هل تنصحوني بالسفر للمغرب لأول مرة ولوحدي.. ولماذا؟

مساءكم سعيد ..

كما ذكرت لكم في العنوان.. هل تنصحوني بالسفر للمغرب .. علماً بأنني لم أزرها من قبل .. وأيضاً انا لوحدي وليس معي مرافق ...
علماً بأنني سافرت لأكثر من بلد عربي وشرق آسيوي وبمفردي وكانت من أجمل السفرات..
ولكن من كثر ما قرأت من القصص المخيفة وبعض التجارب المحبطة عن المغرب في هذا المنتدى .. حبيت استشيركم .. فلا تبخلون علي .. دمتم بود

السلام عليكم وحيااك الله..
والله اخي العزيز المغرب بلد عسل ورحت لها انا مرتين ولحالي ..انزل المطار كازا ويتم التنسيق مع احد المنتجعات "بالنسبه لي كنت انسق منتجع الروز قاردن في مراكش "واطلب منهم سائق يستقبلني من كازا وياخذني الى المنتجع بمراكش مسافة ٢٠٠ كيلو وكلها ليلاً والحمد الله بلد امن
ماشفت منهم الا كل خير وابد طالما انت ماشي صح محد جنبك لكن لازم تعرف وش جوك وتحسن الاختيار وعندك المعلنيين بالمنتدى وثق حجزك وابد ان شاء الله امورك تمام والاخوان هنا مايقصرون ان شاء الله..

دام سافرت لحالك كذا مرة ما راح يكون فيه فرق
بالنسبة ليا أول سفرة لحالي كانت للمغرب وكانت برضه أول سفرة للمغرب والوضع سهالات

شف إذا ما لقيت خوي عادي تسافر لوحدك .. لكن إذا سافرت مع واحد يعرف المغرب راح يختصر لك كثير وتنبسط أكثر

نصيحه من اخو لا تسافر المغرب ماتصلح ابدا كلها استغلال من كل جهة السكن او اللي تتعامل معاهم وقليل قليل جدا تحصل فيها احد ما يحاول ينصب عليك ويستغل حاجتك ودام انك ما عمرك سافرت لها انصحك اصرف النظر عنها

خليك واثق من نفسك وعامل الناس باحترام ومابيجيك شي سواء المغرب ولا غيره

شوف اذا اول مره وتسافر وماتعرف وين تروح ووين تسكن ممكن ماتنبسط لكن خذ لفه على المنتدى وشوف التجارب من اماكن سهر وتمشيه وسكن اذا انت ملزم للسفر لحالك ...
وانا انصحك باقادير مدينه سهله وصغيره وخلك على الفنادق وتعامل مع سائق تشوفه محترم يوديك ويجيبك واضمن لك نجاح الرحله وراح تكررها كثير ....
والمغرب بلد جميل ولاتفوته ابد تمنياتي لك برحله سعيدة.

توكل على الله وسافر بس على طول رح اكادير استلجر سيارة من المطار وانت الي تسوقها واسكن في المارينا ان شاء الله انك تنبسط

روح احسن بلد المغرب لاتشيل هم شي المغرب بلد سياحي ويحبون الزائرين ويرحبون فيك أطيب ترحيب

__________________
ليت لي من عناء البعد راحه
يابهجة الخاطر وكثر الأمنيات

سافر وإنبسط ، لا تشيل هم