أبي مشورتكم عن اكادير ، وتراي مطنوخ ولا همتني الفلوس

سلام يا أصدقائي الزاحفين ..،

طبعا تراني منتف وميزانيتي على قدي ، بس فيه واحد قبل كم يوم كتب انها ما تهمه الفلوس وردوا عليه الانس والجن الي في المنتدى كلهم .. قلت أسوي زيه عشان تردون علي :maroc (879):

ما علينا نرجع لصلب الموضوع .. أنا مسافر للمرة الثانية للمغرب .. وحيدا خاليًا من كل الرفقاء والاصدقاء :morocco_5 (89): :morocco_5 (89):

وقالوا لي مراكش ما تصلح الا بصحبه، وكازا ما تنفع للوحداني .. ولذلك بروح لاغادير للمرة الثانية .. رحت لها قبل خمس سنوات وما اقتنعت في رحلتي السابقة مع أني حبيت المدينة وناسها وأسعارها مناسبة الى حد ما ذاك الْيَوْمَ بس الْيَوْمَ شايف الفنادق تقص الظهر :omg:

استفساراتي كالتالي :

1. أحب الهدوء واكره الإزعاج .. أحب الفنادق النظيفه .. لكني لقيت الفنادق غالية جدا على بوكينق (خليج اكادير، رويال أطلس، السوفتيل ) ابي أفضل مكان أحجز عن طريقه بافضل أسعار ويسمح للطيور .. وبعدين فيه اثنين سوفتيل مدري وش الي كويس فيها ويسمح للطيور وفيه سهر ..

2. مدة اقامتي ١٠ ليالي .. وصارت رحلتي السعودية - اغادير والرجعة على طول بعد ١٠ ليالي اغادير - السعودية .. هل اقضي ١٠ ايّام هناك ولا فيه مكان قريب تنصحوني اروح له خلال ال ١٠ ايّام ؟

3. هل أحجز العشرة ايّام كلها من الان ؟ اخاف تتغير الخطة واخاف في نفس الوقت أوصل هناك وما عاد ألاقي حجز في نفس الفندق أو ألاقي السعر ارتفع لأني بروح في نص جولاي؟

4. هل استأجر سيارة وكم معدل الايجار اليومي هناك اذا بأخذ سيارة مرسيدس أو رنج روفر أو بي ام :n1: ( قام يهايط الأخ ) .. بقول لكم الصدق .. كم ايجار الاكسنت هناك ولا النترا ؟ :maroc (879):
5. بالنسبة للجوال السعودي .. رقمي على الاتصالات السعودية.. تكفون ما ابيه ينكبني هناك وترد وحدة مغربية ولا ينعرف أني في المغرب .. عاد الواحد وده يستر نفسه .. فايش الطريقة الي تشوفونها مناسبة .. هل أحوله على رقم في السعودية ولا الامر عادي جدا ..

6. اخيراً هل فيه نصائح ودكم تقولونها لي ولا توجيهات ولا إهداءات، عادي ترا استقبل اهداءات ..

وشكرا لكم وفالكم البيرق .. ������

لاتحجز العشره كلها كامله احجز ثلاثه ايام ان جاز لك الوضع ولا مدد ابحث عن شقق اسلان وضعها تمام ان لم يعجبك الوضع باكادير وحبيت تغير رح لكازا وضعها للوحداني تمام مراكش ماتنفع الا معاك اخويا باغادير لن تحتاج الى سياره التكاسي تفي بالغرض الاكسنت الديزل من 400الى 300درهم وبالنسبه للباقي يفتونك الاخوان ورحله موفقه

شكرًا يا صديقي ..، مشكلتي احب جو الفنادق ما لي في الشقق أبد .. وكازا الفنادق فيها ما تسمح حسب ما اعرف

متى رحلتك وإذا كنت تبغى صحبة تراني أعرف كثير مسافرين .. وبالنسبة للي يقلك مطنوخ هذا أمثر واحد مفلس ترى وماعليك من كلام البعض الي لا يودي ولا يجيب

رحله موفقه

ويجيك الي يفيدك ان شاء الله

شوف فندق قصر الورود ارخص وعلي قد ميزانيتك

هلا بالزير .. سلمت يا بعدي ولا قصرت .. أنا رجال لي مع الوحدة والهدوء صحبة .. وما نستغني عن مشورتك يا غالي .. شكرًا لتكرمك بالرد

شكرًا لك أخي محمد

عاد وانا اخوك أنا حطيت أسامي الفنادق الي تسمح بها ميزانيتي .. بس سؤالي كان وين أفضل مصدر لحجزها عَل هو بوكينق ولا فيه أرخص منه ؟ شكرًا لك

زين إن جوك فنادق، شقق اسلان لو قالوا لك ببلاش الآن لا تسكن، فيه حملة عليها.

دام جوك هدوء وملكي فرويال أطلس وبس والباقي خس، واحجز عن طريق المؤيد مرهم في فرعهم في الرياض، لأن البوكينج والاغودا وطقتهم يا باشا ما يدخلوا الطيور.
وعادي احجز ال10 ايام كاملة، او احجز 5 ايام، واذا بغيت تمدد تروح مكتب المؤيد في فندق اماديل وتحجز 5 ايام ثانية بنفس السعر.

بالنسبة لأغادير فصغيرة والتكاسي اوفر من ايجار السيارة بكثير، بس بما إن جوك ملكي فأقولك نعم التكاسي اوفر ولازم تتفق معه على المشوار قبل تركب، لكن بكل امانة التكاسي معفنة وقديمة ومافيها مكيف هذا رأي ولا أحد يزعل.
ايجار الاكسنت ديزل ب300 درهم والبولو والكليو ب250 درهم

واذا تبي آخر تحديث للمطاعم والكافيات ادخل استعرض مشاركاتي.

جوالك حطه موجود اكسترا وما جاك عندي، وطلع شريحة مغربية وخل رقم الواتس هو الرقم السعودي.

وبالتوفيق يا بطل