الى مزاعيط الفلبين

وعليكم السلام ،،
أفضل منطقه للسكن مكاتي ( بوكينق يختصر عليك البحث عن السكن ) وبخصوص التأمين للسكن الأفضل تدفع كاش وتستلم كاش عند المغادره ،،
يوجد شلالات قريبه من ما نيلا تستحق الزياره لنصف يوم تبعد تقريباً ساعه بالسياره إسمها أعتقد شلالات باقسنجان ،،
جزيرة بوراكاي تستحق الزياره لمدة أربع أيام تبعد عن ما نيلا ساعه طيران شاطئيه وأنشطه بحريه وفيها مول صغير أسمه ( دي مول ) والأفضل تسكن بستيشن 1 أو 2 ،،،
فيه الشارع المعروف بمانيلا أسمه برقص مطاعم وسهرات وغيره ،،
الفلبين تعتبر رخيصه نوعاً ما ع حسب صرفيتك وتختلف من شخص لشخص آخر من ناحية السكن وغيره ،،
بخصوص التذاكر الداخليه موقع ( سيبو باسيفيك ) له تطبيق خاص بالحجوزات تقدر تحجز منه التذاكر الداخليه بشرط وجود بطاقة الفيزا عند الحجز من النت ،،
الأفضل لك تفعل بطاقاتك البنكيه ع حسب البنك اللي تتعامل معه تتصل عليهم وتطلب تفعيلها ،،
يوجد العديد من المولات مثل مول SM ومول شانغريلا وجرين بلت وروبينسونس بلازا ،،