خدمة جديدة وممتازة

يوجد خدمة ممتازة حبيت افيد فيها اخواني بالمنتدى لتحويل الاموال وتفيدك من عناء حمل النقود وهي عن طريق بنك الرياض و ويسترن يونيون تمت أضافتها هذا الأسبوع اللي عنده حساب ببنك الرياض يدخل على اون لاين ويروح لأضافة مستفيد بيحصل اضافة مستفيد ويسترن يونيون هنا يحط اسمه الثلاثي حسب الجواز ويختار الدولة المغرب وتتم اضافه المستفيد مباشرة وعند الذهاب الى تحويلات سيظهر حساب ويسترن يونيون واسمك المربوط به مع الدولة اللي اخترتها تسوي تحويل مباشر وبثواني الى ويسترن يونيون برسوم 25 ريال لاوصلت كازا او احتجت دراهم فلوسك بحسابك فقط تحول بالطريقة اعلاه وتتنفذ مباشره وتاخذ دراهمك من ويسترن يونيون بلا شيل دراهم معك وخايف ومتحرص تنسرق المبلغ اللي تحتاجه حوله واستلم مباشر هذي الطريقة وسلامتكم

__________________

/ _ مـانـي بـطـفـلٍ تـمـسـك يـدي وانـسـاق لــك _ \

وش فرقها لو اخلي دراهمي بحسابي السعودي وأسحب متى ما ابي؟
كل الصرافات هناك تقبل البطاقه السعودية

__________________

/ _ مـانـي بـطـفـلٍ تـمـسـك يـدي وانـسـاق لــك _ \

الفرق انك تستلم دولار في يدك بنفس سعر تحويل الريال او تستلم مبلغ نفس سعر تحويلك بالملي يعني نفس الكاش اللي انت جايبه معك اللهم ان كاشك مخليه في بنكك في السعوديه
بمعنى حولت الف دولار ب 3750 ريال وسعر الصرف دولار 9.62 لدرهم راح تستلم 9620 درهم بسعر صرف اليوم لكن البطاقه سعر الصرف اعلى بغير الرسوم 35 ريال عن كل عمليه

تسلمون والله على التنبيه لخدمه تناسب البعض

بس من واقع ردود الاعضاء الكرام بمواضيع مشابهه اشوف ان بطاقه المسافر من البنك السعودي للاستثمار انسبهم باضافه الدرهم المغربي وتدفع فيها مشترياتك وتسحب نقدي برسوم مناسبه.

اخوي سلمان
يعطيك العافية ..
هل في بطاقة السفر بنك الاستثمار (فيزا) يعني تفيدك في إيجار السيارات والشراء من نقاط البيع مثل البطاقات الأئتمانية؟

لا هنت ...

هل هذه الخدمة موجوده عند بنك الراجحي ؟
وكم العمولة

الي اعرفه خدمة الوسترن موجوده عند بنك البلاد وتحول عن طريق النت لكن عندي ملاحضه انا جربتها قبل اسبوع مبلغ ٢٠٠٠ ريال ياخذ عموله ٢٦ ريال ومبلغ ٥٠٠٠ ياخذ ٥٦ علي ماعتقد وسعر الصرف ٢.٤٩ ما اعجبني لكن في كل الحالات احسن من الصرافه اتمني اني افدت الجميع ....

موجودة
العمولة ماتتجاوز 40 ريال على كل عملية تحويل للمغرب
الراجحي ممكن اقل في العشرينات ريال عمولته
لكن سعر الصرف والتحويل يتغير كل يوم لكن يبقى مابين 2.46 الى 2.49

__________________
ليت لي من عناء البعد راحه
يابهجة الخاطر وكثر الأمنيات