مزاعيط المغرب - السفر الى المغرب - من شآن عينك يهل الدمع من عيني ... اسبوع بين الرباط وكازا

اتابع معكم اخواني ولا انسى ان اشكر جميع من رد على التقرير وشرفه بالإطلاع .. فلا املك الا ان اقف احتراماً لكم .

الحلقة الثانية
مظلوم راعي الهوى في كل ميداني

بعد أن وصلنا إلى الشقة وكانت في حي اقدال شارع عقبة بن نافع زنقة سبو كانت عبارة عن غرفتين وصالة ومطبخ وأعزكم الله دورتي مياه كانت شقة متوسطة المستوى المهم .. بعد ان اخذنا قسط من الراحة وارسلنا الشغاله لتحضر بعض الطلبات .. اتفقنا ان نسهر في شقتنا وعلى أنغام الأغاني الشجية ولا اغفل دور الشيهانة في إضافة جو رائع للسهره وأغنية (ياغيره ياعباس) التي تمايلنا عليها انسجاماً مع ان هذه الاغنية بها من المشاكل الكثير (ههههه) بعدها خلدت انا وصديق عمري العاشق إلى الغرفة للنوم .. وقد نمت تلك الليلة حوالي الـ 13 ساعة متواصلة وذلك لشدة التعب والارهاق .. بعد ان صحيت من النوم وجدت أصدقائي يتناولون الأتاي المغربي في الصالة والشيهانة معهم فجلسنا قليلاً وبعدها قررت انا وأستاذي العاشق أن نخرج إلى مقهى لنكسر جو الرتابة في هذه الشقة .. فخرجنا نتمشى إلى مقهى قريب ولكنه جميل جداً ويقع على شارع عقبة بن نافع ..

https://www.mza3et.com/up/uploads/im...d6fe99e248.jpg

وهنا طبعاً سيدي علي ..

https://www.mza3et.com/up/uploads/im...42f19fc6a7.jpg

وبعد أن تجاذبنا أطراف الحديث إلا بأربعة طيور من النوع النادر تدخل المقهى وتأخذ مكاناً في زاويته فمرت بذاكرتي اغنية فنان العرب :

مرت علينا نظرة العين بالعين
مدري تناظر عيني ولا رفيقي
غطى ذهول العين من نظرت الزين
ياليت منهو من خياله يفيقي
نظرت جنبي قلت ياصاحبي وين
قال الحق اللي في بحرها غريقي
عز الله اني صرت في موقف شين
لو اشرب النهرين مابل ريقي

YouTube - ‫ظ…ط**ظ…ط¯ ط¹ط¨ط¯ظ‡ ظ…ط±طھ ط¹ظ„ظٹظ†ط§.‬&lrm;

فقال لي صديقي العاشق ... انتبه ترى طيرك اليوم او بكره بيجي .. هنا استدركت ان طيري يستحق الوفاء له .. ويستحق اكثر من ذلك ... بعد ان جلسنا بعض الوقت عدنا أدراجنا إلى شقتنا فإذا بصاحبنا الهواوي والشيهانة يتوادعون .. !! وين عسى ماشر قال تبي تروح للصالون علشان بنسهر الليلة قلنا ابسط حقوقها عادي .. وبعد وقت ليس بقصير ذهبنا إلى مطعم مجاور وتناولنا الغداء به ورجعنا إلى شقتنا نستعد للسهره وكان مقرراً أن نذهب إلى الياسمين .. حينما دقت الساعة الثانية عشر ذهبنا بتاكسي من طرف الشغالة ينزلنا وبعد ذلك يرجع يجيب الشيهانة وبعدها يرجع الشيهانة ويرجع ثاني مرة يرجعنا للشقة .. قفلنا سليم .

فذهبنا إلى الياسمين بذلك الطريق المظلم الموحش خارج مدينة الرباط (خلاص بتكلم باللهجة العامية تعبت) هههههههه طريق يالله لك الحمد يخووف بس حنا ماعلينا ثلاثة الخوف على الشيهانة كيف بتجي مع السواق هذا لحالها قلنا تدبر نفسها ..

وصلنا الياسمين وماقالو له إلا والبوديقاردات يناظرون بحقد مادري ليه ومضيقين الطريق علينا لين قلت لهم ممكن نمر قال سير بأسلوب استفزازي غريب .. دخلنا فاذا به مكان متوسط وعادي جداً جلسنا على الطاولة وبعد ان اخذنا الفنجال الثالث من كرم ضيافة المكان بدأ الجو بالاعتدال وضبط جونا على سنقة عشرة ... الا والشيهانة تشرف المكان وجلست جنب صاحبنا الهواوي وهاتك ياغزل وهاتك ياحب الحب من كثرته قام يتناثر برى الطولة وانا والعاشق نلم ونعبي بأكايس ههههه .. ماعلينا .. المكان كان فيه طيور لكن مليان من الشباب وخصوصاً أخوانا المغاربة كانوا بكثره فيه ، اخذنا جلستنا وسهرتنا إلى الساعة 4 الصبح ، والله وتولع الأنوار ونتصل على التاكسي قلنا تعال خذ الشيهانة بعدين ارجع لنا قال طيب .. بعد ما اخذ البنت المشوار إلى الشقة يبي له نص ساعة على الاقل بعد ماراحت الا ويجونك البوديقاردات ويقولون لنا يالله برى ... ؟؟ يؤ ليه عسى ماشر بننتظر السواق قال انتظره برى بنقفل .. طلعنا ونتصل على السواق قال انا مانزلت الشيهانة لحد الآن قلنا ناخذ تاكسي وحنا ندل شقتنا .. ركبنا مع واحد مسكين بعد ماطلعنا الا التفتيش على طول بالطريق مرحبابيكم قلنا هلا ونمد له ميتين درهم قال صافي امشوا والله ونمشي يوم وصلنا لشارعنا والشغالة منبهه علينا لاتخلون التاكسي ينزلكم عند باب العمارة ترى راح يسبب لكم مشاكل .. قلنا نزلنا عند راس الشارع . بعد مانزلنا ودخلنا الحارة الا وسيارة الدرك معانا سلام عليكم (ياذا الليل) وعليكم السلام وكان واحد فينا مونون يعني واصل حده ونعطي العسكري ميتين درهم قلنا مع السلامة قال صافي قال صاحبنا ابسألك مسوي يحتك (للعسكري) اذن الفجر والا لا .. هههههههههه قال ما ادري هههههههه جاي تتطوح اخر الليل وتسأل أذن الفجر ههههههه بعد ماشينا الا وسيارة الدرك وقفت على اليمين يبي يشوف حنا ندخل اي عمارة .. والله ونتصل على السواق خوينا اللي من طرف الشغالة قال لاتدخلون العمارة ابداً ارجعو للشارع العام وانا اجيكم ..؟؟ رجعنا الا هذا هو وياخذنا ويلف فينا علشان يضيعهم والله يا اخواني كأننا في فيلم بوليسي ( على ايش مادري) وبعدها وقف قال انزلوا بسرعة علشان مايشوفونكم دخلنا شقتنا الا والشيهانة جالسة وضابطه الجو جلسنا إلى الساعة 7 صباحاً وحنا ضحك على هالموقف وعلى صاحبنا راعي السؤال .

بعدها دخلنا نمنا وكانت ليلة جميلة جداً لن انساها ولكن لحظه تم اصدار قرار هو ان غداً أخر يوم في الرباط وسوف نتجه إلى كازا مع العلم انني كنت ألح عليهم بأغادير (ديرتي) ولكنهم اصروا على كازا .. وهم غالين علي ما اقدر اقول معهم شي ..

هنا اخواني انتهت الحلقة الثانية .. واتمنى اني اصبت وتلافيت أخطاء الحلقة السابقة واشكر الادارة على تصحيح الخطأ ..

تقبلو تحياتي وتقديري اخوكم مخيطووو