ابي نصايحكم

والله وانا اخوك ان فيه رجال تعرفت عليهم ونعم التربيه ونتسابق انا وياهم مين يحاسب قبل الثاني ومره واحد من الشباب عرفني على واحد من اخويااه ورجال تقريبا في الاربعين والله منعم عليه وقلت لخويي فكني منه لا يكون يغثني قال الرجال مايحتاج ولا يفقد المهم اتفقنا نروح سوا وقال انا بنزل في كازا يومين وبلحقك في اقادير لاني مواعد طيري ودي اشوفه قلت له ي خوي الطيور قلت يوم تتعب حالك وتنزل وبعدين تستاجر سياره وتمسك خط اقول لك امش بس شفت اصر قلت مافيه مشكله الوعد اقادير المهم بعد ماجاني هناك كل سهره قبل تنتهي يسحب وبعذر اني تعبان ومكثر قلن مافيه مشكله الحساب مدفوع ومن اجل العين تكرم مرج عيون المهم خوينا جلس على هالحاله معي كم يوم ومره يضيع ومره احصله على طاولت ناس مدري شلون تعرف عليهم والاحظهم مغثوثين منه لكن كشكلتنا الطيبه الزايده والا يمديني والا يمديهم كرشوه وكلمت خويي قلت الله يسامحك عز الله اني مارتحت له يوم قابلتني معه قال الرجال عندنا بالرياض حطه على يمينك قلت له ان بغيت تعرف الرجال سافر معه خوي الرخا ماهو مثل خوي الشده وياما واجهت ناس وهنا والله مامزخ نفسي يمكن فيني عيوب ولاني افضل الناس لكن الاخوه في هالزمن نادر تلاقي واحد ذيب معك معك عليهم عليهم الله يسقي ذيك الايام ي شيخ والله ان كنا طقاق مين يحاسب اول
لكن الحين تجمعت بخل وجبن وشينه نفس وتحصله ماسك كاسه بين الطاولات والا جالس على بار مع الي انت خابر وسلامتك

بقولك الله يسعد هالوجه ومن يشووف يا مسافر انا اشتري خوة الرجال والفلوس والمحاسبه اخر همي ان كان هو رجل يستاهل بس اكره اللي يقتات ع ظهور الرجال ولا يمد يمنانه مثلهم ويقدر ويحترم ويستحي هذا ما اطيقه لا في ارض ولا في سماء يعني الطايره انا يعجبني الذيب اللي يفهم خويه ويراعيه ويقف معه ولكن الماده دايما احس انها مسببه مشكله في الخوه عشان كذا احس ان الواحد يعرف وش له وش عليه عشان لا يوجع راسه مع خويه وكلن ياخذ راحته باموره الخاصه واتمنى تكون لي سفره معك عشان ارجعك لزمن الطيبين ههههههههههههه

لي الشرف اخوي ساري
لكن تراني شايب خايف انك تبلش فيني من مكان الى مكان
معك سلف طيب هههههه

ابشر بالخير امر بس فدا ذا الوجه افا عليك عصابت راسي الشيبان

والله ي بعدي من خلقت الدنيا معروف 90بالميه ع الخوي
هو اللي يحلي سفرتك او يخربها
انا بصراحهه 3 بس من كل خوياي هم اللي اسافر معهم او احد منهم او لحالي
انا مره سكنت بالروز قاردن 17 يوم لحالي بسويت
وفيه 4 فلل مستاجرين بالروز من خوياي بالدوام ويصيحون علي تعال تعال ورافض
فقط اجيهم افتر بارتي او قهوة بس مره كنت تعبان ونمت. عندهم بالفله وندمت يم زانت النومه الا واحد منهم صياحه يسمعه اللي باخر الروز طلع متهاوش معه صاحبته المهم صرت مصلح اجتماعي هذيك الساعه ويوم صحو من النوم الا ماكن صار بينهم شي الصبح ضحك وبسطه بغيت اقوم اسطرهم من القهر انا ساعتين اصلح بينهم. وبالنهاية طلع مو منهم من اللي براسهم
تخيل اني ساكن معهم رسمي كان جنون