أهم التطبيقات أعتبرها مفاتيح عبور للمسافر بشكل عام

بسم الله الرحمن الرحيم
اخواني واخواتي المزاعيط
السلام عليكم ورحمة الله وبركاته
اخوكم الصغير منضم من فتره قريبه للمنتدى واستفدت منه الكثير خاصه بالسفر للمغرب
وحبيت اطرح لكم هذا الموضوع البسيط كعربون شكر وتقدير لكل اخواني المزاعيط

خلصنا من الرسميات والمقدمة خلاص هههههه

الموضوع وما فيه سلمكم الله ان الغالبيه يحبون السفر اذا مهوب الجميع , وقبل كان موضوع السفر والترتيب له متعب شوي خاصه ان المعلومات او الخدمات ما كانت متوفره مثل هالوقت ( تطبيقات الجوال وغيرها )
واسدح لكم تحت بعض اهم التطبيقات الي ممكن تنفعك كمسافر او تعطيك فكره بشكل عام عن المكان الي تبي تزوره

اول شي نبدأ مع تطبيقات الطيران
التطبيق الاول :( العمدة )
WEGO
تطبيق بسيط وسهل الاستخدام وزود على حجوزات الطيران تقدر تحجز فنادق عن طريقه

التطبيق الثاني
SKYSCANNER
هالتطبيق ذيبان لكنه نفسيه احيان سعره يكون مرتفع وعندهم اجار سيارات وفنادق ( لكن ما قد جربته الا بالطيران )

التطبيق الثالث
EXPEDIA
هالتطبيق ينفعك بوجهات شرق اسيا اكثر شي ما عليه يزبنك لا صكت ولا حكت ههههههه

التطبيق الرابع
KAYAK
هذا التطبيق حليو كمقارنة اسعار للحجوزات

التطبيق الخامس
SKIPLAGGED
هذا التطبيق زين للي بيروح يم الديار البعيدة وما عنده مشكلة بالترانزيت

التطبيق السادس والاخير
CHEAPFLIGHTS
هالتطبيق اخبره من مبطي مير من تالي خمدت نارة


ثاني شي نجي لتطبيقات حجوزات الفنادق او السكن بشكل عام

التطبيق الاول أشهر من نار على علم
BOOKING
اتوقع الجميع يعرفه ههههههه

التطبيق الثاني
AGODA
احيان يكون ارخص من غيره ( مهوب دايم )

التطبيق الثالث
HOTELS.COM
مهوب شين في منطقة الخليج بشكل عام

التطبيق الرابع
AIRBNB
هذا التطبيق يتيج لك استإجار سكن خاص شقه فله غرفه مستقله أو مشتركة < أشوف ان هالتطبيق خيار ممتاز للي بيسافر مع مجموعه او عائلة خاصه لحقين اوروبا وطقتها

التطبيق الخامس
TRIVAGO
هذا التطبيق الي نشب لنا قبل فتره في اليوتيوب والتلفزيون وغيرها ههههه هذا فكرته انه تحط الديره الي تبيها والفترة ويعلمك ارخص سعر بأي تطبيق < يختصر عليك كثير

ثالث شي نجي للدليلة < تطبيقات الخرايط
أول تطبيق < أشهرهم
GOOGLEMAPS

ثاني تطبيق
MAPS.ME
هذا التطبيق حليو خاصة في الدير الي ما تدعم قوقل ماب ويعطيك خيارات التنقل بالسيارة ولا كعابي ولا بالسيكل ( الدراجة الهوائية )

ثالث تطبيق
WAZE
هذا التطبيق جربته قبل فترة قريبه في المغرب رجال وينشد به الظهر ابرك من قوقل ماب

رابع شي نجي لتطبيقات الدليله الي تعلمك عن اهم الاماكن في المدن والمطاعم او المقاهي الزينه حسب التقييم

اول تطبيق
TRIPADVISOR
هذا العمدة وينشد به الظهر ويسنع امورك

ثاني تطبيق
FOURSQUARE
هذا يجي بعد التطبيق الي فوقه نفس فكرته وفيه مميزات اكثر

خامساً واخيراً تطبيقات اجار السيارات

التطبيق الاول
SIXT
هذا التطبيق حلو لرواد اوروبا وبعض دول اسيا

التطبيق الثاني
EUROPCAR
هذا لاهل اوروبا بس

وأخيراً وليس آخراً تطبيقات الطقس < جربت تطبيقات كثيرة مير ما استمريت الى على تطبيق واحد
YAHOO WEATHEA


وبالأخير التطبيقات الخاصه بالسفر لا تعد ولا تحصى فيه منها الصالح وفيه منها الطالح
وتجارب الناس كثييير معها فيه الي توفق معاها وفيه الي تعكرف فيها

وما نستغني عن تجارب المزاعيط وخبراتهم اذا عندكم شين من هالتطبيقات عطونا علمه

واسف على الاطالة ونلقاكم على خير :morocco_5 (212)::morocco_5 (212)::morocco_5 (212):

مجهود تشكر عليه

Mommmmmmtaz
ممتاز جداً

مزيون بيرق
الله يسلمك على مجهودك
ماقصرت ياخوي

__________________

اهم شيء waze حرام انه فك ازمه بالمغرب بدال قوقل ماب الخايب

الف شكر لك عزيزي

ما قصرت يا الحبيب مجهود طيب تشكرعليه

تسلم

الله يحيي كُلٍ بأسمه
والعفو العفو الله يطول اعماركم على الطاعه


واللي عنده تجربه يسدحها لنا نستفيد منها

معلومات جميله فعلا انا سبق لي تجربة بعض التطبيقات في المغرب واوروبا ومفيدة جدا

حياك ربي اخوي صالح ومنورنا