مين يكون خويي للمغرب بعد رمضان

على ذا النقاط خذ لك طالب مستجد عشان ينفذ معك

اذا ماعندك خوي على الدين ابتعد عن شخص ماتعرفه
لحالك افضل حتى لو نقصت المده ودلعت نفسك

السلام عليكم
وجهة نظر خاصه
الخوي بالسفر ضرورة ملحه
لأي ضرف من ضروف الدنيا مرض تعب ......
لكن اختر خويك قبل تقص تذكرتك
لازم يكون فيه انسجام وتفاهم واتفاق حول النقاط الرئيسيّة والمهمة بينكم
والكفو لو تشتري خوته
تحياتي

هذا الكلام السنع

حسب توفيق الله.


أنا اول سفرة لي لسوريا قبل ١٥ سنة تقريبا وكنت لحالي، تعرفت على شباب ثنين بالطريق؛ المهم تشاركنا كل شي، ولله الحمد من أروع سفرة مرة علي حتى الان بحياتي.

وآخر سفرة لي للمغرب قبل أسبوعين تقريبا تعرفت على كويتي وتخاوينا وكانت ليالي جميلة جدا بالرغم كان كل شخص يسكن بشقتة ولكن كنا بنفس المجمع، واللي عرفوني علية الطيور يعرفون بعض هههه المهم كانت ليالي قصيرة الا انها جميلة ولم نختلف على شي ابدا؛ ومتواعدين انا نتخاوا بالمرات الجاية.



لذلك عزيزي الامر يعتمد على توفيق الله وأيضا يعتمد عليك انت!! برضه اذا كنت رجال كفوو وتنصف خويك ولقيت شخص عندة نفس المميزات او قريب منها؛ عاد مو بالضرورة تصير الامور كل شي بميزان.

كثير من الردود جميله وكثير من وجهات النظر لها حق من النظر .. لكن انا اتكلم فيه تجارب ناجحه مع اخويا ما تعرفهم وفيه تجارب فاشله وكل شخص يتكلم عن تجربته .. لكن في الاول والاخير كل انسان هو يحكم تصرفاته وخوته مع الاخرين .. لان الوضوح في الخوه وعدم الكذب والف ودوران اساس نجاح الخوه واي كذبه او غلطه تحصلها من خويك انت اللي تحكم عليها ع حسب ما شفت منه تختلف من شخص لشخص وكثير ناس عندها قلة صبر وكثير ناس يبي ياخذ راحته في سفر وكل هذي وجهات نظر وفكر اشخاص وفيه ناس صراحه نفسيه سوى الحاله والا مع خويه مريض نفسي معقد اجتماعيا مستحيل ينجح في أي صداقه مع رجال يمكن مع الحريم ينجح علاقته لانه يلبي لهن كل طلباتهم لكن مع الرجال تحصله ضيق الخلق والنفس .. واستغرب ان فيه ناس تقولك خاوني وممنوع الزياره اللبي بينا في السكن سلامات وين عايش انت تحسب الناس ميته ع خوتك او تبي خوتك ترى عادي خلك لحالك افضل ولا تعرض خوتك وانت عندك شروط غريبه الخوه اساسه الوناسه والفله وايضا انك تتشارك مع صاحبك كل شي بس الاشياء الخاصه فيك هذي لك انت ما يشارك فيها .. بس هذا يبغاك تكون واضح ايش الاشياء الممكنه والاشياء اللي تكون لكل شخص لحاله واهم شي لا تخاوي نفسيه ههههههه

كلام والله عين العقل ي مزعوط
يقول لك شيء اذا تبي تخاويني ادفع اول ويعدين احاسبك في السعوديه موافق
خاويتك مانت موافق برضه خاويتك ههههه

هلا حياك نشتري خوتك وجميع التكاليف علينا بس انت امر وتدلل افا عليك يا مسافر جديد كم عندنا في المنتدى مسافر جديد مثلك يعطي الجمال في أي موضوع يكتب فيه وتسلم اناملك اللي تلف بالحرير ع مواضيعك وكلام الرائع ..

الله يسلمك ي قلبي ماتقصر
حاب امزح معاك واذا الله كتب لنا
عمر بنتلاقى في اقادير ان شاءالله

اخوك

الله يسهل امرگ
وترا بتلقا شباب قدامك جايين عشان ينبسطون وبس
راذا بتنتظر خوي في كل مرهـ الله يعينگ