شراء شقة في اغادير

افضل شي انك تاخذ في المشاريع قيد الانشاء من مطور
بيكون النظام دفعات الى ان تدفع اخر دفعه عند استلام المفتاح حتى لو جيت تبيع تبيعها بمكسب جيد و تكون فاهم و دارس العقد مع محامي لتجنب المشاكل مستقبلا

على حد علمي ولا عندي فكره كافيه عن الموضوع بس اقساط بمفهوم اللي عندنا ما يحق لك كأجنبي اصلن تعاملاتك البنكيه بتكون جدا محدوده الين تطلع اقامه في المغرب و الافضل انك تبتعد عن البنوك و تاخذ من المطور مباشره بس تكون قادر على الالتزام بمواعيد الدفعات عشان ما يكون فيه شروط جزائيه على التأخير حسب العقد
طبعا العقار بيكون عليه ضرائب تدفعها وتختلف حسب المنطقه فلازم تكون حاسب مصلحتك من شراء عقار
هناك و وجهت نظري ان اي شخص ما يقيم في المغرب لفترات طويله او قرر انه يسكن هناك ماله اي داعي يشتري عقار هناك يعني شخص يجي ٣ مرات او ٤ مرات سنويا هذا ما يستفيد من العقار شي
بالنسبه لي اغادير العقارات فيها ارخص مقارنه بمراكش و كازا و الرباط

طبعا في ضرائب سنويه على العقار حسب المنطقه الى اخذت فيها

__________________
ادارة الموقع

ما احترامي للأخ ابو تولين
كرأي شخصي إذا ما شفت العقار بعينك (شقة فيلا الخ) لا تاخذه ولو بنص السعر
المشاريع الي تحت الإنشاء إذا ما طلعوا نصابين فأقلها مدة التسليم راح تصير دبل وتربل ، عندهم بيوقراطية وبطأ ما شفتها في حياتي كلها، باللاتي خويا شوية شوية علاش الزربا.

بالنسبة لرسوم التسجيل والتحفيظ هي بمجموع 6.5٪ من قيمة العقار سواء للأجنبي او المغربي، رسوم تأسيس عداد الكهرب والموية تقريباً اذا ما خانتي الذاكرة حول 2000 درهم سواء للأجنبي أو المغربي، الي يفرق هو ضريبة النظافة السنوية للأجنبي على الشقة 4000 درهم تدفع سنويا"، بينما المغربي اذا كان اول ملك له يدفع 400 درهم فقط سنوياً واذا تملك شقة ثانية يدفع عليها 4000 درهم بحال الأجنبي، وطبعاً الفلل مبلغها أكبر.
بالنسبة للأجنبي اذا جيت تبيع مستقبلاً راح تاخذ الحكومة ضريبة 20٪ من الأرباح في حال إنك بعت بمربح، وطبعاً لازم تفتح حساب بالعملة الاجنبية في البنك الشعبي عند شراء الشقة وتشتري بشيكات مصدقة، عشان اذا بعت مستقبلاً تقدر تحول الفلوس إلى بلدك.

العقار في أغادير يعتبر أرخص من كازا والرباط، ولكن أقل من مراكش، وحالياً في مراكش العرض أكثر من الطلب.