استفسار بسيط عن الطيران الى تايلندا

مشكورين شباب ماقصرتو
بالنسبه للجواز توني مجدده عشر سنوات
وان شاء الله الامور طيبه ,,
فيه قروشه بس في المطار وانت جاي احيان يجيك الموظف
يشقر على الجواز ويغثك ويحولك على الظابط
حجزت رحله منفصله على ناس الى دبي
ومن دبي على الامارتيه على بانكوك والله يسهل

دامك مجدد جوازك 10 سنوات توكل على الله ، أنا سافرت لتايلند عام 2013 على طيران الإتحاد واذكر الترانزيت في أبو ظبي كان اقل من ساعة لدرجة ما امدانا نصلي الفجر ..
وفي عام 2015 جددت جوازي وللأسف قفطني موظف الجوازات وطاح بالختم اعطوني غرامة 1500 ريال وحققوا معي تحقيق شكلي لمدة 5 دقايق

سافر وانبسط يارجال الامور سهالات اعرف شباب كثير سافروا لها اكثر من مرة واسطة بسيطة في الجوازات وتمشي الامور ولا يدققون الا عند التجديد
سفرة ممتعة مقدما

انا جربت في سفراتي الي تايلاند ( القطرية : الاتحاد ) طبعاً القطرية الافضل . احد الاصدقاء جرب طيران العمانية يمدحها وحالياً مسوي عروض رهيبه . شيكت قبل يوم الرياض بانكوك ب 1300 ريال ذهاب و عوده ... اما من ناحيه المنع من المطار ماحد يقدر يمنعك . الا اذا موظف الجواز شاف البوردنق حق تايلاند وطبعاً البوردنق بيكون معك ماله علاقه فيه تبي توريه بوردنق مثلاً الرياض - مسقط . الاشكاليه فقط عند تجديد الجواز ووقتها دبرلك ( و ) تمشي امورك ... واي استفسار عن تايلاند في الخدمه

كلام أبو عزام سليم وصحيح 100 ٪ ، أنا رحت لتايلند على الإتحاد الطيران ورجعت على الخطوط الهندية والحين لما ادخل نظام ( ابشر ) اشوف كأني رايح للإمارات وراجع من الهند ..!