رحلة الشيبان ابو فيصل وابو خالد للمغرب

ابو خالد وابو فيصل يالله حيهم منورين

متابع معك و بداية قصة ممتعة يابو خالد تسلم يمينك
حظك غير مع التكاسي طحت بوجيه ودرة

__________________

حبيبي
ابو خالد متابع معك الرحله بتفاصيلها
باسلوبك االرائع
ما شاء الله
القصه والرحله ممتعه جدا
واصل قصه الرحله ابو خالد
تابعوا الرحله ا
كل جديد وممتع في هذه الرحله مع حبيبنا

اسعد الله جميع اوقاتكم يا مزاعيط بكل خير اينما كنتم في ذا الكوره الارضيه

نكمل يا احباب قصة الشيبان الشقرديقة

اجراء ابو فيصل اتصالاته المحليه والدوليه وضبط لنا شقه. كلم على السيده صاحبه الشقه.. وعجزو يفهمون على بعض .... قلت في نفسي يالله الخيره من جد... مالكم بالطويله ابو فيصل دبر الوضع واتفق معها على موعد..قلت زانت ...من بكره رحنا وقابلنا صاحبه الشقه وكان استقبال رائع جدا

اتفقنا على كل شي وسلم ذيبان الفلوس للسيده... المهم انا كنت جالس قدامه وكل تحذيرات حبايبنا في منتدى مزاعيط براسي......

مالكم بالطويله طلّعت جوالي بكل سريه تامه وا وثقت علميه تسليم الفلوس للسيده صوت وصوره... قلت سبحان الله يمكن تجحدنا وتطردنا انا وخوووي

انتهينا من الشقه وطلعنا للسيارتنا ...طبعاً انا الامير على الباب الايمن وابو فيصل السواق

قلت: ابو فيصل حزر فزر وش سويت .. قال: وش العلم ..قلت: وثقت عمليه الدفع بالجوال صوت وصوره..ان لفت ودارت لعننا ابو خيرها...

قال ابو فيصل ذيبان ذيبان. قلت: تلميذك

طلعنا ورحنا المررجان للتسوق

طبعا الاكل كله بالشقه ولله الحمد // وتوفقنا في الشقه و الخدامه ولله الحمد من قبل ومن بعد

مالكم بالطويله. تمشينا في الرباط ... وللامانه مدينه رائعه ٫ جميله ٫ نظيفه٫ مرتبه... برائي الشخصي والمتواضع انها افضل بكثير من المدن الاوربيه.
هناك دلالات تعطيك انطباع اولي عن المدينه:

-الاشجار بجميع انواعها في المدينه مقلّمه تقليم سليم و جميل.
-الشوارع نظيفه و معلّمه (مخططه) بشكل نظامي رائع.
-نظافة المدينه بشكل عام. لم اري أي مخلفات كرتونيه او بلاستيكيه او علب مشروبات او غيرها مرميه على الارصفه والشوارع. للأمانه ذهبنا انا وا صديقي ابا فيصل حتى للاسواق الشعبيه لتقييم النظافه وكانت رائعه جدا جدا.
- يوجد ترااام في المدينه و حديث ايضاً.
-سلوك والمظهر العام للناس كان على مستوى عالي.

الصراحه اعجبت انا وصديقى بهذا المستوى الراقي للمدينه.

فقلت في نفسي ( المغرب دوله لا يوجد بها بترول ولا غاز وشعبها يقارب ٣٤ مليون نسمه) وهذا مستوى مدنهم وطرقهم و الخدمات الاخرى من القطارات التي تربط المدن.. فا أجللت هذا لهم وقلت يستحقون تحيه اجلال واحترام للشعب وللملك الذي لم يهمل وا يضييع شعبه ودولته.

فهنيـاً لكم يا احبابنا المغاربه بهذا المستوى من الحياه رغم تحديات العالم القاسيه

ما لكم بالطويله ... الرباط جميل فيه كل شي..

في العصر ذهبنا انا وصديق العمر ابا فيصل الى البحر واكتشفنا ( الهرهوره)

منطقه جميله والاجمل استمرار الجو الغائم والبارد بها.. يوجد بها مقاهي و مطاعم
والاجمل هي غيوم المحيط ونسناس الهواء العليل النقي المنعش
الذي يجعلك تتحسر على ايام عمرك التي لم تقضيها في مثل هذه الاماكن.

امضينا هناك ٧ ايام لا تنسى وتعرفنا على معظم معالم المدينة...

في اخر يوم جهزنا اغراضنا استعداداً لإكمال الرحله بتجاه عروس الشمال طنجه...

وللقصه بقيه.....

تقرير واعر والله يسعدكم يالشيبان
ومهتم اني اكمل قراءته للاني حاب اعرف معلومات اكثر عن المدن الشماليه
وبخصوص التنظيم والنظافه والخدمات خصوصا في المدن الرئيسيه بالمغرب فعلا الله لايغير عليهم مع ان عدد السكان 34 مليون والبلد مواردها شحيحه نلقى فيها خدمات ونظافة ووسائل مواصلات متنوعه مثل تكاسي وباصات وترام ومترو
منتظرين باقي الحلقات

والله كنت هين يوم صورت السيده تخيل بس تطلع عضوه معنا بالمنتدى ههههه
الهرهوره جوها زوين بالصيف نمرها نفطر فيها والا لا ؟؟
كمل نبي طنجه

حركت مواجع الشايب ياشايب ... الرباط مدينتي المفضلة ... فيها نجد سكنانا ... اسلوب ولا اروع ... واصل الهرولة وانثر أبداعك هنا ... لنجتر الذكريات ونستمتع

__________________
قلت اسقني من ذبل مرهفاتي عسى طيور القلب تركد عن الحوم

شوقتنا نروح للرباط

ابوخالد خاذق صور الاتفاق واستلام المبلغ. " عن قولت " هههههههههه

وصفت لنا نسناس الهواء
طيب وتنسيم الكاتم ما جبت طاريه

__________________

هلا و غلا مسك القمر
نعم نعم افطري فيها .. تستحق الزياره بكل امانه

هلا و غلا اديب اللي كله ملح وترتيب.. اتفقت انا وصديقي الغالي ابو فيصل بأن نقاطع الكبسات بانواعها مده الرحله... وادمننا على الطاجين والبسطيله والكسكسي،،،،وكل ما لذا وطاب من بلاد المغرب العزيز