هل معقول

السلام عليكم
هلمعقول ان تستاجر فله غرفتين ب3500 درهم.
هذا ما ردعلي صاحب اعلان منوار النخيل
لماذا هذا الجشع والاستغلال.
لماذا لا نقوم بحملة مقاطعة لكي يعرفو ان الله حق

يمكن العرض يشمل خادمه وطباخ وسياره

لا يارجال مايشمل شي

غالي جداً يجب المقاطعه هاذي اسمها سرقه حسبي الله ونعم الوكيل هم يشوفونك برميل نفط يمشي ،، اسعار خرافيه حتى في لندن ماتلاقي هذا السعر
شقه غرفتين في لندن في عز الصيف 2000 درهم مغربي

ابو قحط حمله ومقاطعه هههههههههههههههه
ياحبيبي اذا انت مادفعت المبلغ ذا غيرك بيجي يدفعه وفوقه حلاوه بعد
والشي الثاني أنسى فكرت مقاطعه وحمله خصتنا في المغرب

هذا الكلام مقاطعه وبمراكش والله مادرو عنك
خذلك لليله بجليز وبالصبح من اليوم الثاني رح تمشى بمنطقه النخيل وتفاهم من دون السماسره

يشبعون بها

هذا من بركات لايف مراكش انت خل السكن
اجل تسهر في الدبليو على البست ب ١٠٠٠٠ الاف درهم
ياناس قلنا لكم مراكش ماتصلح ولو ملزم عليها
يومين ولا تطول ياخي عندك الشمال والحنوب وكازا
مراكش نصب واستغلال ومداهمات ان سلمت مره ماسلمت
الي بعدها هذا غير جوها المخيس خاصه بالصيف
الله يعينكم

اكييدد مو معقول وليش تاخذذ فله غرفتين ب 3500

الخيارات كثير وبربع هالقيمه ،،

بقليزز وبالحي الشتوي وبفيكتور الشقق غرفتين من 600 الى 900 درهم
باخر سفره قبل رمضان شقه غرفتين لقيتها 850 درهم وماخذتها لان فرشها مايتوافق مع السعر
وسكنت بعدها ب 1000 واشوفه كثير

بعد ماترتاح بفندق اول يوم لف وشوف الشقق او المنتجعات بدون سماسره وبتحصل اسعار حلوه وخذ اللي يعجبك

وساعتها ماتلقى استغلال او نصب

ماتبي شقق بقليز عندك النخيل 3 شقق غرفتين من 1200 الى 1500 ومع الشغاله وتاخذ راحتكك

ماتبي النخيل 3 عندك الدرقاوي 2170 غرفتين مع الشغاله

ماتبي كل هالخيارات اكيد بيستغلونك ويعطونك فله ب 3500

بالنسبه لي مراكش المدينه الاولى بالمغرب من كل النواحي وفيها خيارات كثير من ناحية كل شي السكن السهر المطاعم الاماكن السياحيه وكل شي

والاستغلال غير موجود الا للشخص يسلم نفسه للسماسره ويطلب منهم يسوون له كل شي وهو جالس ،

الدبليو والكاش والكي تقدر تسهر ب 200 درهم دخوليه وتقدر تسهر ب 2000 طاوله وتقدر تسهر في اي بي ب 7000 وترى بالنهايه الدي جي واحدد والزباين واحد والجو واحدد والوقت واحدد ، خذلك اي طاوله ب 2000 اذا كنتو 2 وانتهت ليش تاخذ ع البست

وسلامتكم طبعا كلامي عام غير موجه لاحد لكم ودي واحترامي

كلامك طيب وواقعي
بالنسبه لاخوي القحطان فيه الاخ ابو سلمان عندهم منتجع صغير علي طريق ورزازات فيه فلل صغير 3 غرف وفيها ديسكو تحت المكان زين يعيب عليه فقط مساحة الغرف صغيره شوي والا المكان زوين اسعارهم بحدود 2500 تواصل معه وشوف