رحلتي الأولى الى المغرب السعيد 2018

معلومة غير صحيحة اخي الكريم انا شخصيا وقفني الدرك على نقطة التفتيش وعطاني مخالفة سرعة بنص الليل . حتى في البداية اعترضت على المخالفة لما وروني صورة الكميرة لاقطتني وانا مسرع.. لكن اللي لاحظته اكثر من مرة ان ردار السرعة غالبا يكون قبل نقاط التفتيش الرسمية بشوي والله اعلم

صحيح

تحية لك اخ مهاجر على تقريرك السلس والممتع لدرجه اني انتظر تكمله تقريرك بشغف . بخصوص التمشية انا ارعف ناس نفس طريقتك ونظامهم من المطار للشقة للمطار والناس فيما يعشقون مذاهب .. اكثر شي لفتني واستوقفني هو صرفيتك العالية خصوص انك منتب راعي سهر وخلافه ومدة سفرتك قليله جدا. ست ايام . انت اعرف بحتياجاتك لكن انا عن نفسي عشر الاف ريال تكفيني اذا بدون سهر تكفيني عشر ايام على الأقل واخر دلع (بدون التذكرة)

تشرفت بمرورك اخي الكريم . وهذه من بعض ماعندكم ????????

انا عن نفسي رحت وجيت ولا فهمت على طريقة سواقتهم او الرادارات .
كانت اموري ماشية عالبركة

هلا اخوي . يشرفني متابعتك وهذه من طيبك .
لا انت فهمت مدتي الي كتبتها غلط . انا كتبت كازا اليوم السادس الى المغادرة .
يعني كانت مدتي ٩ ايام وليس ٦ ايام .
يعني كان مصروفي ١١٠٠ ريال يوميا . يعتبر قليل نوعا ما مقارنه بغيري . خاصتن اغادير كان السكن مكلف .
والسياره كانت تكلفتها مع البنزين علي انا بدون احد اخر يخفف علي ،

انا من زمان اماكن السهر ماتعجبني جوها كثير ، حسيت انه بتكلفني عالفاضي .
مع انه كانت هناك محاولات عديده من صاحبي بالذهاب للسهر بديسكوات بس كنت اعطيه مخارج

تشكر على توضيحك للأمور المهمه لإستئجار السياره وأتفق معك فيها
وبالنسبه تفضيلك للديزل فهل هو أرخص وبكم؟ إحنا عندنا الديزل أغلى
أما بخصوص الشريحه تعيش وتأكل غيرها هههه يقولو إتصالات أفضل

__________________

الله يعافيك اخوي . الديزل باغلب الدول يكون اقل من البنزين ، لكن مايعتبر فرق كبير مره ممكن فرق درهم او درهمين باللتر عن البنزين ، لكن الناس تحرص على سيارة الديزل لان الديزل يقطع مسافة اطول من البنزين .
يعني انا سيارتي جلست معي ٩ ايام وسافرت من كازا الى مراكش وثم الى اغادير ورجعت لكازا من غير الفرفره داخل المدينه ممكن بدون مبالغة عبيت تقريبا ٥٠٠ درهم فقط .

هههههه اي والله زين انها جت على شريحه شي بسيط يعني .
يقولون اتصالات افضل من انوي لكن انا اشوف انوي كويس اتصال وبيانات .

انا في الاونه الاخيرة اسافرلوحدي خاصة المغرب والله وفقني بسائق شاب من الشمال ممتاز يرد الصوت معي وانبسطت كثير بالسفر