تغطيه اخوكم حنفي الاوبهه لصيف ٢٠١٨

يكفي فقط لما يقولك " عزيزي المزعوط " فهو يظهر لك كمية من الاحترام والتقدير ياعزيزي المزعوط

انا بالنسبة لي تغطيه جدا ممتازة
والأخ الكريم يشكر من عميق قلبي على المجهود الجبار الي يقوم فيه وأقول استمر يالغالي وانتقد الشي الي ما يعجبك لان كل كلامك بمكانه واحنا الخليجين للأسف الي خلينا السماسرة والدرك والديسكوات تستغلنا بطيبتا وغباءنا مع احترمي لكم اخواني وما عليك من الي يحاول يكسرك أو يرميك بكلام يجرحك وانت إنسان مذهل وربي ياريت أكون معاك بهاي السفره

وربي اول ما افتح السناب على طول اروح اشوف تغطيتك لهاي البلد الجميل
بالاخير والله لو شنو أقول لك من كلام ما راح اوفي بحقك والكلمات راح تعجز عن مدحك استاذي الكريم
اخوك بو عمار من البحرين ❤️

مبدع يااخ حنفي كعادتك من جميع الجهات من معلومات من سهر وسكن وسيارة وجميع الخدمات وسرعه بالرد

تغطيه جداً جميلة ورائعة الى الامام

قبل الذهاب للفطور لازم اشيك ع سناب المنتدى
والضحك من كل قلبي ،
الحمدلله اول مره تروح اكادير واشوفك سعيد ، العاده تذمها ،
اذا لك نيه تطلع من مود السهر وبتروح مكان زوين طبيعه وريف في وادي اسمة وادي الجنة قريب من اكادير بامكانك تتغدى فيه

تحياتي واشواقي

كل الشكر والتقدير للعضو القدير والقائد المغوار حنفي الاوبهه
اعتقد اننا وفي خلال تقريبا سنتين من متابعه تغطيه الاعضاء في سناب المتدى لم نجد تغطيه اعمق واكثر فائده من تغطيات حنفي ،، يذكر كل صغيره وكبيره ولايترك اي شارده او وارده الا وياتي عليها فله منا كل الشكر والتقدير على مشاركته لنا واخذه الوقت والجهد ليخرج لنا بتغطيه براي هي الافضل بكل تاكيد ،،
لا اعرف حقيقا لماذا البعض ينتقص من جهد العضو حنفي ويعلق بتعليقات اقل ما يقال عنها انها خارج النقد البناء
فكره السناب كانت جميله جدا واعتقد ان مشاركات العضو حنفي اضفت عليها رونقا خاصا واصبحنا ننتظر مشاركاته بفارق الصبر
رسالتي للعضو والاخ العزيز حنفي ان يستمر في طرحه ويستمر في اتحافنا بمشاركته لنا في رحلته وكاننا معه فله كل الشكر والتقدير
واخيرا نتمنى للاخ حنفي سفره موفقه وعوده حميده سالمه

حنفي هو مصلح اجتماعي ومدير مدرسة سابق تخرج على يديه الكثير من الشباب الصالح
أعتقد أننا بأحوج مانكون لمثل هذه السنابات التوعوية، كثير شباب تأثروا وتغيرت سلوكياتهم وعقلياتهم بسبب الوعي الكبير اللي قاعد ينشره حنفي
بالنسبة لي لما يكون حنفي ماسك السناب أول ما أدخل السناب يكون حساب المزاعيط هو الأول.
حنفي سيصحح مسار السياحة إلى المسار الصحيح
إلى الأمام أيها القائد.. نحن معك

مزاعيط المغرب


السلام عليكم ..

الصراحة الرجال من اول يوم كان صريح وتكلم
بعدة نقاط .. ومن ضمنها انه مو راعي سياحة * ولا راح يكون بمكان هو مايحبه ولا ستايله عشان ينقل الصوره لكم هو خذا السناب عشان يصور يومياته. لك كمشاهد ومتابع فقط وليس لتقييم بالنجاح او بالرسوب التغطية !

ثانياً .. اللي انقال بحق نادي الهلال او الضد نادي النصر او اوا والحديث في هذا الموضوع اصلاً كان خطاء فادح من اخوي حنفي ولم يوفق نهائياً بطرحة حتى وان كان من باب المزح "الطقطقه"
الا انه اكثر موضوع الان بالمملكة يسبب احتقان عند شريحه ترا الموضوع بشكل يمكن حنفي او انا او انت اللي جالس يقرأ مانشعر فيه لذالك اتجنب الحديث عنه
لأن مآسي الموضوع اكثر من منافعه بوجهة نظري .

للامانة اول مرة انّشد لتغطيه بالرغم من السلبيات
الا ان فيه من الإيجابيات اللي شدتني وهو الكاريزما اللي يملكها اخوي || حنفي وتصويره لليوميات بشكل كومديان بالرغم من تكرار المواضيع والرسائل اطلت بالحديث على اي حال
اتمنى الاسهاب بااكادير لانها مجهوله عند البعض ونظامها مختلف عن مراكش خصوصا بالسكن !!
اتمنى التوفيق للجميع ...

صبحكم الله بالخير ي مزاعيط
اول شي بالنسبة لتغطية حنفي صراحة و الأمان لله انها جميل جدا صراح عن نفسي استفدت كفاية انو معطيك وقتو الكامل وما قصر الرجال بيذكر كل صغيرة وكبيرة ودمو خفيف جدا اتمنى يكمل التغطية
شكرآ

مبدع اخوي حنفي وماقصرت استفدت الكثير من تغطيتك الاوله والحاليه من معلومات وكل شيء وماقصرت بسرعه ردك على الاستفسار وبيض الله وجهك
وترجع بالسلامه ان شاءالله
تحياااتي لك

من أجمل وأروع ما قرأت في النقد البناء .. سلمت أناملك على هذا الكلام الرائع ..