اقتباس:
المشاركة الأصلية كتبت بواسطة غريب وبس
نكمل الذكريات
الحلقه السادسه
اقمنا باكادير تلك الليله وفي الصباح كان بهو الفندق مزدحم جدا وعلمنا بعد ذلك انهم من العسكر المصاحبين للامير سلطان الله يرحمه وقلت بنفسي نجلس الليله ونمشي بكرا رحنا لديسكو في احدى الفنادق وشاهدني واحد من الجماعه وعندما عدت للرياض انتشر الخبر مثل النار بالهشيم ... وليد العاقل الرزين الي مو راعي خرابيط وحافظ على الصلاه بالمسجد شافوه بديسكو
طبعا معلومه اتذكرها من دكتور بالجامعه
اي خبر يتناقلونه عده اشخاص وجميعهم صادقين لابد بكون التحريف فيه لايقل عن٥٠٪ فمابالك اذا كان فيهم كذابين
المهم بعد رجوعي عقد مجلس العائله واصدر قراره بتزويجي !!!
طيب انا خربان وفيني الي مافيني لاقدر الله وش ذنب بنت الناس تزوجونها لي
المهم خلال ثلاثه شهور حصلت الخطوبه والزواج وكنت ابي شهر العسل بالمغرب ههه واصرت الله يرحمها يكون بماليزيا وكانت الموضه ذيك الايام ماليزيا وبالاخير صارت القاهره ههه
المهم ٩شهور وانجبت لي ابني الوحيد واصيبت بالمرض الشين وتوفيت بامريكا اثناء علاجها
وبعد وفاتها بشهرين رجعت الزعطه من جديد على نحو ثقيل اقنعني ابو مؤيد بفكره نشاط تأجير السيارات دفعه اولى ٣٠٪والباقي اقساط عشر سيارات وراح يدفع ابو مؤيد ٢٠٪ونا ١٠٪ وسئلت الشيخ الاطرم بالموضوع لانه البنك ماراح يعطينا سيارات راح يعطينا كاش اذا ربا ورفضت هذا الامر وسبحانه الله ياجماعه الخير من ترك شي لله عوضه الله بخير منه شريت قطعتين ارض بحي الدار البيضاء على ٣٠الف وقطعه ارض بحي الامانه ب٨٠الف وخلال سنه جابت كل الاراضي على الاقل١٥٠٪ ولله الحمد اشتريت بيت صغير بالدار البيضاء مع احد الاخوه الافاضل من اهل الجديده مع محل مشواه ومحل حلاقه وكلها باساميهم طبعا والله ياجماعه الخير الله حطني بمجموعه خيره من اهل المغرب حلالي عندهم ويينا دفتر الحسابات ولا احد تعدى على حقوقي بالعكس الارباح محفوظه وتعامل ماس راقين
نكتفي هذا اليوم وفي الحلقه القادمه نتكلم عن قصه التحاقي بجامعه الاخوين وكيف قلبتها من حسابي الخاص الى ابتعاث من الدوله
بانتظار استكمال سردك الشيق
عن نفسي احب هالنوع من الذكريات
ايضآ فيها جانب مضيء عن المغرب وشعبها الطيب المضياف