تغطيه اخوكم حنفي الاوبهه لصيف ٢٠١٨

بالنسبة للبعض اللي ينتقدون حنفي
يعني شوي فكونا من الحساسية، الموضوع كله طقطقة وسواليف ومزح وتعليقات حلوة منه
كلنا بالاستراحة نحتري متى بس يطلع حنفي ويعلق يضحكنا كلنا
ننتظره بالدقايق متى يظهر ويسولف، الجميع مستانس، حتى بعضنا هلاللين ومتقبلين مزحه بسعة صدر.
أتمنى أن يتقبل البعض التعليقات بصدر رحب، ويدعم حنفي
والله ننتظره من شهور علشان يطلع بالسناب
حنفي الأبهة ماركة خاصة بالسناب، أتمنى أن يستمر على نفس الرتم الذي عرفناه عنه

بالنسبة للبعض اللي ينتقدون حنفي
يعني شوي فكونا من الحساسية، الموضوع كله طقطقة وسواليف ومزح وتعليقات حلوة منه
كلنا شباب عددنا سبعة بالاستراحة نحتري متى بس يطلع حنفي ويعلق يضحكنا
ننتظره بالدقايق متى يظهر ويسولف، الجميع مستانس، حتى بعضنا هلاللين ومتقبلين مزحه بسعة صدر.
أتمنى أن يتقبل البعض التعليقات بصدر رحب، ويدعم حنفي
والله ننتظره من شهور علشان يطلع بالسناب
حنفي الأبهة ماركة خاصة بالسناب، أتمنى أن يستمر على نفس الرتم الذي عرفناه عنه
تدرون أني أعرف ناس كثير تغيرت بعد حنفي، صار عندها وعي أكثر وماصار أحد يستغلهم
اسلوبه رائع توعيه باسلوب كوميدي

تغطية حنفي كلها ذب و العالمي والهلال او لا تشيل الشنطة انا بعرف وش الفايدة من هذا كله انا اتابع السناب ابي اعرف المقاهي والمطاعم والمنتجعات كيف النظافة والتعامل و الاماكن الجديدة والتفتيش اللي قبل المنتجع كل هاذي مهمة للمزاعيط ...السناب للسفر والسياحة في المغرب مو للكورة

أشكر إدارة المنتدى على توجيه لفت نظر للاخ حنفي وسحب التغطية منه واسنادها لزميله في الرحلة خشمان، واتمنى من الأخ خشمان إفادة المزاعيط عن السكن والأسعار وكذلك عن الأمن والتعامل وبعض النصائح. هذا ما يبحث عنه المزاعيط ، مو الأخ حنفي الله يهديه كل كلامه عن الكورة والنصر والهلال وماجد ومدري ايش ، لعله يكون درس لحنفي ولغيره ممن يتولي التغطية مستقبلا

صدقت توم كروز

نبي السكن كم الاسعار ونقطة التفتيش اللي قبل المنتجع والملاحظات على السكن الايجابية والسلبية

اذا صدق كلامك فهذه خطوة غير موفقة من الادارة فيكفي توجيهه وسوف يستجيب ... انا لا ادافع عنه ولكن الرجل مميز وله كريزما خاصة فقط يبتعد عن ميوله الرياضي وتستقيم الامور
الاخ حنفي مختلف تماما عن البقية وله جمهوره ومتابعيه
امل من الادارة اعادة النظر في قرارها .

__________________
قلت اسقني من ذبل مرهفاتي عسى طيور القلب تركد عن الحوم

وين الوعي بالموضوع ووين الفائدة !؟
كل سنابه سهر ومراقص ويعيد ويكرر نفسه
واذا سكر قام يسب اخوياه كومار وابو خشم وينتقد لبسهم وحركاتهم !
ابو هالسكره الغبيه
الان صار مافيه فرق بين سناب المنتدى وسنابات لايف مراكش ولايف اغادير مجرد تغطيه للمراقص !!
اتمنى من ادارة المنتدى اعطاء السناب من يستاهله ومن نستفيد منه

من أجمل وأروع ما قرأت في النقد البناء .. سلمت أناملك على هذا الكلام الرائع ..

وش حارق رزك

وش المانع من التنوع

ترى ملينا من الرسميات والكذب والدجل

اذا تبي امور سياحيه عندك تقارير المنتدى او باليوتيوب او فيه حسابات سناب متخصصه وعش

لكن حلاوة حساب المنتدى التنوع وحنفي في بداية التغطيه حدد للمتابعين كيف شكل التغطيه بتكون واللي ما تناسبه لا يتابع

القائد العالمي حنفي خفيف دم وذباته الرياضية مهضومه وماخذها طقطفة واعتقد ان غالبية المزاعيط مستمتعين من اسلوبه وتغطيته ... ولا ننكر ان العالمي حنفي خلق اثارة وحراك في المزاعيط
يبقى العالمي محلقا عاليا بعالميته والزعيم زعيم البطولات والمجد التليد ... والعالمي والزعيم هم ملح الرياضة السعودية ... فقط نبتعد عن الحساسية ونستمتع مع القائد الفذ حنفي ... الى الامام ايها العالمي ... بس ارحمنا من الديوان وسهراته . عطنى معلومات جديدة يستفيد منها المزاعيط

__________________
قلت اسقني من ذبل مرهفاتي عسى طيور القلب تركد عن الحوم