المشاركة الأصلية كتبت بواسطة راقي المراقيب (المشاركة 982629)

افا ياذا العلم اولا :السفر متعه ومغامره والمغرب بلد جميل وأهله طيبين وابتعد عن السماسرة واللي يعرضون خدماتهم وافرض شخصيتك بكل اخلاق واحترام وكل مدينه لها رونق خاص
ثانيا بتقضي اكثر من شهر فمدينتين كثير بتمل انصحك تقضيها فاكثر من مدينه اغادير تكفيها 5 ايام بفندق ترتاح وحداني وكثير الفنادق المميزه مراكش 5 ايام فمنتجع صحيح مدينة استغلال للي مايعرف مراكش وافضل شي المنتجعات راحه وامان بس استغلال نقاط تفتيش الامن الطيور شغلة شحاده . وما يياسون . ماتصلح الا للي عنده خبره بمراكش .
كازا 5 ايام عشق القدامى ولازالت عروس عندك فنادق شاطئ عين دياب وخلك حريص فكازا . تقدر تتجه من كازا الجديده منتجع مازاكان تقضي يومين جميل وفري بس غالي ويستاهل . وخلي كازا ونواحي كازا اخر الرحله .
اتجه لطنجه عروس الشمال منتجعات وفنادق على البحر واهلها طيبين .واذا مالك فجو السهر وتحب طبيعه والتمشيه كل نواحي طنجه رحلة يوم وترجع لطنجه مثل تطوان اشقار والمضيق وغيرها 10 ايام يادوب تكفيك فطنجه .
اتجه الريف مكناس واسكن بفندق زاكي 5 ايام حسب مايطيب لك زيد فالمدينه اللي تعجبك .
تقدر من مكناس تزور افران وترجع مكناس .
اهم شي يكون معاك موتر اجره من المطار بالشهر توفر لك وانصحك بمكتب يوسف يمدحونه كثير فالمنتدى وانا جربته سفرتي اللي فاتت قمه فالتعامل ولا ازكيهم على الله .
موترك معاك ونزل برنامج waza واختر سكنك فندق او شقق وما انصحك بالشقق وحداني . من بوكينج وغيرها واحجز واذا وصلت الفندق لاتقولهم حاجز عن طريق البوكينج حتى تسال وتستفسر عن كل شي يدور براسك ولاتستحي اي سؤال يخطر فبالك وقارن السعر وفالاخير قوله حاجز عن طريق البوكينج هذا بالنسبه الفنادق اللي ماتطلب بطاقه اءتمانيه . مادام موترك معاك اختار المكان واسال وكاسر فالسعر . ودائما اسال عن سعر الشي قبل تأخذه .مطعم كوفي سكن اي شي .
المغرب امان وراحة بال وشعبه طيب اذا عرفت تعامل معاه حتنبسط .
وفيه تقارير لاعضاء مميزين تستفيد منها
سفره موفقه وممتعه

المشاركة الأصلية كتبت بواسطة شاعر كازا (المشاركة 979599)

ابعدوا عن أماكن تجمع اهل الخليج
وتلقون الأسعار المعقولة والخدمات المرتبه والمعاملة الطيبه

لان هذه الأماكن مبالغ فيها بالأسعار والمقابل خدمات سيئه ومعامله غير مرضيه

المشاركة الأصلية كتبت بواسطة سلطان المدينه (المشاركة 979583)

السلام عليكم
اولا حبيت اقول شي بخاطري عن سفرتي الوحيده للمغرب وهي ملاحظه شخصيه اكثر من انها علي عموم المغرب الملاحظه اللي وجدتها هو ان النظام في المغرب ضدك في كل شي غالبا يعني بصريح العباره يبحثوا لك عن الزله او الغلطه او المشكله ولو هي تافهه مثلا في السياره لو شافوا عليك اي ملاحظه كبرها وضخموها او السكن لو صار لك مشكله لو هي مفتعله تجد صاحب السكن ضدك ومع الضيوف يعني يبغالك تطمن راسك لو انت دافع مبلغ وقدره وكله حجة انه مانبي مشاكل مع الدرك حتى لو كان الموضوع ظلم لك سؤالي اللي حاب اسال فيه كيف تتعامل مع هالاشياء يضمن لك عدم الغلط عليك وافتعال المشاكل معك مع اني اخذت سياسه الاتفاق علي كل شي الا وتجد بعض الاشياء تغفل عنها ياخذو فيهل ويقولك هالشي ماينفع او خلافه وهالشي مو بس في السكن والطير او السياره حتى في السهرات حتى بعضهم يضطر يدفع اكثر لجل يشتري راسه ولاهو نافع في الغالب الا اذا طبيت بناس تقدر مع اني ماقول الكل بس الغالب لجل كذا تجد كثرة السؤال عن السكن والامان وخلافه في المنتدى
#وتقبلوا مروري وتحياتي واتمنى كل احد يعلق ع الموضوع بوجهة نظره ورايه

المشاركة الأصلية كتبت بواسطة Ibra018 (المشاركة 981452)

فعلا هذا شي يحصل في المغرب والحل اولا لابد تكون هادئ وطويل بال. احيانا تمر عليك اول ثلاث أو اربع ايام ما تستقبل أحد في مكان سكنك. هنا تتلخبط اعدادات بعض الناس..ويبدون يصرفون النظر عنك.

النقطه الثانيه الاعتماد على تطبيقات الجوال خاصه في الفترة الصباحية ،، وقتها النوعيه اللي تحب تترصد لك يكون في سابع نومه وطلع غلته من جيب غيرك. منت في حاجه لطيور الليل الاستغلاليات ابدا . الا اذا حبيت تسهر وتشوف جو مختلف..

النقطه الثالثه لا تطلع برا الا والسيستم حقك نظيف من أثر الكحول.. مهما كنت فنان في السواقه تحت تأثير الكحول بيجي يوم تغلط فيه غلطة تكلفك الكثير. لاتغامر. ومن ناحيه ثانيه ماتقدر تتفاوض مع احد ونت في حالة يرثى لها.
............