السفر بعد العيد ماله وماعليه

السلام عليكم وبعد
اخواني المزاعيط بعد التحية ابي استفيد من خبراتكم
بحكم ضغوط العمل وبعد موسم دراسي طويل وشاق وخال من الاجازات اجبرتني الظروف احجز للمغرب بعد العيد مباشرة وكان لي تجربتين سابقتين في مراكش مع شباب وكنت افضل السفر في ابريل ونهاية مارس بس ماجات الظروف ع الكيف
المهم حجزت ع بعد العيد وبعد مشاورات مع رفقاء السفر اعتذروا
فعزمت ع السفر وحداني والمدة ١١ بدون ايام الوصول والمغادرة
ومع اني احب ارتب اموري بدري واخطط للامور احب اخذ معلومات اكثر
المخطط الوصول واستئجار سيارة والتوجه لاغادير مباشرة ٣ ايام بعده ع مراكش وتنصحوني ادخل طنجة في البرنامج وكم المدة وافضل احجز له طيران من مراكش او الذهاب بالسيارة
واي نصائح تنصحوني فيها اكون شاكر لكم

١١ يوم الافضل مدينتين
اما فترة بعد العيد انا جربتها مرتين وكانت ممتازه جداً
بعد العيد بـ ١٠ ايام ماهو على طول

شكرا لك فهد بعد العيد ب ٥ ايام طالع بمشيئة الله الاسعار تكون بزيادة والزحمة كيف

ماقد سافرت في العيد بس حسب الكلام اللي جاني وخلاني اكنسل حجزي في العيد ان أسعار أجار السيارات والسكن راح تكون مرتفعه بل في ذروة ارتفاعها السنوي في هذا الوقت تحديدا وفي كل مكان راح تواجه زحام ممكن حتى وانت تبي تدفع ماتحصل سكن مناسب . اذا انت عارف السكن اللي تبيه ومرتاح معهم حاول تحجز من بدري بوقت كافي ونفس الشي بخصوص السيارة واعتقد انك مخطط لهالشي. بالنسبه لي هذا اهم أمرين السيارة والسكن اذا خلصت منها .. باقي الأمور تتسهل.

طنجة حلوه وتستحق الزيارة لكن مدري ١١ يوم أشوفها مدة قليلة تزور فيها ٣ مدن زي ماقال فهد الأفضل مدينتين


موفق

اذا وضعت طنجة في رحلتك تحتاج لزيادة عدد الأيام
والأفضل تسافر بالسيارة حتى تستمتع
بالمناظر الطبيعية

يعطيك الصحة خويا هذا اللي صار معي بس قلنا نجرب المغرب في الصيف ونتمنى تكون تجربة ممتعة السيارة امرها سهل لكن السكن عندي هو المشكلة

السيارة لابد منها بس احب اختصار الوقت وقطع المسافة باسرع وقت بحكم قصر المدة شكرا لك ولجميل ردك

١١ يوم لاتخليها هجولة وشد طريق خلها راحه واستجمام اغادير و مراكش
او طنجه وكازا . تروح طنجه من المطار خط ولا احلى واذا رحلتك توصل الصباح احلى واحلى تستمتع بالمناظر وتستقر فطجه والعوده يومين فكازا ويمكن تعجبك طنجه وتقضيها كلها فطنجه . اما انك تروح اغادير فالجنوب وتطلع طنجه تتعب خمس ساعات او ست ساعات من المطار لاغادير ومن المطار لطنجه نفس الشي
واجازتك قصيره . هذي وجهة نظري وانت لك الاختيار . والسياره تحتاجها فطنجه . لو سافرت طيران تحتاج سياره فطنجه والسكن مادام معاك سيارتك تلف ساعتين وتختار السكن اللي يعجبك .

انا رحلتي بعد العيد 15 يوم
نسبة الارتفاع تتوقعون كم

شرحك سرا، م قد طلعت في الصيف لكن نبي نشوف تجارب الشباب ونصائحهم لنا في الصيف.