الفزعه يارجال

اخواني يعطيكم الصحة انا متواجد بالمغرب منذ 15 يوم ورحلة الرجوع للوطن بعد 3 ايام الزبده بمدد الاجازه 7 ايام زيادة مع 3 ايام يعني 10 ايام دخلت موقع الخطوط وسويت تأجيل للرحلة وحصلت متاح الوضع طلب مني فرق مبلغ 400 ريال وخصمها من الفيزا بعدها كلمت الخطوط لان ماجاني تاكيد الحجز الجديد قالو ماتمت العمليه وراح تعكس لك المبلغ او يتواصل معك الدعم لتثبيت التعديل شوي جتني رساله بعكس المبلغ المسحوب من الخطوط للبنك يعني رجعو مبلغ التعديل للحساب وافادوني بالسابق بانه لايمكن تعديل الحجز عن طريق الخدمات الالكترونيه شالوضع الحين ماني عارف وكيف اعدل حجزي وهم سكروها بوجهي اعطونا الحل بارك الله فيكم انا حاليا باكادير ومالي نيه ارجع كازا فيه حل افيدوني ولكم كل التقدير والمحبه

اتصل بالرقم اللي جابه مهندس
وترى لهم فرع في كازا عند فندق فرح

__________________
ليت لي من عناء البعد راحه
يابهجة الخاطر وكثر الأمنيات

اتصل بهم
00212522455444‬

لاهنت اخوي كلمتهم مايداومون غير بكره من الاثنين للجمعه بشوف بكره اكلمهم وعسى تهون ونقدر نعدل الحجز بس اذا كلمتهم يقدرون يعدلون الحجز والدفع يكون اونلاين تجي كذا ولا يلزم الحضور الى كازا معى اني مالي بالرجعه الحين اموري تمام باكادير لو ينفع التعديل بدون الحضور على كازا والله بيفكونا من المشوار وقروشته

حلها بسيط
أي شخص فالسعوديه يطلع لمكتبهم او المبيعات فالمطار ويعدلها لك
هذا في اصعب الظروف اذا ماردوا عليك

دوامهم من 8:30 - 16:00
وتراهم عجازين
كلمهم وانشبلهم وقولهم صار لي ظرف ولا أقدر أجيكم كازا، بيعدلوا بالي تبي وبيطلبوا منك رقم الفيزا الكارد وانت معهم على التليفون ويخصم المبلغ مباشرة (واذا ما عرضوه عليك اطلبهم وخلص أمورك)، يا بيرسلوا لك رابط للسداد تسدده وترجع تكلمهم.

انا عدلت حجزي الرحله الاخيره وتمت بكل يسر الكترونيا
التعديل الثاني ما تقدر
اذا عدلت اكثر من مره لازم تتواصل معهم عن طريق الهاتف اللذي وضعه العضو مهندس
او اخد يروح لمكتب الخطوط في السعوديه وتكون علي تواصل معه لان بيجيك رمز علي جوالك المسجل في الحجز السابق

وماعليك خط العوده مافيه زحمه هالايام لا تقلق

يعطيكم الصحة شباب ماقصرتو تم تعديل الحجز بنجاح عن طريق الاتصال برقم 00966920022222 تعطيهم بيانات الفيزا ويخصمون مبلغ التعديل مباشر مع تاكيد الحجز بس لازم تتصل من نفس رقمك السعودي اللي حجزت منه بالبدايه وسلامتكم الان متجه الخيمة وبعدها الى شيك سهره واعره ياليت اقدر ارسلكم صور والله من الفلة ووسعة الصدر الله لايغير علينا واحب اشكر القائمين على المنتدى الغالي واشكر كل من ساعدني واخص بالذكر اخوي شاعر كازا والمهندس ولاقصور بأحد وافيين ومحزم أنشهد

بتوفيق

عفواً يـ الخالدي وأتمنى لك سفرة سعيدة

__________________
ليت لي من عناء البعد راحه
يابهجة الخاطر وكثر الأمنيات