لاحظت شي في المغرب

والله ي سلطان انا رحلتي الاسبوع الجاي ومتوهق ، اول مره اروح للمغرب ولا ادري وين اسكن واشوف ان المنتجعات اسعارها مبالغ فيها مع العلم شخصين بس

الروز غاردن رخيص الأيام هذي ممكن تحجز من عندهم

غامررر وعيش حياتك بس انصحك امن السكن مثلا مراكش خلك ي فندق مع اني ماجربت فندق والا منتجعات عندك قاردن روز بعيد اشوي عن مراكش او الدرقاوي ..نفس المسافه واغاديرر افضل شي السكن فندق اختار واسالهم قبل السكن عن اللي تبيه ...وتوفيق اخوي وسفره سعيده ....

ولا تتوهق ولا شي منتجعات انا اقول لك لا تسكن الشقق موجوده ف كل المغرب بس اعرف وين تسكن ان ف كازا ولا مراكش ولا طنجه و اغادير انصحك انك تستأجر سياره و يكون معكم واحد يعرف الديره و أهلها زين ولو خويك يعرفها خلاص ما تحتاج احد سيارتكم و بتنبسط

ولا تصدق ان البلد مشاكل ومدري ايش ورب البيت انا كملت سنه و ثمان شهور فيها ولا عمري الحمدلله واجهت اي مشكله فله و بسط و سعة صدر بالادب والله ما احد يقرب منك إلا يحطوك بعيونهم وطول الوقت وانا مسافر من مدينه ل مدينه اقل شي كنت اسافر مره بالشهر من كازا اما لمراكش ولا لأي مكان و دايم مبسوط والله

أتمنى منك المساعدة طيب

كرأي شخصي
بلد رايح اقضي فيه أجازتي وادفع فلوس وما ارتحت فيه، بكل بساطة أسحب عليه.

فعلن يدورون الغلطه والزله
لكن اتبع سياسة الاتفاق وعدم دفع الاجره الا بعد الخدمه (لاتدفع مقدم ابد)
ثانيا النظام ليس ضدك لكن الدرك يحاولون ابتزازاك بالنظام ويحسسونك انك جايب مصيبه عشان ياخذ رشوه لكن افرض مثلا صادوك مسرع خير وش بيصير مخالفه ٣٠٠ درهم لكن ما تعطيه ولا درهم بيده الا بعد ما توقع علي ورقه المخالفه بعدها تعطيه
بس لازم تكون صامل وواثق من نفسك ومبرد اعصابك
لو صادوك ومعك طير لايوجد عندهم نظام خلوه غير شرعيه لكنهم مسلمين
فا انت اذا صرت ناشف وصامل ما يلحقك شي ابد ياخذون الطير للولايه استفسار
بالعربي لاتغلط ولاتخلي احد يبتزك
اقصد بلا تغلط يعني مثلا تسوق وانت معطيها بالعصير او ساكن بشقه خاصه او فله خاصه
هينا تحمل ما يجيك وعلى طاري السكن اي سكن مصنف فندقي سواء٥ او ٤ نجوم هي افضل وأأمن لك
واذا مالك بالكلام ذا كله غير الديره واشتر راحتك
بالتوفيق

تشكككر

صدقت السكن الفندقي دايم امن وافضل من ناحيه الخدمات والراحه لكن الكلام عن طريقه واسلوب في تعاطي معك او اي خليجي بشكل خاص لازم يكون فيه سياسه او نظام ينصف السياح والاجانب مثل ماهو في مصر شرطه سياحه ومن هذا القبيل وقولة سياسه اتفق قبل تدفع انا معها بس حتى لو سويتها راح تجد ماتجده من عدم الانصاف وافضل حل انا شفته واتوقعه هو انك تبحث عن سكن يخاف علي سمعته ومكانته ويكون معروف مثل الفنادق المصنفه والمنتجعات الفندقيه حتى لو تدفع زياده لكن تحفظ نفسك عن دخول بوجع الراس تجربتي كانت سيئة جدا في مراكش لكن اغادير بالعكس كانت جميله الا في اخر يومين غيرت السكن لعدم معرفه او درايه فوجدت ماوجدته في مراكش كل الامور اتوقع ع السكن ...فسؤالي هل جميع الفنادق نفس نظام فنادق اغادير او غير مثلا طنجه مراكش كاز والا الفندق لا يحمي النزلا