حكايات كويتي ... في بلاد الزعطه

bader757 · 2018-04-17T13:45:24+00:00

مرحبا يا اخوان ... راح اسرد لكم قصص ومواقف حصلت لي في بلاد المغريب الجميل والقصد هو اخذ العبر والدروس منها اضافه الي المتعه.... ونبدا بأول موقف باسم الله بداية لم اكن من محبي السفر للمغرب لعدة اسباب من اهمها ان المغرب وخاصة قبل الثورات لم يكن بهذا الحضور وربما بسبب السياحه في الشام وتايلند صحيح كان هناك سياح يعشقون المغرب لكن ربما كان ينقصه الدعايه واعداد المزاعيط بذاك الوقت لم يكن مثله الان علي الاقل عندنا بالكويت وش لكم بالطويله صادفت احد الاصدقاء واقنعني بأن نغير الوجهه هذه السنه الي اغادير ... لحظه لحظه ... تقصد المغرب .. قال نعم قلت لا الحين موسم صيف وهذي اجواء تايلند ... قال وكله ثقه - نسافر اغادير واذا ما اعجبتك راح اردلك اللي دفعته وفوقها بوسة خشم... من صجك ... نعم: يقول صاحبي... لا وقال بعد اذا ماتحسفت علي كل سفره لتايلند وغيرها ... لاحول ولاقوة الا بالله ياولد فكني من شرك ... قال طالبك قلت تم...حجزنا للمغرب ووصلنا كازا وبتنا ليله وماكان لها داعي مادام ناوين اغادير لكن قلنالكم بالبدايه القصد من سرد القصص اخذ العبر والدروس... المهم رحنا للمطار عشان الطيران الداخلي لاغادير وهنيه تبدا الحكايه الجد ... استعدوا .. نكمل .. يلا في مطار كازا وحنا رايحين لصالة المغادره شاهدنا ملاك يمشي علي الارض ... من غير مبالغه اجمل مارأيت في حياتي ... فتاه مغربيه في عمر الزهور ابهرت الجميع بشدة جمالها وحسنها الاخاذ ... وتكاد تخطفها الابصار .. وكل هذا الجمال يسير بجانبنا ولان صاحبي ملعون الجدف وسيم جدا فقد بادلته هو اطراف الحديث ... وانا اقول بقلبي اهب ياكبر حظه ... سألت بغنج عن بوابة اغادير قلنا حنا رايحين معاكي هلمي معنا ... قالت واخا ... مافهمت شنو قالت واخا ... اول كلمه اسمعها بالمغرب ... ركبنا الطياره طبعا صاحبنا طايحله سوالف ال.. وانا اهز راسي معاهم ... ووصلنا مطار اغادير فجأه اختفت حسناء المغرب ... وصاحبي يحوس قلت حنا برا الحين خلنا ناخذ تكسي ونروح للفندق وقبل مانركب التكسي بثواني حدثت المفاجأه ... شنهي يامزاعيط ... انا اقولكم... البنت تكلمنا من الجهه الاخري للشارع وتقول تعالوا اوصلكم معاي ... ماصدقنا خبر وهبا طرنا يمها ... وقالت اتفضلوا معانا بالسياره وهذي اختي راح توصلكم وكانت اختها اجمل منها ... ول ول ... حلم ولاعلم...طبعا الحين انا وصاحبي كل واحد يسولف مع وحده والجو ولا اجمل وقبل ما نحرك بالسياره جتنا الصدمه الغير متوقعه ابدا... عشرات من الشرطه يحاوطون السياره ومختلف الرتب ... للامانه المنظر كان مرعب ومن شدة خوف البنات قاموا يصيحون ويقولوه انتم اكيد ارهابيين ... سلم علي الطبيشي ... رحنا فيها اقوله انا... ابك ياصالح هذي المغرب اللي تقولها... صالح مصدوم وانا اسب والعن والبنات يبكون.... وفي لحظه قررت انزل واتفاهم مع الضابط ... ورحت وقلتله تري هذي اول زياره للمغرب وما ااعتقد اني سويت جريمه عشان تحاصرونا بالسياره... قال خل البنات ينزلوا وانت ماعليك شي وارجع للسياره ... احترمت نفسي ورجعت وقلت للبنات المشكله فيكم روحوا شوفوا الضابط وراحت صاحبة السياره ورجعت منهاره قالت راح يحولنا للمركز ولازم يجي زوجي لاني متزوجه واذا جا وعرف الموضوع راح يقتلني وانهارت من البكي... وانا وصاحبي انهرنا من الموقف الزفت هذا المهم رجعتله مره ثانيه وقلت ليش الفضايح واكيد فيه حل ثاني .. قال الحل موجود اتفضل معاي انت وصاحبك ومعاكم كل اغراضكم ... وداخل الباص الصغير قالنا اما تدفعوا او راح احولكم كلكم للمركز ... لحظه يالطيب ... ليش كل هذا كم تبي وفكنا... والكلام لي لان صاحبي كان في مرحلة انهيار نفسي وعاطفي... قال كل اللي معاكم ... انتوا شايفين عدد الشرطه كبير ... ولازم اخذ كل اللي معاكم ... وبعد شد وجذب وبعد ماقلتله اني يتيم وكن فلم هندي مع شوية ندم واسف وافق انه ياخذ عشرين الف ... طبعا مبلغ كبير لكن لوشفتوا اعداد الشرطه والناس كنتم دفعتوا اكثر حتي نخلص... دفعنا واخذنا جوازاتنا ... وارتاح صاحبي وقال ... ممكن نرجع للبنات قلت ليش بلا... قال ابي اخذ رقمهم ... قلت امشي اولا[emoji148]

DarkMoon

مزعوط مميز

المشاركات: 458

تاريخ التسجيل: Feb 2018

2018-04-19, 07:17 PM

المشاركه #1

حكايات كويتي ... في بلاد الزعطه

يعطيكم العافيه سلطان وخالد وميمي

سوالي هذا لأنو جاني شك ان حتى وانا دافع قيمة المخالفة في نفس الموقع ممكن الشرطي ياخذها بجيبه ويشقق المخالفه .. لأنو كذا موقف صارلي وكنت مخالف ارفض ادفع للشرطي واطلب انه يعطيني مخالفه

mimi

مراقب

المشاركات: 10,213

تاريخ التسجيل: Jul 2011

2018-04-19, 07:48 PM

المشاركه #2

اقتباس:

المشاركة الأصلية كتبت بواسطة DarkMoon

يعطيكم العافيه سلطان وخالد وميمي

لا عادي ما يوقعلك والو اساسا حيعطيك ايصال انك دفعت هدشي لو كان الدفع بطريقة القانونية اما لو سلكتي معاه ب 100 ، 150درهم فكانك ما عملت شي ، انت متى تتخوف لمن تشوفو مسك القلم واخد بياناتك وبدا يعبي الرقم ديال الرخصة ودكشي التاني بعد ما اخد 100درهم

DarkMoon

مزعوط مميز

المشاركات: 458

تاريخ التسجيل: Feb 2018

2018-04-19, 07:54 PM

المشاركه #3

حكايات كويتي ... في بلاد الزعطه

اقتباس:

المشاركة الأصلية كتبت بواسطة mimi

ممتاز
بالعكس اذا انا مخالف واستاهل المخالفه ماعندي مشكلة ادفعها ولا اشجع الشرطة يأخذون رشوة وهذي وجهة نظري واسلوبي دايم اذا سويت مخالفة أقوله عطني مخالفه وادفعها وامشي

mimi

مراقب

المشاركات: 10,213

تاريخ التسجيل: Jul 2011

2018-04-19, 08:02 PM

المشاركه #4

اقتباس:

المشاركة الأصلية كتبت بواسطة DarkMoon

هههه والله بعرف بس ادا هكا من اول ما تعمل المخالفة وكن نضامي مرات الغلط يكون سهو و ما اعتقد انها رشوة ادا انت مخالف ، الرشوة لمن يكون شي غصب عنك وكل الاطراف متعمدة الغلط

« الموضوع السابق | الموضوع التالي »

الذين يشاهدون محتوى الموضوع الآن : 1 ( الأعضاء 0 والزوار 1)

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
الانتقال إلى العرض العادي العرض المتطور الانتقال إلى العرض الشجري

الانتقال السريع

المواضيع المتشابهه للموضوع: حكايات كويتي ... في بلاد الزعطه
الموضوع	آخر مشاركة
حكايات سفر .. موعظة و عبر	2020-07-12 07:31 PM
كويتي في اليابان !!	2013-02-08 02:48 PM
حادث لمواطن كويتي	2012-04-10 05:27 PM

الساعة الآن 08:16 PM

عروض وحجز الفلل و الشقق

السيارات شركات تأجير السيارات

تقارير سياحية

الاستفسارات سؤال و جواب

حكايات كويتي ... في بلاد الزعطه

روابط سريعه