|
يازين السفر مع نفسك استكنان واستقرار تنام وتصحى وتاكل وتسهر على مزاجك بدون الارتباط باشخاص قد يكونو على مزاجك وقد لا وتكره ابوالسفرة وتصير خسارتك دبل
|
احسن انا واحد ياسفر لحاله ياخد راحته بلا وجع راس خصوصا الى مسافر معه مايعرفه ......ظ
|
اقتباس:
السكن راح يكون مستقل والسيارة انا راح ادفع تكاليفها من ايجار وبنزين وراح تكون تحت تصرفي انا وبس واستعارة السياره ممنوع لكن مايمنع لو طالع مشوار تجي معي نظام الدفع بدون قطات النظام انكليزي كل واحد يحاسب عن نفسه وفي نقطة انبه عليها الزيارات داخل السكن مرفوضه وسلامتك |
اقتباس:
|
اذا ماعندك خوي على الدين ابتعد عن شخص ماتعرفه
لحالك افضل حتى لو نقصت المده ودلعت نفسك |
السلام عليكم
وجهة نظر خاصه الخوي بالسفر ضرورة ملحه لأي ضرف من ضروف الدنيا مرض تعب ...... لكن اختر خويك قبل تقص تذكرتك لازم يكون فيه انسجام وتفاهم واتفاق حول النقاط الرئيسيّة والمهمة بينكم والكفو لو تشتري خوته تحياتي |
اقتباس:
صكيت عليه من كل النواحي[emoji23][emoji23][emoji23] |
مين يكون خويي للمغرب بعد رمضان
اقتباس:
يا Milan نظامك بطل [emoji106] |
اقتباس:
ذكرتني بواحد مسوي قروب مجمع اخويا السفر الخاصيين مسميه " لا يدري أحد " [emoji23] |
حسب توفيق الله.
أنا اول سفرة لي لسوريا قبل ١٥ سنة تقريبا وكنت لحالي، تعرفت على شباب ثنين بالطريق؛ المهم تشاركنا كل شي، ولله الحمد من أروع سفرة مرة علي حتى الان بحياتي. وآخر سفرة لي للمغرب قبل أسبوعين تقريبا تعرفت على كويتي وتخاوينا وكانت ليالي جميلة جدا بالرغم كان كل شخص يسكن بشقتة ولكن كنا بنفس المجمع، واللي عرفوني علية الطيور يعرفون بعض هههه المهم كانت ليالي قصيرة الا انها جميلة ولم نختلف على شي ابدا؛ ومتواعدين انا نتخاوا بالمرات الجاية. لذلك عزيزي الامر يعتمد على توفيق الله وأيضا يعتمد عليك انت!! برضه اذا كنت رجال كفوو وتنصف خويك ولقيت شخص عندة نفس المميزات او قريب منها؛ عاد مو بالضرورة تصير الامور كل شي بميزان. |
مين يكون خويي للمغرب بعد رمضان
اقتباس:
على هذي النقاط صدقني منت بحاجة خوي |
اقتباس:
هذا اسميه نظام زيود ماهو نظام امريكي لا وتبي وتبي الرجال يخاويك |
اقتباس:
|
اقتباس:
|
كثير من الردود جميله وكثير من وجهات النظر لها حق من النظر .. لكن انا اتكلم فيه تجارب ناجحه مع اخويا ما تعرفهم وفيه تجارب فاشله وكل شخص يتكلم عن تجربته .. لكن في الاول والاخير كل انسان هو يحكم تصرفاته وخوته مع الاخرين .. لان الوضوح في الخوه وعدم الكذب والف ودوران اساس نجاح الخوه واي كذبه او غلطه تحصلها من خويك انت اللي تحكم عليها ع حسب ما شفت منه تختلف من شخص لشخص وكثير ناس عندها قلة صبر وكثير ناس يبي ياخذ راحته في سفر وكل هذي وجهات نظر وفكر اشخاص وفيه ناس صراحه نفسيه سوى الحاله والا مع خويه مريض نفسي معقد اجتماعيا مستحيل ينجح في أي صداقه مع رجال يمكن مع الحريم ينجح علاقته لانه يلبي لهن كل طلباتهم لكن مع الرجال تحصله ضيق الخلق والنفس .. واستغرب ان فيه ناس تقولك خاوني وممنوع الزياره اللبي بينا في السكن سلامات وين عايش انت تحسب الناس ميته ع خوتك او تبي خوتك ترى عادي خلك لحالك افضل ولا تعرض خوتك وانت عندك شروط غريبه الخوه اساسه الوناسه والفله وايضا انك تتشارك مع صاحبك كل شي بس الاشياء الخاصه فيك هذي لك انت ما يشارك فيها .. بس هذا يبغاك تكون واضح ايش الاشياء الممكنه والاشياء اللي تكون لكل شخص لحاله واهم شي لا تخاوي نفسيه ههههههه
|
كلام والله عين العقل ي مزعوط
يقول لك شيء اذا تبي تخاويني ادفع اول ويعدين احاسبك في السعوديه موافق خاويتك مانت موافق برضه خاويتك ههههه |
اقتباس:
أنت ليش تدور خويا؟! أنت ماتتحملك غير سيارتك ههههههه. الله يسعدك محد مخاويك على الشروط هذي!! نصيحتي لك، لا تكن معقد؛ خل دنياك سهالات، ومايمنع الاتفاق على بعض الخطوط العريضه. |
مين يكون خويي للمغرب بعد رمضان
الله يسهل امرگ
وترا بتلقا شباب قدامك جايين عشان ينبسطون وبس راذا بتنتظر خوي في كل مرهـ الله يعينگ |
اقتباس:
|
اقتباس:
حاب امزح معاك واذا الله كتب لنا عمر بنتلاقى في اقادير ان شاءالله اخوك |
اقتباس:
وجهة نظر تحترم والله لا يجيب الزعل .. يقولك : ليه اشتري بحلالي علة!! وانا وش ذنبي من اول ثلجتين يمرض علي ويعديني ولا اتطوع معاه بعمل احصائية على عدد الصيدليات في المغرب ,. اما كون الوحدانيين يا بخيل او نفسية فلا اظن ان الشاهد يزكى في هذه الحالة سوى عندما يكون راعي بطولات وسفرات ومقانيص ليلية يفجر مخك بشعر مضروب او بروايات عنتر بني عياد وهو ينام بالتكسي قبل توصل الفلة . السفر الإقتصادي وحسن التدبير لا يسمى بخل, وسعة الصدر والأستجمام في اجازتك لا تسمى انطوائية ترى بعض الطيور عند البعض اطلق من خوي اذا عرفت موقع ميدانك وامكانيات فرسك في مضماره اخيراً واتمنى محد يزعل من وجهة نظري, من يبحث عن خوي سفر واحد من اثنين : ههههه ولا بلاش اخاف تقولون اني قطاع ساقة, الله يسهل دروبنا ودروبكم |
ي خوي صدقني اكثر سفراتي لحالي
ولا والله جيت هنا امدح نفسي ولكن كان قصدي بردي على بعض الردود الي تصر على الوحده صحيح هو حر بقراره لكن لا تفرضه على الناس وتحصله في كل موضوع يفرضه على الناس واذا واحد نصح الثاني وقال ترا الديره غاليه انتبه نقز ابو الشباب الوحداني وهم قله وقال لا ماهيه غاليه ماعليك من كلام الناس طيب انت بكلامك تاثر على الرجال بدل مايخذ عشره الاف مثلا اخذ نصها بناء على نصحك وجميع سفراتي اروح وحداني وياكم واحد تعرفت عليه من طرفه وليس من طرفي وصارت احلى سفره لعلمك اسهر لحالي وطاوله على البست ولا عندي مشكله لكن من خبرتي في الرجال والسفريات اغلب الي يحب يسافر لحاله ويرفض الخوه لا من قريب ولا من بعيد ولا يبي يخالط الناس هذا مريض ولا يختلف عليه اثنين وتحصله يكاسر العالم بالدرهم ويعل نفسه والبعض منهم يقط وجهه في المرقص على الي يعرفه والي مايعرفه بالله عليك هذا وش تسميه وبالنسبه الي يقول طيري افضل عندي من خويي هذا يبيله جلسه كوي على علباه عند سلامه الجهني :maroc (1023): الكلام يطول لكن حنا هنا اخوان هدفنا الاول مساعده اخوانن لنا وتبصيرهم باشياء يجهلونها وصدقني مو القصد هنا فرض عضلات وانا الدفيع الي مامثلي وانا الي اعرف كل شيء هذا شيء بسيط ممن يدور في مخيلتي وبعدين انا ماني في حاجه احد حتى ابحث لي عن خوي لكن انا اعلق هنا على بعض الردود وان عرض علي رجال شرواكم خوتي لبيتها وخويا يشيلك افضل من طيرا يبيعك ولا يخدم بخيل سلامي |
اقتباس:
عجيب امرك ردك هذا نسف جميع ردودك الاولى متناقض ياعزيزي انت ولو جميع الاعضاء قرو ردك هذا لكفاهم تحياتي لك |
اقتباس:
[emoji680] |
لا تناقض ولا شيء انت بس ركز وتعرف مقصدي حنا نتكلم عن الخوه مافي مثلها وتطرقنا للي يسافر لحاله ولا يبي احد معه ركز هنا وتطرقت لسفرياتي اغلبها وحداني لاني مالقيت خوي على الدين وتطرقت ايضا في سفراتي وحداني اني تعرفت على رجال شرواكم وكانت احلى السفرات ولكن كلامي موجه لفئه معينه بعدين تفهم وش مقصدي ي الحبيب والحمدلله نظرتي مانغيرت ولله الحمد والمعنى في بطن الشاعر مو كل شيء نوضحه هنا بدون مدح نفسي والله من اسلوب الرجال اظهر لك معدنه وشخصيته ووش هو من لحيه لا اخفيك امتاز بالفراسه وهدا الي متعبني بصراحه كلامي هذا والله ماهو شوفت نفس لكن للاسف هذي الحقيقه
سلامي لك |
اخي مسافر رسالتك وصلت ومقصدك غايه بالوضوح
|
الله يبيض وجهك اخوي مسافر وكلامك واضح ولا فيه أي تناقض لكن مشكله اللي ما يفهم وش الهدف من الخوه ويحسب الطير خوي وهو براسه ضايع ما يعرف يدبر عمره وتحصله يمشي مع أي طير يدله الطرق للاسف صرنا نبيع خوة الرجال لجل مقابل الحريم اللي ما منهن الا وجع الراس ياخي خلك انت تمشي الطير ع كيفك شوف وش يكون رده فعله عليك ...بس مشكله اللي يروح لديره ما معه خوي يسنده ولو برد الصوت مو يعني يكون ممرض له او يسعفه مع انك لو لحالك وشفت واحد محتاج مساعدتك ولقيته قفاك تعتبر عيبه في حقك كل من احتاج لك وتعرف انه صادق وما ساعدته هذي عيبه في حقك وفي رجالتك وشهامتك ... لكن لله في خلقه شؤوون
|
والله وانا اخوك ان فزعنا من رجال ماعرفهم تكلمو عليهم عراقيين وبغت تجي ذبحه لكن الله ستر وهدينا الامور وكل واحد راح في حال سبيله هذا ولاهو خويي ماخليته وشلون خويي الي اكلت معه عيش وملح وانا اخوك الناس لبعضها الطير يبيعك ويبيع الي جابك وانا اعرف طيور دشرو ناس وخلوهم يدمنون وهذا اعترافهم بانفسهم لا تقول طيري صحيح فيه بنات تحطهم على الجرح لكن قله ومن العهد الاول والله لو انت مسافر قبل 15 سنه واكثر انك تعرف ان فيه فرق بين طير اول وطير الحين خلني ساكت لخربها هههههه
|
اقتباس:
هذا ان دل يدل ع طيبتك ونخوتك ورجولتك اكيد الخوي سند وعضد بالغربه ياخي يكفيكم كلام ان افضل واشرف الخلق نبينا صلوات الله وسلامه عليه عن المصاحبه وعدم السفر لوحدك طبعا مو معناتها انه لاتسافر لوحدك احيانا تجبرك الظروف غصب واحيانا رغبه منك بالسفره لحالك لاجل شي ماء وهالشي من حقك .... |
تسلم يالغالي ولا عليكم زود
ياخوي مافيه احد مايحب الخوه لكن الديره غاليه واحيانا مجبور انك تسافر وحداني لان اغلب الناس عندها ظروف والبعض الاخر اعرفه زين مايطلع الريال وكل ماكلمت احد قال ي شيخ اروح لاندونيسيا اصرف لي ولا مصر واصرف قليل ولا يهمك الي يقول انا سافرت للمغرب ولا صرفت الا قليل والله لو ابي احلف انه ماطلع من شقته او فندقه وتحصله مره او مرتين يسهر واذا جاء للسعوديه قام يهايط صرفت كذا وكل يوم اسهر وكل يوم معي طبر وهو كذاب الرجال مانعرفه الا بالسفر يبان لك معدنه هو كريم هو بخيل هو نذل خو جبان هو كفو وكل هولاء مرينا عليهم وبعض الناس اعرفهم زين يحب يتجنب السفر مع احد حتى ماحد يكشفه ولا يحرجه الان وضحت بعض ماكان خافي والله يستر عليكم سلامي لكم |
الخوه بالسفر ضروره ملحه خاصه الزمن هذا بسبب كثرة الامور اللي تحتاج لعوين وصديق يسندك ولا تحتاج لشخص يبي يستغلك ولا همه الا فلوسك وقرشك .. لكن انت تحكم الامور في كل خوه لك وتختار المناسب لك ولا تلتزم الا مع اللي يستاهل الخوه والنخوه وكل عاقل يعرف وين يعقل اموره .. والله يسهل لنا الخير وين ما كان والخوي اللي ينحط ع الجرح ويبرى
|
يارجل رح لوحدك وهناك بالكوفيهات والسهرات بتتعرف ع شباب وتفلها معهم
وممكن تسهرون سوا تطلعون تتمشوون سوا تجلسون كوفيهات ومطاعم سوا اما سكن وسياره مانصحك باللي ماتعرفه |
اقتباس:
[emoji106] |
اقتباس:
على ذا النقاط خذ لك طالب مستجد عشان ينفذ معك |
مسافر ليلة العيد ٨ ايام .. اللي وده نتشاىك سكن وسيارة وطاولة حياه ..ترى مب شينه
طبعا السكن حصلت فله غرفتين ومسبح ٢٢٠٠ درهم العادة اطلع مع واحد من خوياي بس للاسف عسكري واجازته مب ملكه |
لا تطلع ليله العيد خل وصولك هناك رايع العيد افضل من كل النواحي ولا تنسى تعايد والدينك والمغرب ملحوق عليه
|
بيعيد بالمغرب وش جوك يا شيخ عيد عند اهلك وبعدها سافر
|
انت تمشي من هنا ليلة العيد وهم هناك لسى صايمين
|
العيد الجمعه باذن الله وقياساً بالاعياد السابقه عيد الفطر بالمغرب يتاخر بعدنا بيوم واحد .
|
اقتباس:
|
| الساعة الآن 11:03 AM |
جميع المواضيع و الردود لاتعبر بالضرورة عن رأي و توجهات الادارة و انما تعبر عن رأي كاتبها فقط