|
تحذير ياأخوان من مكتب بلاتينوم
تحذير يأخواني المزاعيط من مكتب بلاتنيوم لتاجير السيارات في مطار كازا
تعرضنا لمحاولة ابتزاز رخيصه من صاحب المكتب والموضوع كتالي استجارنا سياره من المكتب وللاسف خوينا رهن بطاقته الشخصيه عندهم وعند التسلييم بالبدايه قال انتم متاخرين يوم وابلغناه انا دافعين فيمة الايام كامله ولم نتاخر طلع لنا بقصه جديده انه صاحب السياره وان السمسار اللي اجرنا عن طريقه ضاحك عليه ولم يسلمه المبلغ كامل (علماً انا مستاجرين عن طريق المكتب وليس سمسار ) قلنا احنا مالنا علاقه في هذا الموضوع وبعد شد وجذب استلم السياره والعقد ولما وصلنا المكتب عشان نقفل العقد تفاجانا انه المكتب يقول السياره ليست عن طريق المكتب ولازم تخلصون موضوعكم مع صاحب السياره وبعد تهديد منا بتصعيد الموضوع للسفاره والبوليس وبعد مماطله منهم ساعتين استمنا منهم بطاقة الاحوال بدون دفع اي مبالغ ماليه اللي اتصح لنا يااخوان المكتب عباره عن عصابه ويلعبون على عامل الوقت للرحله وجميعهم متفقين مع بعض احذرو عدم رهن اي وثيقه سواء جواز او بطاقه عند المكاتب (خوينا للاسف لم نعلم انه رهن بطاقته الا في يوم التسليم ) والله على مااقول شهيد |
السلام عليكم
اتفق مع كلامك صحيح انهم عصابة و لست الوحيد اللي حصل معه الموقف هذا المكتب اسمه بالانجليزي Platinium و يتعاملون مع سماسرة و كما قلت أخي حجز باسبور او بطاقة تجيب مشاكل يوم التسليم يا اما يقولك الفلوس ناقصة يا اما يقول السيارة فيها صدمة المهم عندهم يطلعون فلوس من العملاء بأي طريقة المكاتب زي هذول لازمها تنحط بالقائمة السوداء علشان ما يتكرر الموقف مع المزاعيط و يكونون علي علم والحمد لله المنتدي عنده معلنين محل ثقة و لضمان الشفافية عندهم صفحة توثيق الحجوزات تقبل مروري |
الموضوع من اولة غلط
كيف يرهن بطاقتة ؟ المكاتب من طلباتهم تعرف نياتهم |
شكرا على التحذير
تحياتي لك |
شكرا على التحذير رغم ان الغلط الاكبر على صديقك برهن بطاقته
|
مين يتفق معي أنه يوضع لوحة يوجد بها كل التعليمات الخاصة بإستئجار السيارات خصوصا أنها في المطار تبين حقوق كل من الطرفين المستأجر و المؤجر ...
والعمل هذا يكون من إدارة المطار نفسة سواء كانت ( شرطة أو مصلحة المواصلات .. أي كانت الجهة المسؤولة عن هذا الشأن ... لأن فعلا تمر بالواحد مواقف بعض الناس ترحمهم من أخطاء يرتكبوها بحق أنفسهم بحسن نية أو عدم دراية ( ما أدافع عنهم ) لكن لصعوبة إخطار الجميع بالإجراءات و لمكر بعض القائمين على تأجير السيارات بالمطار ... والله الموفق للجميع ... |
اقتباس:
الجاهل عدو نفسة ليش مايقرا ويسال قبل يستأجر ؟ مشكلتنا شعب يدرعم ولا يقرا ولا يعرف شي ومن يغامر من راسة يتحمل العواقب المنتدى والمزاعيط حطوا مواضيع كثير تخدم المستاجر سواء سيارة او سكن حتى تعامل في المطار لكن اللي يجي مدرعم ولا يقرا مشكلتة مافي مطار بالعالم يحط لوح ارشادية عن انظمة التاجير كل شركة ولها شروطها وانظمتها بالتاجير ماهو اجراء على جواز سفر عشان يكون بلوحات ارشادية حبيت ابدري رايي تقديري واحترامي لك |
اقتباس:
انا ذكرت اني ما ادافع عنهم ولا احمل خطأهم لغيرهم صحيح كلامك لا يوجد لوحة في مطارات العالم بهذا الشي واتفق معك ... لكن فيه وثيقة توقعها مع العقد فيها كل التعليمات في كثير من الدول . حتى يذكر فيها حال وجود أي مشكله حاطين رقم و ايميل للجهة الرسمية اللي ممكن تخدمك سواء كانت هيئة مواصلات أو سياحة أو خلافه ... ويظل العاقل خصيم نفسه بالتوفيق لي ولك و للجميع |
اقتباس:
وممكن قصدك الجهة المسؤولة مثل وزارة المواصلات هي المسؤولة عن مكاتب التأجير اذا مو غلطان لانها محصورة بينها وبين وزارة التجارة لكن عندنا وعند المغرب خير جهة دورها شبه فعال وبلاغات مافي تجاوب والله المستعان فلذلك العب يافار |
يا صاحبي ولا يهون الاعضاء
لا انصح انك تاخذ سيارة من المطار لانهم 80% اسعار عالية جداً وخاصة في المواسم . |
| الساعة الآن 05:05 AM |
جميع المواضيع و الردود لاتعبر بالضرورة عن رأي و توجهات الادارة و انما تعبر عن رأي كاتبها فقط