
الرياض دبي باكو دبي الرياض
وحقيقه تحسفت اني ما سافرت على الطيران الاذربيجاني
لانه ارخص وافضل خدمات واقل ترانزيت
السكن
الليله الاولى في شقق فتدقيه
سعرها 100 منات
الليله الثانيه غيرت لابتعاد الشقه عن اماكن الخدمات
ولبحثي عن تجمع الناس من خولي
لاني اسافر وحيد وما حبيت مكان منعزل
سكنت بقية الايام في فندق وينتر بارك هوتيل
السعر 90 $ مع الافطار
خدمتهم جيده وقد تمت ترقية الغرفه
بعد مشكله تسريب مياه من سقف الحمام للغرفه
وكان القصه كالتالي :
صحيت الساعه 9:30 وافطرت ورجعت وكنت اتصفح السناب
فجأه سمعت صوت مويه قلت اكيد الغرفه اللي جنبي
وبعدها ابتدأ الصوت يزداد فرحت اشيك لقيت المويه مغرقه الحملم
اتصلت على الريسبشن وابلغتهم بالمشكله فارسلو الصيانه
خلال دقيقتين وصل وشيك وابلغهم بالمشكله
وان الوضع محتاج اكثر من 8 ساعات للاصلاحات
فحضر احدهم من الاداره واعتذرو وقالو نغير لك الغرفه
فابلغتهم هذا شي طبيعي حتى في بيوتنا والامور سهالات
فعادو الاتصال وكانو يسألون هل تشترط شي
فقلت لا ولكن ابحثو لي في الادوار العلويه
فانتقلت من الدور الرابع الي الرابع عشر
كانت اكبر وافضل والمنظر اجمل
الفندق يستحق 8/10
الافطار جيد وغير متنوع 7/10
النظافه والعنايه 8.5/10
لي عوده اخرى