باختصار : اولا تاريخ عضويتي واضح للجميع
انا شخص قديم جدآ بالمنتدى ولكن مشاركااتي قليله واتمنى من ادارة المنتدى مثل ما عودتنا انه يهمها مصلحة الاعضاء .. وترك الحريه للجميع لطرح تجاربهم وفضح النصابين..
وبالرغم من قلة مشاركاتي ولكن لحرصي على مصلحة الجميع حبيت اكتب لكم تجربتي
واوضح واحذر الجميع من هذا المنتجع القذر والعصابه الموجوده فيه..
.
عمومآ باختصار هذا تحذير من عصابة الروز جاردن مراكش
لأنهم رجعوا للنصب والاحتيال على العالم بطرق مختلفه وراح اوضحها بنقاط سريعه..
.
- اذا انت مو شخص معروف عندهم يرمونك باخر المجمع بفيلا قديمه
واذا جيت تبي تطلع وتاخذ جوازك لازم يدورون اي مشكله يلبسونها لك
عشان يطلعون منك فلوس ويسرقونك غصب عنك ويستغلون انه يكون وراك رحله ومسافر فتظطر انك تدفع عشان ما تتاخر!!! وهذا شي اشوفه يوميا يحصل قدامي للشباب وحصل معي حتى انا...
- الفلل النظيفه والجديده ما يعطونها اي احد
لازم تدفع وتبخشش او تكون جاي عن طريق معرفه!!
- الخدمه والتنظيف وخدمة الملابس لازم تدفع وتبخشش عشان يجونك
- اغراضك وفلوسك تختفي وطبعا مافيه سفتي بوكس بالسكن !!!
وحاطين السفتي بوكس بالرسبشن!! يعني اذا تبي اغراضك لازم تمشي مسافة على الاقل ٥ دقايق!!!
ولا تسالني ليش لانه واضحه !!! الاغلبيه بيحط فلوسه بالسكن بدون سفتي بوكس والباقي واضح!!!
- الاثاث وفرش الاسره قمة القذاره وما يغيرونها الا تدفع وتبخشش!!!
- طبعا صاحب المجمع عارف بكل هالمشاكل والعالم تشتكي وهو مطنش..
صحيح انه المكان فيه حريه وهاذي الحسنه الوحيده فيه!!
- ضيوفك احيانا يتوقفون ويطلبون منك فتح غرفه !!!
طبعا انت جاي من السهره وما عندك خيار يا تدفع ١٢٠٠ او ضيفك مايدخل!!
طبعا هالشي ما كان يصير ولكن الفتره الاخيره صار مع ناس كثييييير!!
وهالشي يمكن يستغرب منه البعض لانه ما صار معه.. ولكن تاكد انه دورك جاي...لانه عمره ما صار معي وفجأه صار!!!
- من استحقارهم للي ساكنين وللضيوف قبل كم يوم منعوا دخول الضيوف بحجة انه فيه حمله !! وتم الاتصال بكل المنتجعات والجميع قالوا مافيه اي شي والامور تمام!!!!
والسبب افادني فيه احد الاشخاص (( انهم كانوا يصلحون البوابه وكانوا حاطين حديد والى ما تنتهي الصيانه منعوا الضيوف هههههههههههه اكثر من كذا استحقار للي ساكنين وضيوفهم ماشفت..
.
اخر نصيحه (( لا تفكر ابدآ تحجز عن طريق مكتب المؤيد لانهم للأسف مهما صار لك بالمجمع ما احد يحميك او ياخذ حقك فقط مجرد بيع كلام وتسليك... )))
.
اللي يبي الراحه يسكن بمنوار النخيل بس يحجز من بدرررري لأنه دايما فل..
.
نهاية الكلام اللي بيسكن بالروز الله يعينه على المناشير وعصابة ادفع..
انا قدمت النصيحه وكل واحد عقله براسه.. وترى الامان والحريه موجوده بكل المجمعات ..
والله وانا معاك بكل كلمه قلتها صح حريه وكل شيء لكن ايش الفايده من الحريه بدون امان وبدون نظافه الانسان يسافر من بلده عشان يلاقي التعامل الكويس والامان مو جاي عشان يتنصب عليه وغالي والله ع الفاضي ليه
وأنا آخر تجربة لي مع الروز كانت في اغسطس 2017 ، جلست فيه خمسة أيام فقط ، منتجع افضل وصف له ( زريبة ) تكرمون ، كل شي فيه سيء حتى الطريق المؤدي له موحش ، حرّمت بعدها اسكن فيه لو كان ما كان ..
بيض الله وجهك وتحذيرك نابع من حرصك
وخوفك ان أحد يتعرض الى ماتعرضت له .
خلاصة الموضوع هي النقطة الاولى اللي ذكرتها اذا انت مو شخص معروف عندهم يرمونك باخر المجمع ويحاولون يستغلونك على اساس انك زبون جاي لمرة واحدة .
سمعت هالكلام كثير من اصدقاء وهنا ايضا بالمنتدى مع انه فيه قلة يمدحون وهؤلاء ربما لهم وضعهم الخاص هناك بحكم كثرة زياراتهم او تسويقهم للمنتجع بأي طريقة كانت .
طبعا هذا فعل ناس يجهلون اسس التسويق وابجديات التجارة لأن لو وجد مدير حقيقي للمنتجع لوضع نصب عينيه راحه عملاءه وعدم تكدير صفوهم وتقديم خدمات لهم باسعار رمزية اضافة الى خط ساخن لتلقي الشكاوى والأقتراحات من اجل تلافي السلبيات وتقديم الأفضل .
مقارنة سريعة الى مايسمى اعتباطا منتجع روز قاردن ومنتجع مازاكان ستجد الفرق شاسع جدا ولامجال للمقارنة هناك منتجع يهتم باسمه وزبائنه والروز مجمع فلل وشقق اي كلام يسعى فقط لاستغلال زبائنة وتقديم سكن لايرقى لمستوى المنتجعات اضافة الى فئة العاملين فيه وهم اشبه مايكونو باللصوص .