اقتباس:
المشاركة الأصلية كتبت بواسطة abdu1408
ياه بس يا مزاجيه
️
ايه هذي المواضيع الي تبهج البطن
و عندي سؤال على طاري الاكل ،، كثيرين كل ما اروح طنجه يقولون لي رووح ل العشاب ، مطعم سمك اظنه
بس كل ما جيت اروح يطلع لي مليون مطعم عشاب !!!!
فهل تعرفين العشاب الاصلي ؟
ولا يكون هو اخونا عبدالصمد
طبعا تاخرت كثير عالرد السموحة منك هههههههه لا المطعم ماهوب عبد الصمد
العشاب الاصلي القديم التراثي هو اللي في منطقة فندق الشجرة عند فندق المنزه
الحقيقة هو الاصل والذهم واكثرهم زحمة
وبعدها فتح فرع ثاني لشخص مختلف بزنقة الشياطين
وبعدها فتح فرع ثالث مقابل محكمة الاستئناف في ساحة الامم
وبعدها صارت الدعوة خمبقة فتح كذا فرع بمنطقة النجمة ومسخوها
لكن تبي الاصل روح فندق الشجرة وعشان ماتضيع روح فندق المنزه والف من يدلك
والحقيقة المطعم لازم الواحد يروح له وهو جوعان حيل لان المينيو راهي
بالبداية شربة سمك ومكسرات وزيتون وهريسة وانواع خبز مشكلة
وعندهم عصير الخروب كل ماخلصت كاستك يجي يصبلك
بعدها طاجين سبانخ بالجمبري (( يارباااه))
بعدها سمك مشوي حسب كل يوم سمك شكل
وبعدها السويت حسب الموسم مع بركوكش بالعكس
وبعدها كاس اتاي صغير جدا بالاعشاب
والمطعم عنده مينيو خاص بمرضى السكري
وترى الاكل عنده موحد يعني بس تجلس بدون ماتطلب ينزل الطلب حسب عدد الاشخاص
والسعر ١٨٠ للشخص