لماذا يقتشوا الخليجي والمغربي .فقط ويتركوا الاوروبي في مطار محمد الخامس كازا

في رحلتي الاخيره عند المغادره وجدت شرطي امامه جهاز وقام بفتح يدي ومسحها بقماش وادخالها للجهاز .... حقيقة لا اعرف مالسبب وماهو هذا الاجراء .. وهل الجميع مر عليهم هكذا؟

عندما نذكر حالات حدثت بالفعل في مطار كازا وليست من نسج الخيال ، اتمنى ان تصل للمهتمين بالسياحه لتصحيح الأمور. وان لاتأخذ البعض العزة بالاثم. هذه مواقف حقيقيه خذوها بشكل إيجابي وحاولوا حلها بكل رحابة صدر.

المسافر قد لايجد الوقت لتقديم شكوى رسميه خاصة إذا كان في طريق العودة لبلده.
حصل لي موقفين ولاول مره في المغرب مع اني سافرت دول كثيرة منها عربيه قبل أن ازور المغرب..

الاول كنت في رحلة العوده من اغادير الى كازا الى الرياض.. رجل الأمن في مطار كازا طلب مني كوع البوردنق لرحلة اغادير كازا !!! هل سبق ان طلبكم أحد مثل هذا الطلب؟ رحلة منتهيه ماذا يعنيه من اي مطار داخلي اتيت؟! وكالعادة في المكتب المجاور تم التحقيق معي واخبرتهم اني تركته في مقعد الطائرة وتم التوسط من شرطيه للاخ اللذي رفض مروري لصاله الترانزيت مع وجود بوردنق لرحله الرياض.

الثاني شحنت شنطه كبيره وقلت للموظفه هذه شنطه صغيره معي في كبينه الطائره ووافقت. وبعد طابور طويل عند مدخل الصاله (قبل طابور الجوازات) رفض موظف امن دخولي بالشنطه الصغيرة على أساس أن طيران الإمارات اللذي حجزت عليه لن يسمح لي بهذه الشنطه على الدرجه السياحيه... عدت مرة أخرى للموظفه واكدت لي إنه مسموح ولاداعي لشحنها . ولضيق الوقت طلبت منها شحنها والا قد تفوتني الرحله وانا اجادل الموظفين.شحنتها وهي تعاتبني وتحلف انها لم تكذب علي وانا اجاريها واستسمح منها والقي اللوم على الشخص الأخر...

موظفي الجوازات في المطار حدث ولا حرج أستفزاز مو طبيعي .. الحمدلله ماحصل معاي شي قوي لكن الكونتر اللي جنبي حزنت على المسافر كان سعودي مرمطوه لين ماصار وجهه احمر .

الكلام المهم ان السفارة لازم تدخل وتحط مندوب في المطار ع الاقل يسمع للشكاوي .

انا طالع للمغرب بعد ١٠ ايام وللامانه يشفت بعض هالامور اقدم خطوه وارجع خطوتين

لا تشيل هم
اذا ما معك اشياء ثمينه قابله لدفع جمرك ما راح احد يقدر يستغلك ابداً و اغلب المشاكل تواجه الشباب وقت تفتيش العفش و لا موظف التختيم مهما عمل ما راح يقدر ياخرك

ما معي غير الفلوس اللي ابقاء احولها فقط وشنطة وملابس اللي اكبر من الصغيره حتى ما اشحنها فقط
.......
فيه رساله لك على الخاص شوفها
تحياتي للجميع

للعلم بعد بحثي وتعنت بعض موظفي المغرب والدرك بغيت اكنسل السفرة واروح دولة ثانية لكن استفدت من هالمنتدى معلومات خلتني اكمل حجوزاتي

افا واسمك سبع البرمبا وما عرفت !!

هذا كشف المتفجرات ، الله يبعده عنا جميعاً وموجود باغلب دول العالم وموجود بمطار محمد الخامس والمغرب الله يعمرها دار.

رجعت قبل كم يوم من المغرب (ونسيت لا اذكر هذي ف التقرير) ، اول ما تدخل المطار قال ممنوع تاخذ معك اي شيء او فلوس مغربية وكلام واجد ، عمك اطرش عديت اغراضي جهاز الشحن ومشيت ، شحنا الاغراض واخذت البوردينق وخليت معاي انا وخوي شنطة ظهر لك واحد ، ودخلنا الصالة الثانية حقت الجوازات ،

وقت المرور من جهاز الفحص ، قال واحد ممنوع تاخذو فلوس مغربية او مجوهرات او ...... وكلام كثير ، (بالنسبة لي كانت مخلي 200 درهم بالبوك للفطور) ، عدينا الجهاز ومشينا واخذت اغراضي ، طبعاً صافين سرا مرررة طويل ع الكاونتر حق الجوازات ، اغلب الطابور صينين و كوريين مع اوربين ، والسرا يمشي ، ف نص السرا طاولة صغيرة ع جنب وعليها عسكريين ، كل ما يمر واحد يشوفة جوازة والبوردنق ويمشية ، ولما وصلنا انا وخوي كانه مضيع كنز ولقاه هههههه ، اول ما قالي : هات الجواز والبوردنق واعطيته ، قال ترى ممنوع مصادرة الفلوس المغربية والمجوهرات وكلام فخم مرة ههههه ، قلت نعم مفهموم ، قال ورني الشنطة ، فتحها قعد يقلب ولقي علبة عطر فخمة ، قال هذا وش قلت عطر هدية ، ولسان حالة يقول ما تعطيني اياه هههه ، قال ترى ممنوع وقدام بيصادروة عليكم ، قلت لا خله ، قال وش بعد ، فتش مالقي شيء ، قال طلع اللي بجيبك ، طلعت اغراضي ، الا طرف 200 الزرقاء طالع مع جنب هههه ،

قال انا ما قلت معك فلوس وانت جاوبتني بـ لا ؟؟ وليش ما تحكي معاي الصدق ، وانت تدري ممنوع تطلع الفلوس المغربية خارج البلاد ، قلت هذي حقت الفطور وابي افطر ، كيف بتجلسني داخل بدون فطور ؟؟ قال لا بس انا اعلمك علشان قدام مايخذونها منك بس ، قلت شكراً لك ، جمعت اغراضي ومشيت ،

وسرا مرا طويل وبطيء ، واغلبة اسويين ، بس انا وخويي بنصهم وكم خليجي ، واطالع للطاولتهم ، ما اشوفهم يوقفون احد ،

طبعاً الكلام هذا ما اخذ الا دقايق ، ومشينا ، ولا عكرت جوي ولا شديت معه بالكلام ، والامور عال العال ، وجيننا للكاونتر الجوزات ، حط الكرت ع جنب و عبيء البيانات بالكمبيوتر ، ومشينا ،

البلد جميل واهله واجمل ، وبس التصرفات تعكر المزاج.

حدث هذا في 13/07/2019

ودمتم بود

المعتاد انهم متسامحون بس مره
حصل معاي
نفسك وحاول استفزازي بس والله اني واثق وعارف ومن حظه انه طاح فيني لانه ماطلع بشي ههههه
اولا قال معاك دراهم مغربيه قلت دراهم معدنيه بس

ثانياً قال بنزل شنطتك اكيد معاك عمله اخرى ودولار قلت مامعي شي ابتسامه مع جديه المهم كان خليط بين الجد والهزل من قبله
وكثرها الحقيقه واستغربت
عديت منهم على خير لانه حاول يستفزني يبي يطلع بشي
طبعاً هذي طريقتهم لعلهم يطلعون بشي
كان هذا قبل شهر رمضان.