يسعد مساكم بتوقيتي
بخصوص الاسعار انا ما ادقق كثير جاي انبسط والامور طيبه
اليوم صحيت الصباح ١١ وتم التوجه الي مقهى pual في حي معاريف والجلسه الخارجيه رووووعه للاسف ما حصلت طاوله الي داخل فطور منوع اخباز وبيض وعدد ٢ مشروب بمبلغ ٧٥ درهم المكان مزدحم
بعدها تمشيه علي الرجلين في كورنيش عين ذياب اجواء جميله
الغداء كان في الشقه مع صديق
بعدها الخروج الي مطعم اوميمه فوق عشاء وتحت قهوه وشيشه طبعا احنا ما نشيش قبمه ٣ مشاريب ١٥٠ درهم المحل غالي حيل
حاليا التواجد في مطعم لبنان للفنان رامي عياش اجوائه جميله مقبلاته مميزه وتستاهل الي الان مابعد يجيبون الاطباق الرئيسيه علشان اقيمها نظامه مطربين ودي جي من ١٠.٣٠ يبتدي الي الساعه ١ نظام الاكل ٣٥٠ درهم للشخص وهم بينزلو جميع المقبلات والاطباق علي الطاوله نظام المطاعم اللبنانيه والجلسه في نظري تستاهل ٣٥٠ درهم
نلتقيكم غدا