السفرة الثالثة للمغرب والأولى لأغادير .

واصل يابطل تقرير مميز اتمنى لك كل التوفيق


.

الله يسلمك ، ا

حبيبي انت .

الحمدلله على السلامه ، وتسلم على التقرير المشوق .

الله يسلمك . أقل واجب نشارك المزاعيط بالتقارير ..

تحياتي لك .

مسساء الخير على المزاعيط الكرام

نستكمل الجزء الثالث من الرحلة .

بعد الليلة الهانية وبعد ما اتفقنا يجيني المطعم ، قمت وخذيت حمام ، لبست وصليت الظهر والعصر .
أخذت اللي أحتاجه وطلعت بإتجاه مطعم القلعة سيراً على الأقدام بمحاذاة الشاطئ .، صحيح بعيد شوي ولكن الجو رائع وبارد نوعاً ما ، منها رياضة
ومنها تمشية ، وصلت المطعم بعد قرابة الـ 20 دقيقة مشي ، طبعاً دخلت وطلبت حريرة ، جات الحريرة ومعها قطع ليمون ، والله شي رووووعه مع الليمون .. انتهيت منها وقعدت أقلب الجوال وأشوف الرسائل .
المطعم كان مليان من الخليجيين والطيور اللي جايه لحالها واللي مع أصحابها ،
جو المطعم رايق والأكل أكثر من رائع ، شوي يتصل الطير يقول وينك قلت بالمطعم ، قال أوك أنا الحين قريب من المطعم ،
دخل المطعم وجاء يمي قعد وسوالف ومثلها ، فجأة طير جاي باتجاه الطير اللي معي ، سسلام وكيفك وكلام سريع ما فهمت إلا مقتطفات منه ،
قريب من الجلسة اللي قاعدين فيها كانوا اثنين شباب سعوديين يناظرون حول جلستنا ، فجأة واحد يكلمني يقول لو سمحت ممكن طلب !!!
قلت آمر .. قال أبيك تكلم اللي معك أبي رقم الطير اللي سلم عليه ،
قلت قم صيّده انت ، قال مقدر أصيّد وأنا صاحي ،،، هههههههه
قلت أجل انت تعال وكلم اللي معي .
جاء يمنا وقعد وسلام ، قال للطير اللي معي ، بالله أبي رقم الطير اللي سلم عليك ، قالت بستأذن منها ، دقت عليها ...!
كلمتها وقالت اللي قاعد جنبنا وشكله كذا ووصفه كذا يبي رقمك . قالت أنا مع واحد وراح يجي الان . وانا معاه طول السفرة . سكرت منها واعتذرت بابتسامة محرجه وقالت تقول مصيّده ومع واحد طول السفرة .
عزمت عليه يتغدى معنا هو وصاحبه ورفض ، المهم ,, طلبنا غداء وتغدينا وريحنا بالمطعم شوي وكل شوي يجون أشكال جديدة وقديمة ,
بعدها طلعنا من المطعم ، تمشينا شوي على الشاطئ ومشينا إلى المارينا قعدنا بأحد الكوفيهات هناك . طلبنا حلا وقهوه , وسوالف إلى قريب الساعة 7 .. أنا حسيت بنعاس ، قلت لها نمشي وبينا بالليل . قالت أوك على الساعة 9 دق علي وعلمني وش ترتيبك .
توكلت للفندق ، دخلت وصليت المغرب والعشاء ، وأحط راسي وأنام ، سويت المنبه على 9 . حاولت أنام وحاولت وحاولت ولكن للأسف ، غفوة بسيطة يمكن ربع ساعة .. قمت على الجوال سناب وتويتر وواتس ـ شوي والساعة 9 إلا .
تروشت ولبست لبس ثقيل .. طالع من الفندق ومدري على وين أروح ,
بالأخير عزمت على مزيكا ، وصلته وعطوني كرسي متوسط نوعاً ما . طبعاً طاولة مشتركة مع مجموعة . طلبت قهوة .. وقاعد مستكن مرة مع الجو العام ومرة على الجوال . أرسلت للطير رسالة إني بسهر في كاش . وبكون فيه على 1 .. طلعت من مزيكا على 11 ونصف تقريباً . طلعت ومريت محل يصلح شاورما , تعشيت ومشيت للفندق .
خذيت بعض الدراهم ، وطلعت للكاش على رجولي . لأنه قريب مررة من فندق أماديل . دخلته على 1 إلا شوي ويجي الصاحب ، قعدنا شوي ولا زان الجو ، فيه شي معكر مزاجي مدري وشو .
ضغطت على نفسي إلى 3 حاسبت ، ومشينا الفندق , دخلنا وكملنا السهرة بالفندق .
جات الساعة 5 ونصف ، حسينا بنعاس . نمنا نومة عميقة . صحينا الساعة 3 ، قمت وخذيت حمام ، ولبست سبورت ـ بعدها قام الصاحب وتروش ولبس وطلع بدون ما نتفق على موعد ،
هالمرة قلت بتمشى لحالي وأشوف وش الوضع ، الساعة 4.30 طلعت تغديت في القلعة ، ورحت للحلاقين اللي جنب مطعم اسماعيل ، حلقت ونعمت شعر ودقن ، رجعت الفندق الساعة 8 .
تروشت ولبست , تمشيت شوي بشوارع أغادير , والساعة 10 حسيت بجوع وعلى مطعم السلطان ، كبسة مندي , وكولا .. مطعم مميز وأكله لذيذ ، تعشيت وانتهيت ، على طول مزيكا .
دخلت وقلت أبي جلسة تحت . قالوا محجوز . كلمت وحدة فيهم اللي تنزل الطلبات ـ
ياهي مملوحة وفيها حلا . ملامحها عادية بس الحلا طغى عليها ،
ضبطتني بطاولة تحت . طلبت شي يروّق بالمزاج . الأول والثاني والثالث والرابع ، زان الجو واعتدل راسي . مروّق على الآخر وهدوء مميز . نظرات بكل صوب . المكان على الساعة 1 كان عامر . الجو العام مميز لولا الاهداءات البايخة ، وكل شي ، تحيه من القبيلة الفلانية إلى القبيلة الفلانية ـ ومن فلان إلى فلان .
صراحة زودوها .. معليش بشطح شوي عن النص
( يا عزيزي إنت وياهـ قبيلتك ماهي في حاجتك تذكر اسمها في هالمكان ، ولاهو بفخر واعتزاز انك تتميلح وتسوي فيها ولد القبايل ولازم اسم قبيلتك ينذكر ، فـ عيب عليك ، احترم نفسك وانضبط وخل الطفاقة ) شششششششششت عصبت والله ..!

المهم ، الجو انقلب مرقص دبكات وأغاني وشيلات ، وفيه شي موتني ضحك
كانت فيه أغاني في السعودية والكويت والامارات والكل يرقص . فجأة أغنية في قطر .. واحد سعودي كان يرقص ، شوي ويطمر له خويه ويسحبه وأشوفه يشاوره وزعلان عليه .. يا شيخ ضحكت لين قلت بس .
حسيت الوضع يحتاج تزود الجرعة شوي . كاس عصير خامس وبسس . الجو مناسب بس الزحمة كانت أكثر من اللازم . الساعة 4 وأنا استأذن . السواق كان بانتظاري . على طول لشهرزاد .
برضو كان عامر بالناس . والشباب أكثر من البنات . قعدت ساعة وطلعت . الساعة 6 وشوي وأنا بالفندق .. دخلت وخذيت حمام مطوّل . طلعت وصليت الفجر .. وعلى طول السرير . ونومة إلى 3 تقريباً .. صحيت وتروشت وصليت الظهر والعصر . ولبست . كان فيني جوووع . على طول للقلعة . تغديت وريحت شوي .
وأنا قاعد كانوا فيه جنبي شباب ، تبادلت السوالف معاهم . طلعوا من الجنوب , وسوالف أنا وياهم . خذوا رقمي ، وطلعت من المطعم وتمشيت شوي . مريت سكاي الساعة 5 وشوي . قلت بجرب شيشتهم . نادراً ما تلقى معسل عنب . أكثر المقاهي والمراقص تفاحتين ولا مكس .. دخلت سكاي . كان فيه مجموعة لا بأس بها .. طلبت بيره وشيشه تفاحتين .. لا بأس .. إلى الساعة 7 شوي . شوي ويتصل اللي كان في مطعم القلعة .
بـعد السلام وكيف الحال وأخذ العلوم ,
هو : وش ترتيبك اليوم
أنا : إلى الآن بشوف مافيه شي محدد
هو : وشرايك تجي الشقة عندنا نسهر ـ كل واحد وصاحبه معاهـ وإذا لك صاحب هاته
أنا : والله اليوم مقدر خليها يوم ثاني
هو : والله إن تجي والأمر بسيط . سهرهـ وفله
أنا : أوك برد لك خبر
هو : لا تتأخر علشان نرتب الوضع
أنا : إن شاء الله ، يصير خير
سلام سلام ..
حاسبت وطلعت من السكاي . وأنا نازل مع الدرج فيه طير لله دره ـ جميل النحر زاحف للأمام . وقفت قدامه وبدون تردد ..

كيفك .. ممكن رقمك . عطيته الجوال . سجل رقمه .
وخزنته مزيون السكاي . عشان ما أنساهـ .. ^_*

المهم . وأنا راجع الفندق . أراسل مزيون السكاي . قلت اشرايك نسهر سوا .
قال : مو مشكلة . وين ومتى .
على طول دقيت على خويي اللي يبيني اسهر عندهم . قلت أوك بجيكم . قال ترحب ملايين . أوك على 11 وشوي تكون عندنا .. عطاني الوصف والعنوان ..

أرسلت لمزيون السكاي . قلت السهرة في الفلة . عطيته الوصف . وكل شي أوك قال 11 وأدق عليك .

رجعت الفندق . ريحت شوي . طلعت على 10 ومريت مطعم باسانيا ـ مطعم هندي جنب مطعم القلعة . طلبت إيدامات حارة وخبز ورز .. أكلهم لا بأس به .
دقيت على مزيون السكاي . قال وينك الحين بجيك . قلت تعال فندق أماديل ونطلع من هناك . قال أوك صافي .
شوي ويجي الفندق . دخلنا وسجلنا بياناته ـ طلعنا الغرفة ، غيرت ولبست سريع سريع . وأدق على عمووو حسن . سواق محترم جداً وأمين وخلوق .
قال أنا تحت . نزلنا وعطيته وصف الفلة والمكان . وحركنا على طول .
وصلنا ودقيت على خويي الجنوبي . قلت له أنا قريب . طلع لنا ودخلنا الفلة .
طبعاً هم ثلاثه ـ وطيورهم ثلاثه . كلهم 6 الموجودين . وأنا وطيري صرنا 8

وشوي يجيبون العشا.. وشششذا . وشششششذا .. قال أبد شي خفيف .

كل ذا وخفيف . الله يسامحك وين تبي بذا كله ..
المهم قلطنا على هبة الريح ـ الله يجود عليهم ويكثر خيرهم .

انتهينا من الأكل وشوي الشغالة تجي وتلم الباقي وتنظف المكان سريع سريع . وفجأة الطاولات تتريب والمكان يتوسع . وكل واحد أخذ مكانة .
فلتهم ماشاء الله حلوة وكبيرة ونظيفة جداً .. يقول إنها ملك لشخص يعرفونه ولا يأجرها لأحد .
المهم بدينا السهرة ـ الجو العام رائع جداً . وكانت سهرة واعرة . تخللها بعض الشطحات من الجميع .. سهرة صباحية إلى الساعة 6 ــ وقتها خلاص فيني نوووم وتعب غير طبيعي .. لزموا علي أنام عندهم ، رفضت حاولوا بششدة ولكن رفضت بشدة . قبلها دقيت على حسسن السواق . شوي ويجيني . ونطلع الفندق
صلت الفندق وأنا منطرب وجوي رايق . دخلت وعلى طول ترويشة وطلبت فطور .
شوي يجي الفطور . فطرت وارتحت وحسيت بالنشاط . وقعدنا نتبادل أطراف الحديث مع مزيون السكاي . إلى الساعة 8 وشوي .. بعدها نووومة عميقة ..

وبقية الأحداث في الجزاء القادم .

لكم كل الحب .

اولا على قولة العرب القدامى (عطني الأمان ياشيخ العرب واتكلم )
:)
اسمح لي ياعزيزي .. تقريرك اعلاه على الرغم من مجهوداتك فيه الا انه ماهو
(سياحي) ولا مرت عليه السياحه ابدا .. فانت مع احترامي تسحب شنطتك من مكان
لاخر .. وترقد نهارك وبالليل تتوبع المراقص ..
ادري انك شاب في مقتبل العمر ومنطلق ولكن الوعي ايضا مطلوب .. يااخي انت طاب
بلد جميل وممتد من الشمال للجنوب وعندك عشرات الخيارات والاسفار والتمشيات

اتابعك من اول التقرير حسيت اننا ندور في 6 او 7 كلم مربع

انا اتكلم معك بالعام لانك كاتب بالعام
عموما اصلح الله قلبك ..

حمد الله على السلامه وعساك انبسطت
عجبني كلامك فالهبايل والمطافيق اللي يحييون ويجيبون اسامي قبايلهم فمكان مافيه فخر ولااعتزاز بدل مايستر نفسه يفضحها وهذول اللي يخربون اجواء السهره ويفككونها من جو طرب ووناسه لتحايا وضياع وقت والله مادروا عنك وليتهم ينقرضون .
والشي الثاني اللي حصلك يوم كنت جالس مع طيرك وعيب يطلب منك مثل هاذا الطلب وانت جالس فجوك بس طيبتك ونيتك صافيه كان كرشته .
يسبع نفسه ولايقعد . شايفني .....
ونيتك الطيبه عرفتك على رجال وانبسطت عندهم ونعم فيهم .
المهم انك انبسطت ونسيت تعب الرحله من نجران والهجوله لين وصلت اغادير.
وش رايك بزهب ثنتين من الركبي وزهابها وتجيني فجده ونشد الرحله لين اغادير متى ماوصلنا انشاء الله بعد ست شهور هههههههههههه الله يعطيك العافيه

بالعكس يا عزيزي ، كلامك على عيني وراسي وأتقبل كلامك بصدر رحب

ولكن أحب أوضح شغلة - عنوان الموضوع : السفرة الثالثة للمغرب والاولى لاغادير
وهذا يعني اني طول الرحلة قاعد في اغادير . وسبق قلت بالتقرير اني بآخر تقرير راح اكتب كل الأماكن اللي تستحق تزورها في اغادير ..

وكلامك اللي تقول ندور في 7 كيلو . ترى اغادير صغيرة وتفرها بيوم .

تحياتي

والله ياخي اللي جاني بالمطعم ، طلبه غبي بس مهما كان استحيت اكرشه

بالنسبة لتجهيز الركبي ، والله ما عندي مشكلة لو نوصل بعد سنة ههههههههههه

كل المحبة .