|
اقتباس:
ههههه تبي الصدق انا ماينفع اسوق هناك تخيل طالع من السهره واسوق لاابدا ماينفع قلت ياولد خذه معك يسوق فيك وبعد يطبخ لك عليه كبسات يحبها قلبك ومنها يوسع صدره |
اقتباس:
تبي الصدق جلست اضحك من سالفتك بس يوم فكرت بتعمق طلعت فكرتك خطيره في حاله كان استخراج الفيزا سهل للرفيق وانصحك تدخل موقع سفارتهم وتقراء الشروط اضمن لك واكثر رسميه وتأكيد |
اقتباس:
على الاقل تثق فيه انا ماصلح لي ولاسواق في المغرب اخر مرا واحد اقوله رح المطعم جب لي بيتزا راح جاب لي مشاوي يقول احلى قسم بالله هذا الي صاير قلت دام احلى كلها انت[emoji23][emoji23] عينك فيها |
اقول بيض الله وجهك يابو لجين كلامك في محله وكما يقال في المثل الهنغاري ( الإنسان الحذر لا يجعل عنزته حارسة لبستانه ) ----- اذكر صارت لي مثل هذه المواقف سكنت في مراكش 10 ليالي بالطبع صاحب الفيلا في البداية طلب المبلغ كامل وقلت له يمكن اجلس اقل من 10 ايام ويمكن اجلس اكثر من ذالك . وأتفقنا كل ليلتين اقضيها يأتي للفيلا واعطيه أجار الليلتين فقط. لاحظوا هنا ( الدفع بعد وليس قبل ) كاسر يا مال السلامه وادخل في عينه ----- وأذكر موقف في مطار المسيره بـ أغادير كان في استقبالي مندوب لشركة تأجير سيارات يملكها شخص من الجنسية العراقية ومقرها كازا وأثناء تسليم السيارة وتوقيع الأوراق أتانا شخص من الدرك ( أمن المطار ) في البدايه رحب بي ومن هذا الكلام الجميل واخر شي قال ما فيش حلوا ما فهمته :questionmark: رجع وقال احلاوا :ouch: وقتها فهمت انه يبغا بخشيش . فقلت في نفسي بختبره قلت الحلاوه اطلبها من الله . الله يرزقنا ويرزقك وكانت النيه اني وقت ما اخلص الاوراق وكل شي ابحث عنه واعطيه خلصت الاوراق وكل شي وقمت بالبحث عنه فلم أجده رجعت للسيارة وركبت القارمن ( GPS ) وربطت حزام الامان ومشيت واثناء خروجي وجدته قاعد ينتظرني على بوابة المطار قال اعطني جواز السفر واعطيته قال اعطني اوراق السيارة وايظا ً اعطيته قال اعطني رخصة القيادة واعطيته رخصتي السعوديه ورفضها فقمت بـ إعطائه رخصت القيادة الدوليه قال افتح شنطة السياره وطلب مني ايظا ً فتح الحقائب وصار يفتش آخر شي قال ليش الراكب الي معك مو رابط الحزام . وكان الراكب هو مندوب الشركه كنت اريد توصيله لمكان التاكسي داخل اغادير حتى يرجع لـ كازا قلت اسئله هو لا تسألني أنا قال نحجز السياره قلت ما تحجزها المخالفه على الراكب احجز الراكب قال تفهمني شغلني انت كثير هدره ( بلا بلا بلا ) :maroc (1035): انا وقتها زعلت وقلت انت تبغا بخشيش والنيه كنت ناوي اعطيك لكن الان ما راح اعطيك قال ما ابغا بخشيش انا ضابط شرطه قلت له حتى انا ضابط شرطه واعرف الانظمه والقوانين من باب تخويفه فقط وطلعت جوالي وللأمانه كنت ناوي اتصل على السفاره السعوديه قلت هذا رقم السفاره السعوديه بتخليني امشي والا اتصل عليهم والله انه مشى ولا قال كلمه. وأنا وانتم جميعا ً نعرف ان هذا الشخص لا يمثل إلا نفسه فـالمجتمع المغربي يزخر بشباب قمة الأخلاق والرقي والصدق في التعامل شيء من سماتهم وصفاتهم . اختصار الكلام وتعقيبا ً على كلام اخوي ابو لجين بيت شعر للملك عبدالعزيز رحمه الله يقول الحزم ابو العزم ابو الظفرات والفكر ابو الترك ابو الحسرات --------- وعفاكم جميع :n1: |
تعديل :19: الحزم ابو العزم ابو الظفرات والفرك ابو الترك ابو الحسرات |
العاقل خصيم نفسه ... والجاهل عدو نفسه
لا تدخل نفسك في مشاكل انت في غنى عنها وحرص ولا تخون . تعامل مع الناس بعقل وحكمة ولا تكن امعه |
الشي المهم
انك تدفع مبلغ السكن كل يومين بالشقق و المنتجعات و غيرها لان باختصار الاغلب مراح يرجع فلوسك و تبدا سالفة هوشات و قلق انت في غنى عنها ولا تنسون اي مكان تسكنون فيه ضروري يكون فيه عقد و اقرا العقد مهو تدرعم و توقع بعضكم يقول اني معقد لكن صدقوني الاوراق هذي هي شريعة المتعاقدين حتى صاحب المكان اذا شاف انك حريص يهابك ويعاملك باحترام |
اقتباس:
يبيلكم تجربونها صدقوني راح تستمتعوا وتعيشوا اللحظة |
اقتباس:
اتصل بالرقم الاخضر (مكافحة الرشوة) . تصرفك اخوي سليم ١٠٠% . عيدكم مبروك .....عساكم من عواده |
الوضع م يطمن في المغرب ولا وش ناس ينصحوني اكنسل سفريتي وانا قد حجزت
#وش_ذا_الحظ [emoji22][emoji174] |
| الساعة الآن 02:44 AM |
جميع المواضيع و الردود لاتعبر بالضرورة عن رأي و توجهات الادارة و انما تعبر عن رأي كاتبها فقط