مدري الحسبة طبيعية .. ولا انا خبل ؟

المشاركة الأصلية كتبت بواسطة شثاااث

السلام عليكم أصدقائي المزاعيط ..

أخذت الورقة والقلم وجلست أحسب تكاليف الرحلة لشخص واحد رايح اقادير لمدة ١٠ ليالي.. والحقيقة ان النتيجة النهائية طلعت مبلغ كبير جدا .. مدري أنا ساري ليل ولا الوضع كذا .. احسبوا معاي وصححوا لي يا جماعة الربع .. أنا صرت اكتب الحسبة حتى على جدار بيتنا أقول يمكن تقل التكاليف وكل مرة نفس الناتج ..

التذاكر بيزنس ٨ آلاف ع الاتحاد .. لأني طويل وتتكسر رجولي في المقعد العادي ..
سكن رويال أطلس ٧٥٠ الليلة x عشر ليالي = ٧٥٠٠
وبما أني كريم واعزم على الضيوف فغرفة للضيف = ٧٥٠٠
المصروف اليومي شامل الضيوف والمواصلات وكل شي ٢٠٠٠ x ١٠ ايّام = ٢٠ الف


الناتج طلع = ٤٣ الف ريال !!!!

طيب ولو قلت يا رجل بلاش البيزنس ومشيها عادي ، تطلع التكاليف اقل ب ٥ آلاف .. يعني ٣٨ الف ريال ..



أنا جلست في لندن ١٠ ايّام ما صرفت كذا ????

ضبطوا لي الحسبة يا شباب .. أنا اشعر بالحزن الشديد المتشدد الذي لا شدة بعده ..

المشاركة الأصلية كتبت بواسطة * ، MARTINI

لا عآد تحسب لآن راح تجيب العيد ..

انا ماقد سافرت المغرب والله لكن من ضمن الخطط ، مآعلينا

اللي اشوفه دآيم مكتوب من اول مآسجلت بذا المنتدى

يوميتك 2000 ريال .. يعني 10 ايآم .. تطلع 20 الف

اتصل بالمؤيد اللي يقولون وشف كم عندهم الفندق اللي ودك تسكن فيهَ ..
بعدهـآ باقي الامور ، تسعيرتهآ موجودة ومليون تنبيه انكتب بخصوص هالموضوع
خذ لك فرة على المواضيع صدقني بتلقى اللي تبي ، وترى بعض المواضيع
كل شيء موضح فيه ، لكن الاغلب يتفق على 2000 وذا اللي المفروض تحسب حسابه
ومو لازم تصرف 2000 كل يوم ، عموماً صدقني في مواضيع بتفيدك بس فرفر شوي
بقسم الاستفسارات وركز على اللي بعنوانه اغادير وكلمة ميزانية ..

المشاركة الأصلية كتبت بواسطة الزير المهلهل

الا خبل وخبل طوييييل مثل طولك ياوطويل هههههاااااااا وش ذا الحسبه هذه حقة سفريتين اسافر بها وافلها بعد

المشاركة الأصلية كتبت بواسطة hatemckck

حكاية 2000 يوميا مو ضروري
ومو ضروري يوميا تاكل طير مشوي
ومو ضروري كل يوم يطير عقلك خارج اللاوعي
اذا ضبطت هالنقطتين ظبط الباقي

وعاد انت ابخص بجوك

المشاركة الأصلية كتبت بواسطة مهندس

وحداني مالك إلا أغادير.

لو افترضنا بتحجز الان:
موعد الرحلة من 7 الى 17 سبتمبر 2018
رياض- كازا - أغادير، أغادير -كازا - رياض
على الخطوط السعودية: 3180 ريال
على الملكية المغربية: 3576 ريال (أوقاتها أحسن بكثير)

السكن في فندق (الأسعار تقريبية لأنها ما نزلت لسة عند المؤيد عشان كذا بحسب لك رويال اطلس وصحارى بسعر يوليو وأغسطس):
من 7 الى 17 سبتمبر 2018
فندق صحارى (ولا أنصحك فيه) 7140 ريال، احجز من نفس الفندق او المؤيد.
رويال أطلس على البحر ( أنصحك فيه وبقوة) 7710 ريال، احجز من نفس الفندق او المؤيد
خليج أغادير (يمدحوه الشباب) 5670 ريال، احجز من ارخص موقع في النت





يبيلك في اليوم 1000 ريال (أكل وشرب وكوفي وتمشي والزي منو) هذي 10000 ريال


التاكسي من المطار للفندق 220 درهم، ومن الفندق للمطار 200 درهم
مشاويرك بالتاكسي وعلى أساس أنك خليجي وبتريح راسك وبتتفق معه، المشوار في النهار ب30 درهم وفي الليل ب 50 درهم
الشريحة اورنج مع مكالمات مع ساعتين مكالمات محلية و 10 جيجا نت ب 150 درهم

السهر قول بتسهر ثلاث مرات وكل مرة بتفتح طاولة، مرة في سكاي ب1600 درهم ومرة في مزيكا ب1600 درهم ومرة في كاش ب2000 درهم، مجموعها 5200 درهم تقريباً قول 2100 ريال.
وطبعاً مزيكا ممكن تروح بالطلب الطلب ب70 درهم، وسكاي بالطلب الطلب ب100 درهم

لو فرضنا الطيران المغربية والسكن رويال اطلس وثلاث سهرات بفتح طاولة وتاكسي المطار رايح جاي ويوميتك 1000 ريال بيطلع المجموع 23580 ريال


لاحظ لو رحت على الخطوط السعودية وسكنت في فندق خليج اغادير بتوفر حول 2500 ريال

المشاركة الأصلية كتبت بواسطة مهندس

هذي حسبة فريش، حاسبها لأحد الشباب، لعلك تستفيد منها:

المشاركة الأصلية كتبت بواسطة مهران

شاكر لك جداً على الحسبه
لكن غاليه مرررررررره كذا
يعني المجموع حول 23 الف ريال

انا اشوف اذا السك نزاد سعره عن 500 ريال يوماً يعتبر مبالغ فيه جداً