نصيحة محب مهمة جدا جدا

كل عام والجميع بخير

كيف حالكم ي مزاعيط ..

ارجوووو من الشباب اللي رحلاتهم بالاسابيع هذي
اذا وصلوا للمغرب ان شاءالله انهم مايناقشون او يتجادلون مع المغاربه بموضوع الرياضه وكاس العالم نهائيا ويتجنبون النقاشات هذي وينبسطون برحلتهم وينتبهون ويحترصون اكثر لانه واضح الشحن لدى بعض الجهال المغاربه من قضية كاس العالم وتخوينهم للسعوديين كافه بسبب تصويت الى اخره ..)

ترى بتسمع سمساره او بنات بيقولون لك ماعليك والوضع تمام وكلام فاضي وخرطي
الموضوع اكبر من هالتسليك ؛
فعلا واضح وملاحظ فوران مبالغ فيه من بعض الشباب المغربي ع السعوديين خصوصا وتهديدات الى اخره
طبعا اللي يبغاك بشر مو جايك بسلاح له طرق اخرى

عموما يعلم الله مو تخويف لكن الموضوع يستحق التذكير ومن مصادر موثوقه
اذا بتتاكد بنفسك ادخل عالم السوشل ميديا وشف بعينك
وكمان تابع الاعلام المغربي الرسمي للاسف وشف كلامهم

عموما اللي راعي سهر وناسه ينتبه اكثر ويحترص

للتذكير :. التخوين اللي صدر صادر من وزير الرياضه بالمغرب بنفسه علشان تعرف ان الموضوع رسمي

يعلم الله مابغيت بهالموضوع الا التذكير للاخوان
والله يستر ع الكل ان شاءالله وباذن الله ماصاير الا كل خير

هذا ردك في موضوع سابق وش اللي اخلف رايك

والله كلام جاني قبل ساعتين
لو الشخص اللي قاله. مو موثول مانزلته بموضوع

كلام من شخص بالسفاره او صار حادث معين يوجب التنبيه لعدم السفر بهذا الوقت

يبي يورطني أبو عزة

انا اصلا بعدد ماكتبت هالتعليق رجعت بعدله ماقدرت
لاني قلت يمكن كلام فاضي وطقطقه

المهم انا ماقول انك بتموت هناك حذرت فقط من الجدال بهالمواضيع هذي

المغرب ترى من الدول اللي تعتبر امنه
اللي اقصده اعتقد واضح ان الواحد مايدخل بهالنقاشات اللي راح تولد نزعات وغيرها

مازلت عن رايي وازيدك من الشعر بيت يعلم الله ان رحلتي ب5-7-2018 وبادن الله بسافر ونفس جدولي.
فقط حبيت اذكركم بهالشي

مشكور على النصح والحرص والحذر واجب بكل الحالات

لا مو من شخص بالسفاره من شخص له بزنس بالمغرب وموجود حاليا بمراكش واعرفه شخصي

ما تلاحظون إنكم اعطيتو الموضوع اكبر من حجمه
اصور لكم عدد اللي دخلو من يوم ٢٧ رمضان لليوم و امورهم تمام و ما في شي
بالنسبة للسوشيل ميديا حتي انا احط بلاوي ب سنابي مو يعني اني ضد الشعب او عندي نية اسوي شي
واهم شي ان للمغرب شعب واعي و لا احد يبي يقضي فترة من حياته بالسجن بسبب الكورة واحنا مو عايشين بغابة