رد: رحت المغرب يوم واحد بس ورجعت على طول !!
حياكم الله جميعا وشاكر تواجدكم اولا
ثانيا
خذوا التفاصيل !
طبعا ولله الحمد ماصارت مشاكل ولا يحزنون ، لكن العتب على المزاج اللي تعكر فجأه ولا ادري عن السبب ، ممكن لان المغرب لم تعد مطربه كما عهدتها من قبل !
سكنت في حي الزرقطوني في شقه بثلاث غرف وصاله ب 1300 درهم ، الشقه غير نظيفه وينقصها الترتيب لكن هذا النظام عموما هناك ، لذلك الاخوه الخليجيين ارجوا منهم ترك المعيار الخليجي للشقق المفروشه خلفهم فور مغادرتهم الاراضي الخليجيه .
طبعا الشقه وصلت بعد الكثير من التجول بين احياء المعاريف وما جاورها بما يعرف بالاحياء الراقيه ، هي راقيه الى حد لا بأس به بالمعيار المغربي ومواقعها بصراحه حلوه وتتمركز تقريبا في وسط كازا ، هي قلب كازا عموما .
فندق كنزي تاور جميل وفخم وموقعه هو الافضل بلامنازع في كازا والغرفه فيه ب1650 درهم وفي حالة وجود ضيف يتم دفع 1000 درهم وهذا نظامهم وواضح الاستغلال .
انا مش من اهل الضيوف والطيور وما شابه لذلك ما اركز كثير على هالموضوع واللي مثلي انصحهم يسكنون في فندق ويريحون راسهم .
في المره الاولى لزيارة البلد كنت لوحدي ايضا ولكن كانت روح الاستكشاف ونشوة الدهشه ملازمه لي طوال الرحله وهي لمن لا يعرفها تعتبر ( اكسير السياحه الناجحه) ولكني في هذه المره فقدتها تماما ولذلك كانت البلد في نظري باهته وبلا طعم او رائحه .
في اسفل العماره هناك عجوز اسباني يتجول طوال الوقت ومعه كلب صغير ، كلب ملعون يسوي نفسه اسد ! وهو ينبح كل ما شافني على الرايحه والجايه وفي الاخير اصر انه ينتظرني عند مدخل العماره كلما طلعت ودخلت ، طيب ياخي وش مسوي لك انا ؟ عندي عقده كبيره جدا من الكلاب وجا هالملعون وكمل الناقص !
الشقه كانت مليانه غبار ويوم طلبت من صاحبها تنظيفها قال لازم تجيب شغاله ، هذا النظام . قلت مش مهم اجل ، نتحمل يوم واحد بس ، وبكره انشالله اروح مراكش يمكن الوضع يكون احلى .
حاولت انام ماجاني النوم ، قلت انزل الى الشارع التجاري ، طلعت من الباب وجلست اتلفت يمين ويسار قلت الحمدلله الكلب مش هنا ، خرجت بسرعه عشان ما يدري عني ويوم وصلت اخر الشارع سمعته ينبح وحطيت رجلي وجلست اهرول الى ان وصلت الشارع الرئيسي وانفاسي بتنقطع ، ماصارت حاله !
كان يوم جمعه والزحمه على اشدها والعالم رايحه جايه : متسوقين ، متسكعين ، طيور ، عصافير ، متسولين ، درك ، سياح .... وانا .
مالي نفس في القهوه ، مش جوعان ، مافيني حيل للمشي اكثر ، قلت ارجع الشقه انام الى وقت المغرب احسن لي ، ورجعت حطيت راسي ونمت كم دقيقه بس وما جا المغرب ، ورجعت نمت كم دقيه ثانيه وما جا المغرب ! وش السالفه ؟ الساعه قربت لل7 والمغرب ما جا ، هو يتأخر كثير هناك ، المهم انه اخيرا جا ، جا وقت المغرب وصليت وطلعت مره ثانيه من العماره اتلفت يمين ويسار ونزلت للمعاريف .
اخذت جوله وزهقت ، طول الوقت كنت زهقان وطفشان وقفلت معي بصراحه ، قلت خلني اروح لعين الدياب ، يمكن ارتاح اذا شفت البحر . ركبت التاكسي ورحنا ، وكانت الزحمه على اصولها بمعنى الكلمه لانه يوم اجازه ، الازدحام يشبه الكرنفال ويوجد ضباب خفيف قريب من الشاطئ والجو منعش وبارد قليلا ، لكني لازلت زهقان وطفشان ومتضايق .
الجو الاسري كان اجمل مافي المكان ، استطيع ان اشبه المغاربه بالمصريين من هذه الناحيه ، الاسر كل افرادها مع بعض والاطفال يلعبون بين ايدي ابائهم بشكل يثير الشجون فعلا . ورحت لماكدونالدز اتعشى وكان زحمه بشكل غير طبيعي الى درجة اني خرجت منه وقلت خلي العشا بعدين لكني وانا طالع شفت وحده داخله مع صديقتها وطاح قلبي في بطني من جمالها بصراحه ، التأمل في ذلك الجمال عباده بحد ذاته . ورجعت في الزحمه بس عشان اشوفها ، يازينها وهي تاكل بطاطس ، ليتني كنت بطاطسه لحظتها . ماحاولت ارقمها او حتى احتك باي شكل ، لاني ماشي في اي لحظه وايش باستفيد يعني اذا عرفتها ؟ وفي نفس الوقت اخاف تكون عصبيه وتعطيني كلمتين قدام الناس وماتسوي علي بعدها ، خليك اديب يا غريب وخلي البنت في حالها وطالع بس وقل سبحان الخالق المبدع . اما غيرها فبصراحه قليل جدا تشوف وحده ملفته للنظر .
رجعت الى الشقه قبل نص الليل وانا ناوي هذي المره اني بكره اروح المطار خلاص وبلاش منها المغرب وبلاش من مراكش مره وحده لانها اكيد بتكون نفس وضع كازا ، ولانها قفلت معي .
حاولت انام ماجاني نوم قلت خلني اروح للكلوب ، احسن شي ان الكلب الملعون ينام بدري ولذلك كلعت وانا متطمن وامشي بثقه زي الملوك ، رحت للبلاك هاوس ، دخلته في وقت بدري ، ماكان فيه احد تقريبا الا انا . وشوي شوي بدوا يتكاثرون (......)، والحق يقال ان الجمال صارخ الى حد كبير يمكن بسبب كثرتهم ولكن الاخلاق مش ولا بد ، ما ادري ليه اهل كازا عصبيين ومنرفزين على طول ، كل وحده شايفه نفسها ، طبعا هذا اول السهره ولكن في اخرها يتغيرون ويصيرون يوزعون ابتسامات على الرايح والجاي ، ما اهتميت بصراحه ولا فكرت اني اصحب معي اي طير بعد السهره ، لانه في الايخر طير وما وراه الا المشاكل ابتدداءا من مشوار التاكسي ولعبتهم البايخه مع الدرك وانتهاءا بالطير نفسه ، لاني احس انهم من التنوع اللي يختلق اي مشكله عشان تطلع من عندك بسرعه . ماعلينا ، وبمناسبة الحديث عن البلاك هاوس قابلت واحد من الشباب هناك ، ولد مزعوط من اصدقاء المنتدى وتعرفنا على بعض بالصدفه ، تسولفنا في البدايه شوي وبعدين اكتشفنا اننا كلنا مزاعيط !
ما راح اكشف عن شخصيته ، لكن باقول انه شاب رائع وظريف في نفس الوقت وخلوق وونيس ، بصراحه استمتعت بصحبتنا القصيره هناك وماشاءالله عليه خبير مغربي بمعنى الكلمه .
اللباك هاوس مشبوه بالنسبه لي والاجواء فيه غير مريحه نفسيا ، والطيور اللي فيه تحس انهم من زوار البحرين ودبي والوضع لا يقارن بمراكش اطلاقا .
رجعت الشقه ونمت والصباح طلعت للمطار ودورت على عودة الى الدمام على القطريه لكن للاسف الرحله فات ميعادها والكاونتر حقهم كان مقفل وجلست الف على ماكتب السفريات ادور على رحلة عوده ومالقيت الا على الاماراتيه وترجع عن طريق دبي ، قصيت التذكره ب 6950 درهم !!
لكنها كانت عندي اهون من الجلوس ولو ليله اخرى في كازا . مش لانها سيئه ولمكن لأني غير مهيأ نفسيا للبقاء فيها اكثر .
مع السلامه :)
التعديل الأخير تم بواسطة saadora ; 2011-06-07 الساعة 03:45 AM
2011-06-05, 01:24 PM
المواضيع المتشابهه للموضوع: رحت المغرب يوم واحد بس ورجعت على طول !!
العرض العادي
الدرهم المغربي مقابل عملات الخليج