ذكريات مزعوط

ايه والله بس الحمد لله تمت على خير ولك ارق تحيه على المرور الجميل

والله يسعدك دنيا واخره استاذي الكريم

تقرير روعه ومن الحقبه القديمه والزمن الجميل اسسسسستمر

واصل متابعين الله يسعدك

الاجمل هو حضورك استاذي الكريم

اسعدك الله دنيا واخره

الحلقه الثالثه
نزلت إلى ذلك البار الشعبي واخذت موقعي وكنت متوجس في نفسي وحشه من المكان لاسباب معروفه مثل اي غريب لايعرف ماذا يفعل ومايجب فعله كانت على البار إمرأه هي الكل بالكل وصدقوني اني التقيت بها على مدى اربع سنوات لم استفسر منها عن وضعها في البار هل هي المديره صاحبه البار لان مل لقاءتي معها فيما بعد كانت خارج ذلك المكان
المهم جاء من بعدي شباب واضح عليهم العربده والسكر واستلموني بالتعليقات مع جهلي باللهجه المغربيه اتخذت وضعيه ياغريب خلك اديب
المرأة التي كانت كل شي بالبار لم تسكت وصارت عن الف شنب هاوشتهم وسكتتهم وجت لمي قالت المكان مهوب مكانك صدقني انت وش ظروفك طبعا الكلام بلهجتها وفهمي كان مكسر ويساعد الفهم حركات عينيها ويديها
اخبرتها اني ماعرف شي وبصراحه ابي جو انبساط قالت بكرا الساعه 9 مساء تنتظرني عند باب فندق ماجستيك وقالت كم حدودك للصرف قلت 50دولار ونا على استحياء قالت واخه بكرا زي ماتفقنا
طلعت لفندقي اخذت شاور طقني الجوع نزلت ادور عيشه مالقيت شي رحت للكوفي حق الفندق واحد قهوه نص ونص مع كرواسان طلعت فوق اقلب قنوات مافيه شي الملل يقتلني قرب وقت الفجر خفت انام قبل الصلاة نزلت تحت جاني افريقي عرف اني سعودي واخذ يتكلم معي بالعربيه انه درس بالجامعه الإسلامية وانبهرت بسرده لقصيده في أسماء الله الحسنى الا بعدها قام يسوق لي خاتم معاه انه خاتم سليمان ويفتح فيه طرق الجان تركته طلعت صليت الفجر ونمت
التلفون ازعجني بالاتصال من الاستقبال وبالاخير صارو غلطانين الساعه 10صباحا نزلت الحق على الفطور لاني بالفعل الجوع ذبحني وعلى طول اتصلت على رشيد لك اخبره عن موضوع اخيه وعقد العمل الجديد(بالمناسبه اخوه الحين شبه متملك لمؤسسة مقاولات ونفذ العديد من القصور وصالات الاقراح وحالته الماديه مليونير الله يزيده) المهم جاني رشيد بسرعه ورحنا نرسل اوراق اخوه قلت اسمع انا الحين دوري راح ينتهي وهذا رقم الرجال بالسعوديه ومنك له الله يوفقكم مع بعض بس ترى مالي دخل بشي قال ماقصرت ورحنا لشاطئ عين الدياب ونا ذهني مشغول وييين!!
طبعا اكيد في موعد الساعه العاشره
انتظرت الموعد ثانيه بثانيه رحت للحلاق وزبطت مظهري والعشره عند باب الفندف جت على دراجه ناريه قالت اركب ههه ركبت معاها ومن شارع لشارع لين وصلنا المبنى المكتبي تبع شركه تجاريه رقيت الدرج طرقت الباب فتحت لنا سيده وبالداخل كانت هناك فتاه ليست بالجمال الاخاذ ولا بلبس غير محتشم ولكن قلبي خضر تعلق بها من اول نظره لتكتب في مساحه حياتي صداقه على مدى 23سنه فيها من الضحك والحزن والافراح والاتراح وتكون هي مستودع اسراري وانا خازن قصه حياتها احببتها من كل قلبي كانت تعمل مسؤوله في مزرعه خيول ومن عائلة متوسطه تقترب من الطبقات الغنيه طبعا لك لايذهب ذهنكم بعيدا لم يحصل بيننا اي شي غير الصداقه البريئة طلبتها للزواج ولم يوافقو اهلها ولا ازيد عن هذا الموضوع
ولعلي اتوقف هذه الليله لافكر مجددا
ماذا ساقوله في الحلقه القادمه

الحلقه الرابعه
سأبدا باستخدام التشفير تحفظ على سريه بعض المعلومات وبنفس الوقت تكون واضحه وايضا مراعاه الذوق العام
المهم دخلنا الشقه والي فتحت الباب ذات الرداء الاحمر تعمل مرشده سياحيه للسياح الانجليز والامريكان يعني تتقن الانجليزيه لها روح المرح والدعابه وصاحبت مقالب ممتعه اما الفتاه الي تعلقت بها فيما بعد تعمل في اختصاصيه في تربيه الخيول وتعشق الخيل والفروسيه ومن اسره لهم باع طويل في هذا المجال
اخذت موقعي بالجلوس وعرفت بعدين انه كل ليله احد يجتمعون للسهره والرقص مع بعض ويتعشون في هذا المكان قالت لي صاحبه البار اذا انت تريد عصير علمني وش نوعه واجيبه لك الحين قلت لا ابي العصير الطبيعي الي بالطاوله معكم ابتسمت وكأني أزحت عن صدرها حمل ثقيل واشتغل الاستريو وانواع الدردشه ونا مثل الاطرش بالزفه اراقب تلك الفتاه واحاول يمين ويسار اني افتح مجال معها بالسواليف الباب كان مغلق في هذه الناحيه منها باحكام انتهت السهره وتعلمت شي من حركات الرقص وذهبت الى الفندق الساعه 3فجرا لقيت بالاستقبال خويي الي من الجماعه ينتظرني قال لي اسف انه كان فيه بعض الامور قلت تبي الصراحه خذ رااااااااااحتك اذا جاء يوم الجمعه موعد الطياره قبلها بثلاث ساعات مرني نروح للمطار قال خلاص اتفقنا وكأني كذلك أزحت عن صدره حمل ثقيل طيب ياخي من الاصل ليه تطلبني لمرافقتك <<<< قلتها بنفسي وراح الرجال طبعا كان معي 1000دولار كاش ماصرفت منهم الا 100دولار غير حساب الفندق والتذاكر كانت على حساب الرجال
المهم صليت الفجر ونمت وانا افكر بها وسأرمز لها ب(سعاد ) وهذا ماهو اسمها الحقيقي قمت تقريبا 11صباحا نزلت تحت للكوفي حق الفندق وهذا رشيد ينتظرني طبعا انا شخص مزاجي ومزاجي حاد جدا فا رشيد وجوده الان ليس بذلك الاهميه فحاولت اني ابتعد عنه وفهمني طبعا مع مراعاه السؤال عنه واخوه فيما بعد ...
اليوم الثالث والرابع كانو مجرد تمشيات على شوارع كازا وفي لليله الاربعاء كان لابد اني احدد موقفي من سعاد ياواصل طرق الباب حتى ينفتح او احاول تناسي الموضوع لكن ذات الرداء الاحمر شجعتني كثيرا على طرق الباب وفي ظهر الخميس حصل المطلوب وبدأت باستلطافي وذهبنا جميعا بسيارتها وكانت رينو موديل 87الى جنوب الرباط في اسطبل للخيول كانت رحله ممتعه جدا اول مره اركب فيها فرس وهي من اختارت تلك الفرس المطواعه وفي الليل كان علي تأجيل سفرتي اسبوع اخر لان الموضوع بدأ يسخن وانا بالاصل امضيت ايامي الماضيه بالاستكشاف اتصلت على اهلي بالرياض واقنعتهم بتأجيل سفرتي وبالفعل تم التأجيل وسافر خويي وارسل لي اخوي مدد من المال واخذت هي اسبوع اجازه سافرنا فيها مع ذات الرداء الاحمر الى مراكش وقبلها مرينا على الجديده وبعدها على اكادير كانت رحله ممتعه جدا لم ادري الا ان يوم الخميس قادم بقوه مختتم فيها اول رحله الى المغرب فيها احداث اثرت على رحلاتي فيما بعد حيث اخترت شقه تعود الى ضابط بالجيش على شارع عبدالكريم الخطابي في مدخل قريه النخيل
هي مقر اقامتي في مراكش الحمراء
اشكر لكم طيب المتابعه ولعلي اسرد بعض الذكريات فيما بعد

واصل يا بطل متابعينك

العفو اخي الكريم

و

ناطرينك لاكمال مابدات ....