هل يوجد شاليهات بالمغرب على البحر ؟؟؟

إوى لعجب ما عرفتش أخاي كيفاش زرتي المغرب كله ومالقيتي شاليه
الخطره الجاية ملي تسافر المغرب وتوصلي كازا سير لشي قهوه في عين دياب واختار الكعدة وريح فالكرسي من بعد اصبر شويا وكيجيك واحد البرهوش لابس طابلية غادي يسولك اش تشرب أسويدي
قول ليه جيب لي شي براد أتاي منعنع او شي حاجة ما نكول بحال الخبز والكونفتير والزبدة

واذا ساليتي ادا عندك طونوبيل سير نيشان على مرينا سمير في مرتيل حدا تطوان واذا ماعجبك الحال سير للحسيمه
واذا ماعندك حديدا سير المحطة الطرقية كاين الطاكسيات البويض أصحاب لكرارس وخود طاكسي كورسة لأنو الشيفور ما يمشيش تما الى ماكانو عندو ست بلايص لانو ديما كيفكر عندو المخسور فاش غادي يرجع خاوي واتفق مع الشيفور على التمن وادا ماعجبكش التمن سير والشيفور را يعرف راسو غادي يزكل كليان وادا اتفقتوا توكلو على الله بكري باش توصلو قبل ما يطيح الليل
وادا بغيتي قريب من كازا كاين الطلب ديالك في مزاكان راه غالي التمن وحقاش خاصك تديكلاري قبل الطناش
وادا ماعجبك الحال ارجع واسمح في البلاد