عروض وحجز الفلل و الشقق

السيارات شركات تأجير السيارات

تقارير سياحية

الاستفسارات سؤال و جواب


الحل الشافي من إبتزازات الدرك للخليجيين - قصتي مع الدرك وكيف قلبت الطاولة عليهم

إضافة رد
البيدق
مزعوط جديد
المشاركات: 12
تاريخ التسجيل: Mar 2018
البيدق غير متواجد حالياً  
قديم 2019-02-20, 10:05 PM
  المشاركه #1
Cool الحل الشافي من إبتزازات الدرك للخليجيين - قصتي مع الدرك وكيف قلبت الطاولة عليهم

الموضوع هذا مختلف تماماً عن بقية المواضيع. لذلك تحتاجون كوب شاي وسيجارة او راس معسل لأنه يحتاج مخمخة دام الموضوع يخص بإبتزازات الدرك مع السياح الخليجيين وغيرهم.

في البداية خذوها قاعدة اساسية ياشباب

اذا انتم ماشين في السليم ولاسويتوا شيء غلط وجاكم واحد من الدرك يبتزك ويبي ينشب فيك قضية او مشكلة عشان ياخذ فلوس منك, خش في عينه واقدح على ابو اللي خلفوه وقل له ودني ع المخفر اذا في امه خير. نظام ابتزاز واكراميات ذا تعبنا منه, الى متى وانتم خيخة وزلايب ونظام مابي وجع راس ومشاكل؟

اما اذا انتم جايبين طيور والا مسوين فلم, فهذا جزاكم ومالكم الا تدفعون بخشيش لهم.

راح بقولكم ثلاث قصص.. قصتين حصلت لي, والقصة الثالثة مع احد الاصدقاء
منهم عن الاخرى في التعامل مع ابتزاز الدرك
وبعلمكم عن حاجة ضروري ضروري تشترونها لأنها راح تساعدكم في التعامل مع
فساد الدرك

وخلوا نظامكم زي نظامي ... خليك اسد وبنفس الوقت ثعلب حتى تقدر تتلاعب بالدرك
-------------------------

القصة الاولى

قبل سنة ونص كنت ادخل مزاعيط المغرب اقرا وشفت مشاكل الدرك وشغل الابتزاز دام الدعوة كذا مالهم الا ابتزاز. قلت دام هذه الديرة فيها كل هذه المشاكل اللي تصير لعشاق المغرب فمابدهاش مالي الا اتعامل معهم بالطريقة الامريكانية. شريت نظارة طبية من امازون فيها كاميراً بدقة 1080 وتسجل صوت وصورة بعد لمدة ساعتين في ذاكرة كانك تشوف فلم دقته عالية لأني راح احتاجها جداً في سفرتي للمغرب ... سافرت للمغرب وحصل لي اني طالع من عين الدياب وراجع للفندق الساعه ٨ بالليل ابي اغير ملابسي واجهز اموري عشان اسهر. وانا عند الاشارة وقفني اللي ع الدرك وقال تقدم واسفط على اليمين. لما شفته ع طول لبست النظارة وشغلتها ( زر التشغيل على ممسك الاذن بس تضغط عليه ثانيتين ويشتغل) واخذ اوراقي يتصفحها وقال انت مسرع خويا هذه عليها مخالفة... قلت له مالك لوا, ماشي قانوني ورابط حزام ويش بغيت خويا ؟ ( خلك مباشر معهم وخش بعينهم اذا كنت منتب غلطان)

سكت دقيقتين يتصفح اوراقي وثم قال انتو السعوديين معروفين بالكرم. جاوبته وقلت: وبرضو السعوديين يكرهون الابتزاز.
قال ويش قصدك؟
قلت انت عارف ليش وقفتني ويش بغيت مني
ضحك لما شافني صارم معه قال: اكرمنا منشان عندي بيت وعيلة
قلت راح اكرمك لكن تأكد أنها اكبر غلطة بعمرك لو اخذت سنتيم مني!
قال تهددني؟
قلت ايوة اهددك, ولو حاب نروح المخفر وتلبسني قضية دعارة او اي قضية فماعندي مشكلة. لكن تأكد هذا اخر يوم لك في الشغل.

وكل شيء كان يتسجل فيديو وصورة ووجهه واضح جداً بدون مايعرف, وكنت التفت براسي لزميلة اللي معه عشان اصوره بالنظارة معه عشان لو حاولوا يستلعنون يكونون مكشوفين.

وكانت ملامحي معهم صارمة جداً, زميله لما شافني صارم جداً اخذ يلطف الجو قال انت باين بن حلال خلاص سير بحالك والله معك.

سلموني اوراقي ومشيت.

—————————————

الموقف الثاني حصل نفس الشيء في كازا

قابلت احد الطيور في كوفي في تروبيكانا العصر, وقلت لها خن نتمشى برجولنا. وحنا نتمشى كان فيه عوايل ينظرون لنا بريبة (مع العلم اننا بمكان عام جداً وفي وضح النهار ). جلسنا نمشي ونمشي, الا واسمع صوت من بعيد, التفت الا والقى احد الدرك يهرول ورانا يبي يوقفنا. الطير اللي معي خافت خوف الله وكيلكم شوي تقل قامت القيامة فوق راسها من الخوف.

وكنت حاط النظارة في شنطتي الكتف ( صغيرة ). قلت للطير اسكتي ولاتتكلمين وخليك هادية. فتحت شنطتي بسرعة وشغلت زر تشغيل النظارة وهي جوا الشنطة عشان مايلاحظ ويحس اني كأني ادور على اوراقي. وقف الدرك وطلب اوراقنا وقلت له خير ياخويا ويش الموضوع ؟
قال انتو عارفين انو ممنوع خروج رجل وامرأة بدون معرفة عائلية او قرابة؟
قلت له هذا اذا كان في مكان خاص, لكن احنا بمكان عام ولاعملنا حاجة مخلة بالادب!
قال الشرطي البنت راح تدخل الحبس وتخرج بكفالة وتدخل البلاك ليست وانتا كفالة ويمكن محاكمة وسجن.

هنا ماعابطت مع الشرطي لسبب واحد, اولاً انه ماسكني على حاجة ممكن تكون غلط ( لاحظوا اني مع بنت في مكان عام ) فقلت ويش بغيت ياخويا ؟ مد لي اوراقي وقال حط ١٠٠٠ درهم فيها؟

قلت له مامعي ١٠٠٠ الي معي ٦٠٠ ماصرفت.
ومع المفاصل انا وياه وافق و فتحت بوكي وطلعت الفلوس وحطيت في اوراقي وسلمتها له. وطلبت منه رقم جواله على أني بحتاج منه خدمة ولاينفع اطلبها منه قدام البنت .. وعطاني رقمه ( طبعاً ثلاث اسباب خلاني اعطيه فلوس, اولا ان البنت مرعوبة جداً وحنا بمكان عام, السبب الثاني راح بتعرفونه وهو بأختصار هجوم مضاد كاسح, السبب الثالث عشان اخذ رقم جواله)

عطاني رقمه ودقيت عليه من رقمه المغربي, وقلت له فمان الله مع ابتسامه له احسسه اني ابله وغبي وينضحك عليه. مشينا ٢٠٠ متر انا والبنت وقلت لها سيري لدارك عشان نلتقي بالليل نسهر سوى.

رجعت لشقتي ( بعد ماغيرت سكن الفندق ) وفتحت الاب توب وشبكت اليو اس بي على النظارة عشان اطلع مقطع الفيديو اللي سجلته. قمت وحررت الفيديو وقصيت الجزئية اللي طلب مني فيها فلوس وكل شيء موثق بالفيديو والصوت.

رحت وارسلت المقطع على واتس اب الشرطي وكتبت له اما ترجع المبلغ الي اخذته مني بدون مشاكل, او ارسلت المقطع هذا للمخفر ووقتها بتخسر شغلك والقرار قرارك.

شوي ثلث ساعه يفتح الشرطي المقطع .. ويرسل لي فويس نوت, وقعد يتأسف ومن هالكلام. قلت له قابلني عند كافي الفلاني, قال انا ماخلصت شغل. قلت له اول ماتخلص علمني, ولو لقيت موبايلك مقفل فراح اشتكيك في المخفر وابلغ السفارة السعودية بذلك.

اتصلت على احد الشباب وارسلت له المقطع على الواتس, وقلت له هذا المقطع خله عندك لاتحذفه لاني ممكن احتاجه. قال وش السالفه قلت له بعدين اعلمك.

نقزت وطلعت شريحة جوال ثانية, ورجعت للشقة انتظر اتصاله, ماغربت الشمس الا ويتصل علي وقال انا راح ابدل ملابسي في الدار وبجيك. قلت له قابلني في الكفي الفلاني.

انتظرته جاني في الكوفي وطلبنا كوفي وكل شيء وكان الوضع عادي سواليف اخبارك وعلومك.
طبعاً كنت اكلمه ولابس نظارة طبية ( فعلاً انا البس نظارة طبية لكن مالبست النظارة الطبية اللي تسجل فيديو ). قال لي انت تسجل بنظارتك الان؟ قمت وفسخت نظارتي الطبية وسلمتها له قلت له تفحصها وشوف اذا هذه تسجل او لا.

مالقى شيء في النظارة وعشان اطمنه اكثر, قمت وحطيت نظارتي في جيبي عشان يتأكد انها ماهي تسجل ( كل هذا عشان ماابي يعرف الدرك عن موضوع النظارة لأن لو عرف احدهم فأكيد بيعلمون البقية عنها لو انتشرت بين السياح )

ثم قلت له, اسمعني ياخوي, انا ماعطيتك الا والبنت خايفه مع اننا ماعملنا شيء غلط. عطيتك وانت تعتقد انك استغفلتني, لكن يتهيأ لك انها ماهي اول مرة تعمل هذه الحركة على الخليجيين. فأنت امامك حل واحد فقط من صالحك, ترجع الفلوس الي اخذتها حتى لو سنتيم واحد ناقص راح بسلم المقطع للمخفر وابلغ عليك.
يكلمني وكأنه مو مصدق ومصدوم كيف قدرت اني اصوره والبس التهمه عليه.

كنت اكلمه وانا واثق جداً واتعامل معه على انه حيوان مفترس اصبح فريسة بين يدي واخذت امزمز عليه بابتسامة وكنت هادئ جداً عشان مايزيد ارتباكه وبنفس الوقت الفت نظر الناس في الكوفي. اعتذر بأبتسامة مرتبكة وسلم لي الفلوس في كيسة صغيرة. اخذت الكيسة وطلعت كل الفلوس وقعدت اعد كل شيء وقدام العالم.

ثم ترجاني احذف المقطع قدامه عشان يتطمن... فتحت جوالي وحذفت المقطع قدامه بعد ماوريته.
قلت له وانا اسلم عليه بطلع, المرة هذه سلمت منها, المرة الجاية ممكن شخص ثاني
مايرحمك وخليته.

فوائد الحادثة هذه :

- الحادثة هذه بالتحديد يبيلها ضبط اعصاب وماتسوي شيء الا بعد تفكير, حركتي لما اخذت رقم جوالي إلحاحي على الدركي بذلك كان لسبب اني عطيته فلوس فعلاً وابي استرجعهم غصب عن اللي خلفوه. لو ماعطاني رقم جواله او رفض في نفس اللحظة بقوله انا راح باخذ حقي منك. واجيبها بطريقة اني عندي اثبات عليه, لكن بدون اي تلميح عن نوعية الاثبات.

- مهم وضروري جداً تاخذ رقم جواله, انا في البداية عطيته ايحاء اني طيب وابله وغبي وينضحك عليه, وقلت له ابي رقمك لاني بغيت مساعدة منك, طبعاً هو ماصدق خبر عطاني رقمه لاني للتو معطيه فلوس وانا مو غلطان. لكن مايدري ان ورى هالقناع اللي اظهرته له وجه حقيقي.

- التقائي به كان معد بحذر شديد, لأن ممكن يرسل احد يتقص الوضع في الكوفي. ولما ارسلت المقطع لصاحبي في السعودية كان لهدف لو سمح الله لو استلعن الشرطي وارسل اصحابه يبون يقلبون الموضوع علي ابتزاز, فيكون عندي نسخه من الدليل حتى لو حذفوا المقطع من جوالي.

- بمجرد خروجي من الكفي بعد ماالتقيت بالدرك واسترجاع فلوسي, رميت شريحتي الاولى وركبت الشريحة الثانية مباشرة. قاعدة مهمة من باب الامان, اما نظام تطفي جوالك والشريحة اللي راسلت فيها حق الدرك جوا الجوال لاتسوونها, مباشرة احفظوا الارقام الموجودة وارموا الشريحة ترى راس مالها مبلغ بسيط وقضينا !

- من وجهة نظري الشخصية : لو حصل لك موقف مثل وسجلت فيديو على دركي يطلب منك فلوس هذا وانت موقفك سليم جداً لكن اسباب خلتك تدفع فلوس للدرك ( كغباء منك او ماتبي وجع راس ) , فأعلم انه ماراح بيغامر بوظيفته عشان حفنة فلوس يبتز فيها الخليجيين والسياح. اهم نقطة خلك متزن, وفكر مليون مرة في اي خطوة تسويها.

- لاتهايط على الشرطي وانت توريه اثبات التهمه عليه وهو يبتزك وانت ماسويت شيء غلط. قل له بهدوء انا ماسويت شيء غلط, وانت تبتزني بأني سويت شيء غلط عشان ادفع فلوس وارتاح من وجع راس. الان جبت على نفسك المشاكل وجنيت على نفسك, لو مارجعت الفلوس هذه فانا راح اسلم المقطع للمخفر. انتهى وسلام عليكم ولاتكثر كلام معه.

- لو اخذ منك دركي فلوس, ووريته اثبات التهمة عليه فتأكد مليون بالمية انه ماراح بيضحي بوظيفته عشان حفنة دراهم.


- انتبهوا انتبهوا انتبهوا .. ان الشرطي يعرف سكنك, او لو عرف الشرطي وين ساكن او مسكوك فيه فغير سكنك مباشرة. ممكن لو مسكت على الدرك دليل شيء يجلس يراقبون سكنك ويلبسون عليك شيء او يبهذلونك لذلك غيروا سكنكم لو حصل انكم مسكتوا على دركي دليل واخذتوا حقكم.


————————————————

القصة الثالثة

القصة هذه مختلفة لأنها حصلت لأحد اصدقائي اللي درس معي في امريكا اللي يزورون المغرب كثير وهو اللي دخلني لعالم المغرب. طبعاً صاحبي حصل له سرق من اصدقاء الطيور اللي عنده لما يجون في شقته. طبعاً هو له ثلاث سنوات وسفريات كثيرة في المغرب فلذلك عارف نظام البلد ( لكن للاسف مايعرف خفايا الطيور واللي يدور في روسهم ) لأن حصل له كذا منكح قوي من كم بنت ولا ابي اذكر ايش اللي السالفة لانها ماتخصنا

المهم بحكم اني خريج كمبيوتر فأحب اي تقنيات جديدة, فخبرني انه بيزور كازا واكادير في شهر مايو العام الماضي. قلت له يابو صالح, اشتر ساعة طاولة تنباع في علي بابا او امازون. هذه الساعة تسجل صوت وفيديو وفيها وضع ليلي ( تصوير في الظلام )

اشتر منها ساعتين وحدة حطها في غرفتك, والثانية خلها في الصالة تسجل يوم كامل + ( فيه تطبيق على الايفون والاندرويد يخليك تقترن بالكميرا اللي بالساعة عبر الواي فاي او البلوتوث وتشوف ايش اللي يصير لو فيه ضيوف في الصالة من جوالك وانت في غرفتك في حالة انك شاك بالوضع.

المهم خبرت خوينا ابو صالح وفعلاً راح وشراء ثلاث ساعات طاولة تسجل فيديو بجودة عالية وراح للمغرب. حجز له شقة وضبط وضعه بالطيور. حط ساعة في غرفته, ساعة جنب السرير يصور اللي يدخل في الغرفة, وساعتين في الصالة, ساعة على الطاولة الرئيسة يصور اللي يجلسون ع الكنب, وساعة في اخر الصالة تصور مدخل الشقة مين اللي يدخل ومين اللي يطلع في حالة لو احد حاول يسرقه سواء من القائمين على السكن او من الضيوف.

ملاحظة بخصوص صاحبنا ابوصالح وهي ان مشكلته بعد معرفة الاسباب الافلام اللي تجيه انه الله يهديه عينه ماهيب مليانه مايستقر على طير, كل يوم يجيب طير مختلف من كل شكل ومن كل لون. فعشان كذا يصادف طيور كويسة ويصادف طيور فاسدة تمصك وتستغفلك وتسرقك.

المهم في يوم من الايام قنص له طير يقول تطيح السماء من الارض في مطعم. وبالليل جاء عنده الطير ومعها خويتها. وجلسوا يرقصون ويضحكون وفلة حجاج. لكن الرجال حس ان خوية الطير وراها شيء ماارتاح لها, احتاج يروح لدورة المياه الله يكرمكم وقال لهم عن اذنكم دورة المياة عقب العصاير اللي شربها.

دخل دورة المياه الله يكرمكم, ويفتح جواله ويسوي اقتران ايفونه على الكميرتين في الصالة. شغل الكميراً اللي في طاولة الصالة الرئيسية وجلس يتسمع سواليفهم ويشوف وش يسوون.

سبحان الله في وقت تشغيل الاقتران اثر مو بس خوية الطير مريبة, الا الطير اللي جابه خوينا ابو صالح بكبرها هي الراس الكبير, وشاف الثنتين قاعدين ينبشون وناوين يسرقون سريع سريع وينحاشون.

عاد بعظمة لسان قال لي, لاشعورياً فتحت باب الحمام الله يعزكم ودخلت عليهم ولقيتهم يتظاهرون بالرقص مع ان صوت الاغاني واطي ههههههههههههههههههههههههه هه

وجلست تصايح خوية الضيف وقفل باب الشقة, وراح يعاين اغراضه ولقى جواله ماخذينه, واخذوا 500 درهم من محفظته, ولو صاحبنا ماكان يدري وتأخر في دورة المياة كان ممكن يدخلون غرفة النوم ويسرقون حدود 6000 كان حاطها في شنطة السفر.

خلاصة الامر اخذ صاحبنا كل اغراضه, ومن وساعة وجه الضيفين قالوا عطنا حقنا والا بلغنا الدرك, راح الله يسلمكم ويفتح الجوال, ويوريهم الفيديو وان كل شيء مسجل لو اشتكوا وراح يبهذلهم لو ماطلعوا ولاحتى درهم واحد بتاخذون مني. قدامكم حلين ياانكم تطلعون سليمين والا اتصلت على صاحبي في الدرك وابلغه ان فيه ناس سرقوا في شقتي ( سالفة ان عنده صديق في الدرك مجرد كذبة لتخويفهن ) ويطلعون من عنده بدون درهم ويخرج ابو صالح بأول انتصار له ضد الطيور الجارحة بعد ماكان ينشخل منهن رايح وجاي.

اليوم الثاني مباشرة بحكم نباهة صاحبي راح وكلم السمسار صاحبه اللي يحجز له السكن وقال له غير سكني الان وحالاً, وراح وغير سكنه بحثاً عن الامان, لان بعض الطيور ممكن تبلغ عليه الدرك يداهمون سكنه ويترصدون له. والسمسار بحكم توطد علاقته بصاحبي وثقتهم المتبادلة بينهم وافق على انه يحول الفلوس اللي دفعها في الشقة هذه ويحسبها على الشقة الجديدة.

لذلك اذا انت تبي تتبع نظام تسجيل فيديو في سكنك وبنفس الوقت تبي تدخل ضيوف حاول انك ماتدفع اكثر من ايجار يومين في سكنك, لأن لو حصل مثل هذا الموقف معك مثل ماحصل مع صاحبنا ابو صالح فممكن يبلغون عليك الطيور ويترصدونك الدرك في سكنك. فالحذر ثم الحذر.


ملاحظات أخيرة :


- الطريقة هذه ماتنفع مع الحراس السكن والعسعاس اذا هو يغثك بموضوع البخشيش يقالك تبي تبتزه ( خصوصاً حقين مراكش ومشاكلهم مع حراس المنتجعات من النخيل وطقتها )لأن شغلته بسيطة يبلغ عليك عند الدرك ولامن شاف ولامن دري ولا عنده شيء يخسره وتتطربق على راسك . لكن بعكس الدرك والشرطة, تقدر تتعامل معهم.

اما العسعاس فالشكوى لله هذا حامي راحتك وسعادتك ماله داعي تبعص في جوه عطه اللي تقدر عليه.

- لاتسوي فيها قوي اول ماتوصل المطار تسجل فيديو عند حقين مفتشي المطار, اذا جلس فوق راسك يبيك تعطيه قل له ماعنديش وخزه بنظره, بعص في جوك خش بعينه واقلبها دراما. قل ادبه معك وحوس ملابسك وشنطتك اقلبها فوق راسه انتهى الموضوع بدون جدال.

- في حالة التفتيش في مطار كازا زي ماصار لي, الشرطي لقى ساعه الطاولة اللي تسجل فيديو, قال : غريبة وش تبي بساعه غرفة وانت تسافر ؟ قلت له هذه ساعه تسجل فيديو لو في حالة انسرقت في شقتي. خلك واضح معهم هذه ساعه وضعت للحماية مش للتجسس ( عكس كميرة النظارة لأن بعضهم ممكن يجادلك فيها ). لو قال لك هذا ممنوع ساعه الغرفة, قل له لو هي ممنوعه فليش تنباع برا. خلك واثق مع حق التفتيش. مع ان اغلبهم ماراح بيسألك.

- حاول إنك تمشي بالنظام, يا غريب خلك أديب … مو عشان عندك كميرات مخفية خلاص تقعد تفلم على خلق الله. اذا انت ماسويت شيء وجاك دركي يستغلك, خلك جريء وحط راسك براسه. انت بس مو تفك نفسك من المشاكل, انت تضر اخوانك السياح من الخليجيين بأسلوب الخواف والخيخة وصاروا عرضة لإبتزاز من الدرك فقط لأنك خيخة وعطيتهم وجه.

- اذا شريت نظارة فيديو, فأشتر نظارة عادية اخرى تشبه لها. زي ماحصل معي مع الدركي اللي اخذت منه فلوسي اللي اخذها مني بأبتزاز. اهم شيء لاتبين للدركي انك تسجل فيديو لأنه لو عرف ممكن يتصرف معك بسيناريو انت ماتبيه. لذلك العب بخطتك وحرك قطع الشطرنج وخل خصمك ينبسط بنقلاته ضدك وهو مايدري عن الفخ اللي مجهزه له.



نجي الان للأدوات المستخدمة في عمليتنا ضد الدرك:

هذه النظارة اللي تسجل فيديو وشريتها وجربتها وجداً

https://www.amazon.com/Camera-Glasse...+hidden+camera

قيمتها ماتتعدى ٣٠٠ ريال مع الشحن للسعودية
تدعم ذاكرة تخزين حتى 32 جيجا
والبطارية تشحن لمدة ساعتين. طبعاً في حالة لو كنت تسجل والبطارية بتطفى, يقوم بحفظ التسجل قبل لايخلص البطارية ( ميزة خارقة وبطلة )

اشتريتها لأنها تشبه كثير لنظارتي الطبية من ناحية الفريم على الرغم في اختلاف لكن محد ملاحظ الفرق كثير

فيه انواع اخرى مثل هذه نفس مواصفات نظارتي حقتي لكن الاشكال تختلف

https://www.amazon.com/Glasses-Suppo...+hidden+camera

وكذلك نظارات شمسية تسجل فيديو كذلك

https://www.amazon.com/ENKLOV-Polari...rds=sunglasses


وهذه ساعة الكميرا تدعم الاقتران بالبلوتوث والواي فاي ويدعم الرؤية الليلة طبعاً حجمه كبير شوي لذلك فيه احجام MINI Spy Cam تنفع للي يبي حجم اصغر.. عموما الساعه هذه حمل التطبيق على جوالك وشوف ايش اللي يصير في سكنك. وتقدر تشتري ذاكرة TD بحجم 128 جيجا تسجل فيه كل اللي يصير في سكنك خلال اسبوع كامل متواصلة. وعلى فكرة فيه منافذ USB اذا بغيت تشحن جوالك لذلك وضعكم في السليم من ناحية الشواحن.

الساعة هذه للسكن في حالة لو حاول احد من الخدم او من مسؤولين السكن يسرقك او من الضيوف تقدر تقفطه وتشوف كل اللي يصير وانت برا سكنك.

هذا مافي جعبتي. اتمنى اني افدتكم في هذا الامر اللي اتعب جميع المزاعيط.
رد مع اقتباس
 الصورة الرمزية بيضاوي
بيضاوي

الحل الشافي من إبتزازات الدرك للخليجيين - قصتي مع الدرك وكيف قلبت الطاولة عليهم

المشاركات: 1,568
تاريخ التسجيل: Mar 2016
بيضاوي غير متواجد حالياً  
قديم 2019-02-20, 10:55 PM
  المشاركه #2
الحل الشافي من إبتزازات الدرك للخليجيين - قصتي مع الدرك وكيف قلبت الطاولة عليهم

موضوع بوليسي ههههههههه

ياخوك بيروح وقتي كله بمراقبة خلق الله ومراجعة التسجيلات ...

عموماً صور النظارات المرفقه من امازون صور تسلاب اجلكم الله ... يمكن فيه مشكلة .
__________________
الحياة ليست عدو لنا بل صديق مشاكس

التعديل الأخير تم بواسطة بيضاوي ; 2019-02-20 الساعة 11:06 PM
رد مع اقتباس
عاشق آغادير
مزعوط نشيط
المشاركات: 108
تاريخ التسجيل: Nov 2016
عاشق آغادير غير متواجد حالياً  
قديم 2019-02-20, 11:10 PM
  المشاركه #3
ههههههههههههه يارجال تقدر تتداركهم بدون هالافلام انا هناك اغلب وقتي مخي خامل ومروق المانقا مو فاضي افكر واخطط وبعدين الروابط صور كلاب الحل الشافي من إبتزازات الدرك للخليجيين - قصتي مع الدرك وكيف قلبت الطاولة عليهم
رد مع اقتباس
 الصورة الرمزية شيووم شيوم
شيووم شيوم
مزعوط نشيط
المشاركات: 88
تاريخ التسجيل: Feb 2019
شيووم شيوم غير متواجد حالياً  
قديم 2019-02-20, 11:12 PM
  المشاركه #4
مساء الخير
رد مع اقتباس
البيدق
مزعوط جديد
المشاركات: 12
تاريخ التسجيل: Mar 2018
البيدق غير متواجد حالياً  
قديم 2019-02-20, 11:13 PM
  المشاركه #5
اقتباس:
المشاركة الأصلية كتبت بواسطة بيضاوي مشاهدة المشاركة
موضوع بوليسي ههههههههه

ياخوك بيروح وقتي كله بمراقبة خلقه ومراجعة التسجيلات ...

عموماً صور النظارات المرفقه من امازون صور تسلاب اجلكم الله ... يمكن فيه مشكلة .
المعذرة الظاهر مشكلة بالروابط مدري وش الحل

تفضل هذه حقت نظارات الطبية اللي فيها كاميرا مخفية

https://www.amazon.com/Upgraded-Vers...ds=spy+glasses

https://www.amazon.com/2019-Upgraded...+glasses&psc=1

https://www.amazon.com/HoHoProv-SY-G...spy+sunglasses

https://www.aliexpress.com/item/1080...AbTest=ae803_5

التعديل الأخير تم بواسطة البيدق ; 2019-02-20 الساعة 11:22 PM
رد مع اقتباس
البيدق
مزعوط جديد
المشاركات: 12
تاريخ التسجيل: Mar 2018
البيدق غير متواجد حالياً  
قديم 2019-02-20, 11:19 PM
  المشاركه #6
اقتباس:
المشاركة الأصلية كتبت بواسطة عاشق آغادير مشاهدة المشاركة
ههههههههههههه يارجال تقدر تتداركهم بدون هالافلام انا هناك اغلب وقتي مخي خامل ومروق المانقا مو فاضي افكر واخطط وبعدين الروابط صور كلاب الحل الشافي من إبتزازات الدرك للخليجيين - قصتي مع الدرك وكيف قلبت الطاولة عليهم
معليش مشكلة بالروابط نزلت الروابط الصحيحة في تعليق اللي فوق

والله وانا اخوك اني احسدك على وضعية المخ الخامل, لأن محدثك يتنرفز بسرعة ويكره شيء اسمه ابتزاز. فلذلك توثيق المواقف الحالكة صوت وصورة تحميني من لعانة الدرك امر مهم.

مش بالضرورة تستخدم اللي انت تسجله طالما انك ماراح بتدفع, لكن كتوثيق في حالة تأزمت الامور ووصلت لمواصيل كبيرة حينها يكون عندك اثبات. بالطبع محد يبي مشاكل, لكن احيان تجيك مشاكل من حيث لاتدري حينها تقدر تتدارك نفسك وعندك ادلة تسندك لو تقفلت الابواب في وجهك.
رد مع اقتباس
 الصورة الرمزية صمتك كلام
صمتك كلام
مزعوط مميز
المشاركات: 403
تاريخ التسجيل: Oct 2016
صمتك كلام غير متواجد حالياً  
قديم 2019-02-20, 11:30 PM
  المشاركه #7
ابلش ماصارت اجازه ذي يالبيدق بس من جد زي ماقال بيضاوي الموضوع بوليسي
رد مع اقتباس
 الصورة الرمزية علي عبدالرحمن
علي عبدالرحمن
مزعوط نشيط
المشاركات: 53
تاريخ التسجيل: Dec 2016
علي عبدالرحمن غير متواجد حالياً  
قديم 2019-02-20, 11:51 PM
  المشاركه #8
بإمكانك تتجنب كل هالاشياء ذي ببساطه
اول شي اعرف نظام البلد الي انت رايح له واعرف ايش الي لك وايش الي عليك
ثانيا احفظ مالك بحساب بنكي
ثالثا جوالك واشيائك الثمينه لا تجدعهن بكل مكان
رابعا احترم تحترم وهذا اهم شي لا تكون ابله وياكلونك ولا تكون اقشر وتتمشكل مع الناس
خامسا لا تثق في اي احد من الي تقابلهم مهما كان جميل وتحس انه كفو وشكرا على الموضوع عزيزي الحل الشافي من إبتزازات الدرك للخليجيين - قصتي مع الدرك وكيف قلبت الطاولة عليهم
رد مع اقتباس
جداوي19
موقوف
المشاركات: 303
تاريخ التسجيل: Aug 2017
جداوي19 غير متواجد حالياً  
قديم 2019-02-20, 11:58 PM
  المشاركه #9
تعجبني يابيدق لو نزلتها باليوتيوب والفيسبوك كان صرت بطل وفضحت اللي مايستاهل * على فكرة والله لو مسكوك في جرم ماراح يرحموك بيدفعوك الاول والتالي هدا مع سب وشتم واهانة ممكن توصل للضرب
انت كنت رحيم فيهم وياما ناس اتمرمطو ودفعوا وكرهوا ام البلد اللي سافروا له والغريب لو فرنسي او اسباني والله محد يكلمه حتى لو كان سهران معاها اخر الليل يعني بالعربي الخليجي جدار قصير لهم وكنز ويرونه غبي وحولي
رد مع اقتباس
البيدق
مزعوط جديد
المشاركات: 12
تاريخ التسجيل: Mar 2018
البيدق غير متواجد حالياً  
قديم 2019-02-21, 12:23 AM
  المشاركه #10
حاجة اخيرة يااخواني نسيت اتطرق لها وهي مهمة ومعروفة لدى اخواننا المغاربة.

في رقم في المغرب معروف بأسم " الرقم الاخضر " هذا الرقم : 4747 000 080
هذا الرقم خاص لبلاغات تلقي الرشوة من موظفي الحكوميين في المغرب. لما تبلغ على دركي ارتشاك فراح يسألونك اذا عندك دليل, اذا عندك دليل مثل حالتي فراح يقابلونك وياخذون منك الدليل ويقبضون على الدركي. اما اذا ماعندك دليل عليه, فهم راح يراقبونه بشكل متخفي اثناء عمله اذا لاحظوا انه بياخذ رشوة من احد السياح او المواطنين مباشرة يقبضون عليه ويحاكمونه.

انا ماكنت اعرف عن الرقم هذا الا مؤخراً اكتشفته بالصدفة وانا اتصفح احدى مواقع الاخبارية المغربية. اشوف يكتبون الرقم الاخضر واقول ياربي وش ذا الرقم ذا, ولما بحثت في قوقل عن الرقم الاخضر لقيت اخبار بشكل يومي عن قبض على موظفين حكومة من الدرك ومدنيين في قضايا رشوة وفساد.
رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

الانتقال السريع

المواضيع المتشابهه للموضوع: الحل الشافي من إبتزازات الدرك للخليجيين - قصتي مع الدرك وكيف قلبت الطاولة عليهم
الموضوع آخر مشاركة
تجربتي مع الدرك 5-1 2021-01-30 01:31 PM
وش الحل مع الدرك بمطار أقادير ؟ 2016-09-12 04:41 AM
البنت و الدرك ؟ 2015-07-18 03:10 PM
قصتي مع الدرك 2014-03-10 07:17 AM


الساعة الآن 07:59 PM