السفرة الثالثة للمغرب والأولى لأغادير .

الله يسلمك ي بعدي .. لا ندمت

الله يسلمك ويطول عمرك .

الحمد لله ع السلامه
والف شكر لك على هذا التقرير واتمنى يفيد اكبر قدر من المزاعيط
تحياتي لك وللجميع

__________________
‏
والله إن الأخلاق ؛
مثل الأرزاق فيها غني وفيها فقير !

. (((أخوكم أبو مبارك)))

حمد الله على السلامه وتقرير جميل ومبسط ومفصل .. وسجل حضوري معك من الحد الجنوبي
وننتظر باقي التفاصيل لاني مثلك ناوي ازور اغادير في السفره الجايه

الله يسلمك يا صقرنا .. تحياتي لك .

نستكمل الجزء الثاني من الرحلة .
بعد ما حجزت في فندق أماديل غرفة مطلة بـ 1390 درهم , طلعت وتغديت في القلعة , طبعاً القلعة إدمااااان . أكل نظيف وشهي خصوصاً مضغوط اللحم شي جبّار ,
بعد الغداء تمشيت شوي في المارينا مع بعض المطاردات بعضها باءت بالفشل وبعضها تم تنفيذ المهمة بنجاح .
وعلى الساعة 5 تقريباً طلعت لحمام مغربي وكانت بتوصية من أحد الشباب
وكان لا بأس به . حمام ومساج بـ 600 درهم . وأعطيه 6 من 10 حسيت وقتها بالنشاط بس الريح كله زيت .
رجعت الفندق تروشت مرة ثانية وثالثة لين راح الزيت ، بعدها لبست وتهندمت ورحت مزيكا
وصلت مزيكا على الساعة 9.30 تقريباً . دخلته والجو العام كويس , طبعاً تعطي بخشيش يضبطك بطاولة زينة ما تعطي يعطيك طاولة بالخلف حتى لو اللي قدام فاضي ، والعذر إنها محجوزة .
قلت عطني طاولة على كيفك لو جنب الباب ، ضحك وقال ما يهمك يا صاحبي بضبطك
هو يفكر إني بدسم شاربه .
الوكاد عطاني طاولة بالوسط تحت ، طلبت شي يروّق بالمزاج ، وفي هالوقت قاعدين يتوافدون الطيور والصقارين ،
مع مجموعة أغاني رائعة من الكنترول فجأة تجيك هييييييييييي هيييييييييي زلزلة ..
البست كان فاضي ، ما يمديه يخلص ( أنتم كنوق للعرب ) إلا والبست مليان والأكثرية بنات
واللي يفششل يجيك واحد عمره 60 سنة يترقص على شيلة زلزلة _ احترم سنك واركد يا مال العافية _
الجو لا بأس به .. فجأة وأنا على الجوال مندمج ما حسيت إلا بطير حر قعد بالطاولة اللي جنبي .
أويل حالي ما أحلاهـ . ولا تحركت ولا قلت شي . ناظرت فيه عشان الفحص الأولي وخذيت فكرة عنه وغضيت البصر ،
بعدها بشوي قلت الحين النظرة النهائية يا ( إيه ) يا ( لا ) .. صراحة الطير يستاهل .
من حسن حظي معه بطارية سفرية وما يشحن جواله . بكل لطف وابتسامة
( لو سمحتي ممكن الشاحن جوالي على وشك يخلص ) وهو بكل ابتسامة صافي !!!
شحنت جوالي ومستعجل ، أبي أخلص معه قبل أحد يخطفه . خصوصاً فيه ناس قناصين من كل حدب وصوب .!
من كثر لجة المكان وإزعاج المكبرات ، استخدمت لغة الإشارة لـ لفت انتباهه كأنه قرب شوي
وقعد يسولف معي وأخذ وعطا . عطيته جوال وهو جاهز لإدخال الرقم , ضحك وأدخل رقمه وسوا اتصال .. ابتسمت له وكل واحد أخذ مكانة , لما تنفذ مهمة مع طير يستاهل تحس إنك أنجزت مهمة وأرضيت ضميرك .
قعدت في مزيكا إلى حدود الساعة 1 . المكان عامر بالناس من جميع الأجناس ، مزيكا للمعلومية للـي ما يعرفه . من 4 العصر إلى 10 بالليل أشبه بالكوفي , فجأة ينقلب مرقص .
جوهـ كويس مش بطّال ..
طلعت منه على حدود الـ 1 بالليل . قلت بجرب السكاي , رحت السكاي وكنت أول مرة أجيه . طاولات على البست بـ 1600 مع بطل و 12 طلب إذا ما خانتني الذاكرة .
سسلامات غالي مرة ولا يستاهل هالسعر على هالمنظر . السكاي مساحته كبيرة . وأكثره فاضي .
قعدت بطاولة بعيدة شوي . على حسب طلبك . الطيور اللي فيه أحسهم قديمين ولا فيهم اللي يملى العين ، إلا في حالات قليلة يجيك طير مزيون ومرتب .
جوّه عادي ومو ذاك الزود . قعدت إلى 3 وطلعت الفندق .
وصلت الفندق ، ريحت شوي وقاعد ع البلكونة , هالمنظر الآسر والجو العليل . بالليل برد ولكن جاكيت وقبع ينهي الأمر . والله قاعد ومشغل نوال الكويتيه ( أبيك بجنبي الليلة ) مع مشروب دخل الفندق تهريب .
روقان إلى أبعد حدود . والله ما حسيت بنفسي إلا الساعة 6 مبسوط على الآخر . قمت لعنت ابليس تروشت وصليت الفجر .. قعدت إلى 7 وشوي وطلبت الفطور إلى الغرفة ـ عشر دقايق والفطور موجود .
أفطرت وعيّنت من الله خير . نمت نومة عميقة إلى الساعة 4 قمت وفتحت البلوكة كامل أبي أشم الهواء اللي يرد الروح . تمغطت وخذيت حمام بارد يجيب العافية .
لبست وأطلع مطعم القلعة ، قبل أتغدى فكيت رجلي شوي على الشاطئ باتجاه المارينا .
رحت للصراف اللي في بداية المارينا . سعره دائماً ممتاز ، صرفت وخلصت منه . رجعت المطعم وطلبت قهوة عربية قبل الأكل . لا بأس بها .
القلعة نظامه ، طاولات برا مسحوب عليها . وطاولات داخل وجلسات أرضية فيها كنب عربي .
سوالف وأخذ وعطا مع اللي موجودين . بعدها بنص ساعة طلبت الغداء . تغديت وريحت شوي
براد أتاي وسيجارة دنهل . شي لا يوصف ..! طلعت منه قرابة الساعة 7 . تمشيت لمدة نصف ساعة على الشاطئ . بدأت تظلم الدنيا .
رجعت الفندق وريحت شوي . خذيت غفوة لمدة نصف ساعة . حسيت براحة ونشاط ، حمام سريع لبست لبس ثقيل وطلعت على 9 وشوي تقريباً . قلت بشوف النهضة اللي يمدحونه , وصلت المطعم . والله العظيم ما أخفيكم من أول ما شفته جاني شعور إنه مطعم خابور . المهم قلت لا تحكم من المنظر جرّب بنفسك .
دخلت وفيه تقريباً ثلاث طاولات المشغولة والباقي فاضي ،جاني المنيو وطلبت طاجن لحم ، ولحم مشوي . جاني الطاجن بالأول ـ مع خبز . والله قبل أقول بسم فيه صرصور من الحجم الكبير جاي مطفي النور وشطف يدي .
لاعت كبدي وتنرفزت . نظافة سيئة جداً والله . عاد جيتكم آكل بسرعة عشان معاد أشوفه ولا يجي غيره . شوي ويجي اللحم المشوي ، ههههههههههههههههه يا الله ـ جايبين لي لحم مندي مبّخر . قلت طالب لحم مشوي . قالوا ، هذا المشوي !!!!!!! اشلون مشوي . ذا مندي مدري مدفون . المشوي على جمر ولونه وطعمه ثاني . قالوا أبد هذا هو المشوي . الله يعز ويكرم النعمة . طعم يخليك تتوب تجي هالمكان . قلت خذوا المشوي حقكم ذا وحطوه في طبق سفري وهاتوه .
أكلت شوي من الطاجن رغم انه كان بارد ولا ضبط . قمت ع طول وحاسبت ، عطيت الباقي من الأكل اللحم المشوي والطاجن , عجوز كانت عند المطعم .
بعدها توجهت لخيمة صحارى . طبعاً من خلال انتظاري في النهضة كنت أواصل مزيون مزيكا .
علمته إني بروح الخيمة وطلبت منه يجي . تواعدنا على 11 يجي .
رحت لصحارى . جيته على 10 وشوي . دخلت وقعدت بزاوية المكان أول ما تدخل على يسارك . طلبت حاجة تروّق بالمزاج . خلصته وطلبت الثاني . على 11 ونصف والمزيون يدق يقول أنا عند الخيمة برا . وينك . قلت ادخل . دخل وأشرت له وجاني متهندم ولابس ومكشخ . سلمت عليه وسوالف وضحك . طلب له أكل . وأنا طلبت العصير الثالث ، وأغاني ودبكات في هالخيمة إلى 12.30 بدأت تفضى والناس يطلعون ، طبعاً الخيمة تسكر الساعة 1 بالليل .
قبل نطلع متفقين نتقابل بالفندق ، سبقته الفندق . ما أمداني ادخل إلا وهو يدق يقول أنا عند البوابة . رحت له ودخل . طبعاً نظام أماديل ، الدخول للفندق بعد ما تتعدى البوابة يدخلونك من الباب الخلفي مو من الرسبشن . أنهيت الاجراءات سريعاً . خذوا بطاقته وسجلوهـ وقالوا توكلوا . دخلنا الغرفة . كل واحد غيّر ملابسة ^_^.. المهم طلعنا البلكونه . عصير عادي هالمرة وسيجارة .
روقنا شوي وجلدنا البرد . سكرنا البلكونة ودخلنا . وسلامتكم .
بعدها غطينا في نومة إلى الساعة 1 الظهر . صحينا وقعدنا شوي نسولف . قال وش ترتيبك قلت بطلع أتغدى بعد ساعتين كذا . قال أوك أبقى لين قبل تطلع بشوي بسبقك البيت أرتب نفسي وأجيك المطعم . الجميع صافي صافي .!

أمس والله أحسب إني بخلص التقرير بيومين . لكن والله تعب وحاجة طويلة .
اعذروني والله ودي أختصر لكم السالفة بموضوع واحد ولكن أبيكم تعيشون معي الوضع
ولكن السريع السريع ماش ما أطيقه .. صراحة حبيت تقرير ولد الهواشم ومحمد الدمام .
لذا ابيكم تعرفون تفاصيل الرحلة . وبآخر تقرير راح أكتب الاماكن الزينة واللي تستحق الزيارة في أغادير ..

كل المحبة والتقدير

ارحب ملايين , ونعم بك ونعم باللي على الحد كلهم .

ابشر بالسعد . لك كل التفاصيل اللي تفيدك وتفيد الأعضاء .

الحمدلله على السلامه
وواصل التقرير لاننا متعطشين للتقارير

الحمدلله على السلامه وننتظر البقيه

الله يسلمك . ابشر بالخير