طيب اخوي تواق كم كان سعر النخيل و سعر العنود ؟ و شنو السلبيات اللي خلتك تهون عن العنود

النخيل ٣ شقه غرفتين ١٧٠٠ مع الخدامه من المعلن الو مراكش والعنود ١٢٠٠ السلبيات طال عمرك بعيد شوي النخيل اقرب منه والعنود مبنى عادي مو منتجع والطريق بري صغير مسافه كيلو تفرقله من طريق اوريكه وبمكان موحش بس للامانه تعاملهم من خلال الاتصال فيهم جيد وسمعتهم عند المزاعيط زينه .

يالغالي منتجع العنود ساكن فيه انا بداية الشهر
ومن وجهة نظري اشوفه ممتاز
الاثاث متوسط
وتعاملهم جداً ممتاز ولطيف
ومن ناحية الظيوف جداً ممتاز تجي لين الباب والي يقولك يجون عند المحطه وتجي تاخذهم سواليف مافيه هالكلام

وطريقه مرره ممتاز على طول على محمد السادس وجليز وساحة الفناء ربع ساعه وانت فيها
ومن ناحية السماعات صح يقولك يعني لاتفجر عليها يعني عادي ترفع الصوت بس مو الصوت الغير معقول

من وجهة نظري اعطيه 7 من 10

النخيل 3 نفس سعره تقريباً وغرف صغيره وصاله صغيره وحمامات وانت بكرامه صغيره جداً

طبعاً هذي وجهة نظري المتواضعه
وان شاء الله يفيدونك باقي الشباب

ويخصوص السكن شهر ابريل جداً زحمة يعني اذا ماكنت مضبط وضعك قبل ماتجي وحاجز بتتوهق وللمعلومية الاسعار عاليه مقارنة بباقي الشهور
وانا قصدي بالسكن منتجع او فله خاصه

ابو علي مع التحيه

من واقع تجربه في شهر ابريل الله يسلمك جاي من طنجه وتعب الطريق اوصل السكن اشوفه متهالك جدااا اشبه بحضيرة غنم الله يعزكم بعد ذا الموقف تفاجئت وقلت الله يسامحك يابو منيره تسكنا في خرابه الوضع سيء الزبده كلمنا بو منيره غير الشقه لاكن اختكي مثلكي كملنا الليله لان الوقت متاخرفي منتصف اليل وصلت انا ومايمدي اطلع وانا دافع المبلغ تحويل له والصبح طلعت الي النخيل وسكنت هناك بنفس سعر بو منيره وانظف وارتب واحسن :maroc (1127):

ياجماعه حتى اناره داخل الشقه مافي وريحة المكان قذره والمطبخ متهالك ولايوجد فيه حتى كاس مويه والحمامات خربانه (حمام محطه على خط خريص) والبيبان مكسره ومافيها اي قفل وكملنا ليلتنا بدون مفتاح الشقه الباب الخارجي للشقه مفتوح
وبالنسبه للدرك بعيني شفته جيب الجمارك قدام الباب وصل لاحق طيور واخذ من عندهم فلوس ومشى فا الأمان بالله

تجربه كانت سيئه سيئه سيئه جداااااا
اختصرها لكم مكان اشبه بحضيره لاينفع فيها السكن لا مكان ولا موقع

ترى كلامي من قلب لاني عانيت وياليت بو منيره يحس لاني مسافر وعاز نفسي
كلامي صريح ومن نفسي كتبت الكلام كله من وااااااقع تجربه مريره :maroc (1127):

عوذا من ابو منيره وشقته

وش تنصحون فيه

كلامك صحيح أخوي وانا معاك ومجربه
بس بعض المزاعيط ما ينقل الصوره
الصحيحة لكي يستفيد الكل

تسلم يالغالي على هالكلام الطيب. الله يجزاك ألف خير.