قرّب يا راعي مراكش و عطنا الكلام الموزون ????

السلام عليكم كيف حالكم اخواني المزاعيط
اصبحت في حيره و تعكير و تخبيص .. الخ
على شان السالفه هذي سجلت ف المنتدى
وكنت في السابق فقط اتصفح الاقسام و اقراء
و استمتع و حب اطلاع ..


احترنا معكم بخصوص موضوع السكن
واحد يمدح واحد يذم و الجهه الاخره المسوقين
رافعين السعر على المنتجعات اللي الناس تتردد عليها ف من واقع تجربة و ابراء الذمه ابي
اللي يشاركون ف الموضوع يتكلم عن واقع تجربة
السكن في مراكش بشكل خاص و ينورنا
( ولا احد يجي يقول المنتجع الفلاني امان
و الامور زينه و لا يقولون شي !! )
ومن هالكلام الرنّان اللي ابتلشنا فيه !!!
بكل مكان فيه امان من بعد الله
صراحه قاعد اخطط ل سفره الى المغرب و بالتحديد مراكش علماً بانها اول سفره لي للمغرب
و لله الحمد سافرت دول كثيره ولم اجد ما يعكر
صفو الرحله ..
ف حاب اسافر للمغرب و ابي اجيها و اطلع منها
وانا مرتاح للديره ..

هلموا ب تجاربكم للسكن النظيف و الادارة
المحنكه المهتمه بالزبون .. ????

اللي يشاركون ف الموضوع يتكلم عن واقع تجربة

السكن في مراكش بشكل خاص و ينورنا

( ولا احد يجي يقول المنتجع الفلاني امان

و الامور زينه و لا يقولون شي !! )

ومن هالكلام الرنّان اللي ابتلشنا فيه !!!

ههههههههههههه

بالعكس الامان مطلب
ولكن يعتمد على اي نوع من الامان
اذا قصدك سهر وانت ابو الفهم الروز قاردن
والنخيل لكن فرش معفن و استغلال
انصحك بالفنادق ٤ او ٥ نجوم
غالي لكن يعتبر خيار افضل من المنتجع
الفرق مو ذاك الزود لكن انت اشتريت راحتك
تحياتي

اهلين اسمع وانا اخوك خير الكلام ما قل ودل بس انا كلامي شوي بيطول من تجربه .. ومع ذالك اعشق واحب اجي مراكش اقلمت نفسي وعرفت نظام بعض الناس هناك

بما انك اول مره بتجي المغرب وخاصه مراكش
يبيلك طولت بال وتخلي اعصابك بقالب ثلج
لان الي شفته بالدول الثاني ما بتشوفه بالمغرب .. مو تقليل بحقهم لا والله ونعم لاكن للاسف فئه خربت سمعت المنطقه
السكن فيه منتجعات من تستاجر لحد ما تطلع معزز مكرم ولا لاحد شغل فيك فقط يبون يشوفون وش ناقصك..

وفيه منتجعات للاسف همها تاخذ الفلوس بالبدايه تقنعك ان المكان 5 نجوم لاكن من تدفع تشوف اشياء ثانيه واستفزازات وبالغصب تدفع ... صحيح مش بالغصب انك تدفع لو ايش ما كان بس لاصار هالشي للاسف يخرب جوك وتخرب سفرتك..
اضرب لك مثال بسيط
مثلا استاجرت فيلا او شقه ودخلت واعجبك المكان كا منظر ونظافه واذا جيت تسزي تشيك اوت يدورون اي شي عشان تدفع مثال طرف الطاوله مكسوره مش انت كاسرها من قبل تسكن بس ما لاحظتها انت قيمت الطاوله يمكن 300 درهم يدفعونك 600 درهم وبطريقه استفزازيه ووووو

هذاك بالمنتجعات برى اماكن السهر فيه مبالغه بالاسعار

غير سوالف الدرك يوقفك عشان تعطيه اكراميه وقفني يقزلي انت خليجي عطني اكراميه !!! قلت لا قال بحرر لك مخالفه عشانك متجاوز المشكله الشارع فاضي مافي احد قلت حرر مخالفه وخلاني انتظر فوق النص ساعه واخرتهاا قالي خلاص بسامحك روح شاف ماوراي فايده

فسه ناس ما تتحمل وبتعصب وبيتعكر جوها ومزاجها ويمكن سفرتهم كلهاا عشان هالشي

فا اقولك اذا بتجي تنور المغرب فيك
بس طول باااااااالك