تقرير بسيط عن رحلتي للمغرب

خالد بن فيصل

مزعوط جديد

المشاركات: 20

تاريخ التسجيل: Apr 2019

2019-04-07, 02:20 AM

المشاركه #1

تقرير بسيط عن رحلتي للمغرب

في البداية كل الشكر لجميع اعضاء هذا المنتدى الرائع اللي كانوا هم المرجع الاساسي للرحلة
تم التجهير للرحلة قبل شهر من بدايتها وكنا 3 اشخاص و قبل الرحلة بأسبوع اعتذر واحد وصفت الرحلة على اثنين
المهم دورنا على السكن والرحلات والسيارة والحمد لله تم التواصل مع اكثر من شخص حتى تم الاتفاق على السكن
والخطوط احترنا مابين المصرية و طيران الخليج واخيراً اتفقنا على طيران الخليج وكانت حلوه جدا الاقلاع من الرياض 10 ليلا
وانتظار في المنامة ساعتين واهم شي الوصول 7.25 صباحاً لمطار كازا :) بس المشكلة العودة الاقلاع من كازا 10 الصبح
وقومة الصبح متعبة :)
المهم مالكم بالطويلة ....
اقلعنا من الرياض انا وابو محمد 10 ليلاً للبحرين ، الجو حلو والنفسية عال العال :) ابو محمد اول مره يروح للمغرب وهو خبير اوروبي :)
وانا ثاني مرة اروح اول مرة منذو مبطي 2005
وصلنا البحرين مسفهلين رايقين مبسوطين مابين اكل وغرفة تدخين وتمشيه وسوالف ، وحنا نتمشى بالمطار شفنا محل تبديل عملات
سألتة بكم الدرهم المغربي بالنسبة للريال قالي الموظف بـ 2.47 قلت تقريباً نفس سعر الصرف هناك ياولد خل نقول بالكاش كله ههههههه
عطيناه الفلوس وعطانا الدراهم والفاتورة والابتسامة لم تفارق خشتنا ، وقبل دخولنا الطيارة وانا اقلب الفاتورة شفت المصيبة الكبيرة سعر الصرف فيه مشكلة قمت اعد الفلوس واجمع واطرح واحول والناتج اني جبت العيد ههههههههه شلوووووون لييييش
وانقز لمحل الصرافة من جديد يالشيخ تراك غلطان في الحسبة قال لا الحسبة صحيحه وانت مافهمت علي قلت اهلا اهلا خلاص هونت رجع فلوسي ههههههه قال اوك رجع الفلوس وخصم قيمة التحويل 70 ريال ، المهم انا ربحت من هالعملية مبلغ كبير كنت بخسرة وهو تقريباً اكثر من 9000 درهم لانه حاسب الريال بـ 2 درهم . وهنا قاموا ينادون عالرحلة وتوجهنا للطيارة وكل واحد خذا مكانه .
اقلعنا الحمدلله الطيارة شبه فاضية واخذنا راحتنا تمدد ونوم ، الخدمة جيدة جدا مافية اي ملاحظات ،
تعشينا وتقهوينا ونمنا وماصحينا الا على صوت (استعداداً للهبوط الرجاء العودة الى اماكنكم وربط الاحزمة)
فزينا مبسوطين وتشوف كل اللي حواليك مبسوطين كل واحد كشرته واصله اذنية :)
وقبل ما نهبط عبينا الاوراق الصغيرة حقت الجوازات طبعاً سجلوها بالعربي والانجليزي عشان موظف الجوازات لايستهبل عليكم
نزلنا للمطار الساعة 7.35 صباحاً و مشينا الين الجوازات ومسكنا سره مع خلق الله ، جاني الدور سلمت على الموظف وعطيته الجواز والورقة مع ابتسامه تاخذ العقل :) قلب الورة خمسطعش مره مالقى فيها اي مشكلة هههههههههه ضحكلي وقالي قرب قربتله قال مافيه شي لأخوك قلت له ابشر من عيوني انت تدلل فتحت البوك ودفيته بـ50 ريال قلت هذي عني وعن صديقي ابو محمد ،( انا ضد اي ابتزاز وماعمري دفعت لآي موظف وما انصح اي احد بالدفع ابداً) ما ادري وش جاني شكله عصير الطيارة مضروب ههههههه
ماعلينا خلصنا من الجوازات واخذنا الشنط وفتشوها عادي بدون اي تعقيد ، توجهنا لشركة اينوي للأتصالات اخذنا شرايح النت وبعدها لبنك مدري وش اسمه حولنا الفوس وفتحولنا حساب وبطاقة فيها بعض المبالغ .
بعدها عدينا جنب مكاتب تأجير السيارات قلنا خل ندخن برا ونرجع لهم ، طلعنا برا وجاني واحد يعرض خدماته في تأجير السيارة
عاد انا من كثر ما بلطت في هالمنتدى عرفت كل الاسعار ، المهم عطاني العروض قلت له ابي اكسنت ديزل اتوماتيك موديل 2019 قال موجودة وبسعر كذا قلت له لا ابيها بهالسعر قال اوك والله العظيم هالسعر ماحصلته هنا اخذنا الاكسنت مافيها ديزل واللمبه مولعه ...
وفيه محطة جنب المطار بس للأسف كانت تحت الصيانه :( وش هالمصيبه الحين دورلك على محطة ، ماعلينا مانبي شي يكدر الخاطر
دزينا والوجهة مراكش الحمراء ، (طبعاً الفلاش كلة طرب وطقطة مع اغاني مغربية ودوووس)
ومع اول دوووووسه شكلنا عيدنا بدري ههههههههههه اول نقطة تفتيش على جنب يا حلو اوراق السيارة والرخصة عطيتهم وقال انزل
عندك مخالفتين تجاوز على اليمين وسرعة قلت له مالك لوا غلطان يالحبيب عصب علي وقال انا كذاب ههههههههههه قلت له لا يا قلبي
بس اثبت لي اني مخالف وبشر باللي تبي راح وجاب جهاز الرادار وطلع السيارة واللوحة والسرعة 73 قلت له ماقلت لك غلطان هذا رنج وانا اكسنت هههههههه قال لالا تعال شوف هذي الاكسنت سرعة 75 والمفروض 60 قلت اوك اعترف والتجاوز وينها قال لا مافيه تجاوز
قلت له المطلوب قال رح للموظف بالسيارة تفاهم معاه رحتلة وطلع دفتر المخالفات 300 درهم المخالفة قال دفني بـ 200 وتوكل
قلت خذ الله ياخذك ومشيت مبرطم ههههههههه مسكنا الخط ولاتنسون الديزل مولعة اللمبه هههههههههه ومانعرف اي محطه بالخط
المهم وصلنا لمحطة الاداء تدفع 6 دراهم وتدوس الين تجيك محطة او توقف عليك السيارة ههههههههههه
وعلى فكرة رايحين مراكش ولا نعرف مكان الفله لان الرجال قال بيرسل اللوكيش الصبح وما ارسل شي ولا يرد عالاتصالات

بكرا بأذن الله نكمل الجزء الثاني والاخير

شاعر كازا

مزعوط خبير

المشاركات: 3,266

تاريخ التسجيل: May 2017

الدولة: saudia arabia

2019-04-07, 03:06 AM

المشاركه #2

ياأصحاب مكاتب تاجير السيارات رجاء لا تعطوننا السيارات عداد الوقود صفر والله لاعطيكم ثمن الوقود مائتين درهم لكن لا توهقني لأني اول محطه بالمطار دايما اتعداها مااشوفها والله معاناه و ارجع للمطار ماشي 20 عشان اشوف محطة الوقود أو اروح جهة كازا ادور محطة للوقود

محطة الوقود بالمطار ماهي واضحة لازم تدقق النظر وتركز عليها

بعد اليوم مااحجز سيارة الا اشترط تعبئتها بمائتين درهم من محطه المطار وتسليمها لي بالمطار

__________________
ليت لي من عناء البعد راحه
يابهجة الخاطر وكثر الأمنيات

Mzaji

تقرير بسيط عن رحلتي للمغرب

المشاركات: 406

تاريخ التسجيل: Feb 2017

الدولة: السعودية - الخبر

2019-04-07, 03:26 AM

المشاركه #3

سرد ممتع، شكلنا موعودين بتقرير مميز
متابع لابداعك يبو فيصل..

اجي خويا

مزعوط مميز

المشاركات: 260

تاريخ التسجيل: Jul 2018

الدولة: الرياض - مراكش

العمر: 36

2019-04-07, 09:37 AM

المشاركه #4

واضح الاكشن من البداية
اسسسستمر..

حسانين

مزعوط قدير

المشاركات: 172

تاريخ التسجيل: Dec 2011

2019-04-07, 01:24 PM

المشاركه #5

سجلني متااااابع

مركازي

مزعوط برونزي

المشاركات: 630

تاريخ التسجيل: Dec 2018

2019-04-07, 01:46 PM

المشاركه #6

متابعين واصل واضح من البداية ان التقرير فيه مفاجآت

nonfun

مزعوط برونزي

المشاركات: 689

تاريخ التسجيل: Aug 2017

2019-04-07, 01:54 PM

المشاركه #7

يمكنك الاشتراط قبل الايجار
اذا طلبت السيارة خله يعبيها ب ١٠٠ درهم حتي توصلك لاقرب محطة
كيف طيران الخليج لو سمحت ؟

راقي المراقيب

موقوف

المشاركات: 172

تاريخ التسجيل: Jan 2019

2019-04-07, 02:37 PM

المشاركه #8

اقتباس:

المشاركة الأصلية كتبت بواسطة nonfun

خالد بن فيصل

مزعوط جديد

المشاركات: 20

تاريخ التسجيل: Apr 2019

2019-04-07, 07:40 PM

المشاركه #9

شكرا للمشرفين والاعضاء والزوار ...
(بالنسبة لطيران الخليج ممتاز ماشفت أي ملاحظة خلال هالرحلة ) جواب للأخ السائل .
بالنسبة لبترول السيارة انا مع تفاعل الاخوة وهو يجب ان لا تأخذ السيارة وما فيها بترول .

ونرجع للتقرير ، بحاول اختصر عشان مايكون فيه جزء ثالث
خلصنا من محطة الاداء ودفعنا 6 دراهم ضريبة الطريق وهناك سألنا اللي بالشباك عن اقرب محطة بترول وقالت مافيه الا في برشيد وهي على طريقكم لمراكش ، قلنا برشيد برشد ودوووس ياولد بس انتبهوا السرعة 120 وحنا من روعة الدوسة الاولى ماشين 100 طربانين ومبسوطين والمسطحات الخضراء على يمينك ويسارك وآثار عصير الطيارة لايزال في الدماغ وبعد فترة من ممشانا اخيرااااااااا لقيناهااااااااااا المحطة المحطة المحطة وقف وقف من الفرحة بغينا نشرب ديزل وقفنا و فللنا ونزلنا غسلنا وروقنا وفيه ماركت افطرنا فيه ، يا اخوان والله ان الفطور له طعم غير تاكل وانت في منتهى السعادة تشوف اللي حواليك يفتحون النفس وتديها اكل زيادة هههههههههههههه
خلصنا من مشكلة الديزل عبينا وافطرنا وكالعادة ادعسسسسس بس هاه بشويش
مسكنا خطنا وسوالف وضحك والسكن مابعد رد علينا (وانا حاط خطة بديلة للسكن عندي كم منتجع وفله مخليهم احتياط)
وقبل اوصل مراكش دق علي راعي السكن وارسل اللوكيشن وهو طريق ورزازات قريب من المدرسة الامريكية ، ومشينا على الخريطة وضيعنا شوي بس عادي مبسوطين ، وصلنا الحمدلله للمجمع ودخلنا وحطينا اغراضنا وريحنا تقريباً ساعتين ، كانت العاملةوالطباخة محترمات جداً وهذا عطانا مؤشر ان المكان حلو ، المهم طلعنا العصرية لمطعم قريب اسمه فضاء الزيتون على ما اذكر ( انصح بزيارته عنده طواجن ومشاوي ولحم مبخر شغل مرتب ولذيذ)
خلصنا وطلعنا لمركز التسوق ( اتقداو ) اخذنا حاجات بسيطة حقت ليلتين (قلت يمكن مايعجبني الجو في الفله ف اقدر اغير براحتي)
رجعنا الفله وعيا يجي الليل هههههههههههههههههه يأذن المغرب عندهم الساعة 8 ، قعدنا بالصالة سوالف وضحك وصهلله ههههههه رتبنا اغراضنا وقعدنا نحط الخطط الاستراتيجة للرحلة (الرحلة مدتها اسبوع)
المهم اظلمت الدنيا وكلمنا الشغالة نبي مساج واسترخاء ومانبي نطلع وعلى الساعة 9 وصل فريق المساج وادى المهمة وطس هههههههههههه مو مساج هذا دبج في دبج ومن قوة الدبج ما نمنا ذاك الليل وسهرنا في الفله الين جعنا هههههههههههههههههه وطلعنا نفس المطعم تعشينا ورجعنا على الساعة 1 حاولنا نرقد ماقدرنا نزلنا وكملنا سوالف تحت
وعلى الفجرية خلاص بدينا في النوم العميق الا وصوت الموسيقى تحسه حلم او احد قاعد داخل مخك يعزف
صوت مرتفع جدا موسيقى صخب ازعاااااج فضيع ، فزينا عالصوت طلعوا الجيران توها تبدا سهرتهم هههههههههههههه
المهم مدري شلون نمنا بس اخر شي اتذكره كانت الساعة 7 الصبح .
صحينا الظهرية والغدا كان طاجين مغربي على كيف كيفكم ، وبعد الظهر طلعنا ساحة جامع الفناء ، تمشينا فيها وشفنا العروض وشربنا العصير الطازج ، بعدها رجعنا فلتنا عالمغربية ، ريحنا شويات وبعدها بدينا بالخطط الاستراتيجة
طبعاً انا وابو محمد مالنا في النوادي الليلية ، سهرتنا في محلنا ، رتبنا امورنا وبدينا اول سهرة (طرق الصيد كثيرة وكل شخص وطريقته ) طبعاً عدة السهرة متوفرة في اغلب الفلل سماعات اضاءة وحركات والباقي عليك
اول 4 ايام كان نفس النظام وبعدها طلعنا تمشيات سريعة ، البولينق ستاربكس وغيرها ، ومرة من المرات طلعنا بالليل نبي نسحب فلوس اجار السكن ويمسكنا الدرك وقام يستهبل ويقرب خشته يبي يشم أي ريحة عصير ، واطير عيوني عليه
وانقلب وجهه وقال سيرخويا سير عالم ماتمشي الا يالعين الحمرا ، وقبل العودة بيومين يكلمنا واحد من الشباب يقول انا جاي لاترجعون ههههههههههههه قلنا حياك ، قمنا بدلنا الحجوزات ورتبنا وضع السكن و كلمت اجار السيارة قلت له جهز عقد جديد ، وطلعنا كازا نستقبل خوينا الثالث ، وفي تفتيش المطار وقفونا وكان ابو محمد يسوق وطلبوا الرخصة طلع ناسيها ومتهمينا بمحاولة دهس العسكري ههههههههههههههههههههههههه ههههههههههههههههههههههههه
المهم نزلت عليهم اتفاهم معهم ، قال العسكري القيادة بدون رخصة مخالفة ومحكمة ، عاد انان اضحك واستهبل عليه قلت له اسمع ترا مالك عندي الا 200 درهم تبيهم والا ماتبيهم بحطهم في سيارتك واحطها وانا اضحك وامشي واخليه
وفي الطريق وقفونا درك قاموا يفتشون الين تعبو واخرتها قال اللي ورا ليش مو رابط الحزام قلت له كم قيمة المخالفة قال 300 بس عطني المقسوم وروح عاد انا هنا بديت استهبل عليه قلت له طلع الدفتر وسجل المخالفة وماراح اعطيك شي هههههههه وفعلا دفعت 300 وسجل المخالفة ومشيت .
ورجعنا مراكش واحتفلنا في خوينا احتفال كبير هههههههههههههههه
وكانت سهرة للساعة 7 الصبح
واستمر هالحال باقي الايام طلعات بسيطة وسهر في الفله ، وقبل العودة بليلة رجعنا لكازا العصر وسكنا في شقة حلوة قريبة من البحر نمنا ومن الفجر عالمطار .
السكن كان في منتجع الواحة عند الاخ ابو سلمان والاخت ام سلمان ، أمن وامان وخدمة محترمه .
كل الشكر للأخوات عزيزة وهبه العاملين في الفله ، والشكر للأخ عصام في البوابه شاب خدوم ومحترم جداً
التعامل مع الناس كان ممتاز جداً مافيه أي منغصات احترم تحترم ، الدرك مالك ومالهم اذا انت مخالف دبر نفسك معهم واذا ماخالفت ماحد يقدر يتعدى عليك .
آخر مثال / وانا طالع من مطار كازا في الجوازات الورقة الصغيرة كتبتها بالعربي فقط ولما عطيتها الموظف قال وين الانجليزي قلت له انا عربي وانت عربي ليش تدخل الانجليز بينا قام يضحك ويستهبل ، والله العظيم خليته يكتبها بالانجليزي وماعطيته درهم واحد .

ختاماً شكراً للجميع وعذراً عالتقصير ، وأي استفسار او خدمة اقدر اقدمها ابشروا

Mzaji

تقرير بسيط عن رحلتي للمغرب

المشاركات: 406

تاريخ التسجيل: Feb 2017

الدولة: السعودية - الخبر

2019-04-07, 08:04 PM

المشاركه #10

رحلة مارثونية ومن الواضح ان نشوة وناسة الطلعة لازالت عالقة في ذهنك

.

الله يعطيك الصحه يبو فيصل اكرمتنا باسلوبك اللطيف وتقريرك الجميل

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه للموضوع: تقرير بسيط عن رحلتي للمغرب
الموضوع	آخر مشاركة
تقرير رحلتي للمغرب ( 10 – 15 فبراير 2013م )	2023-06-06 02:03 AM
تقرير رحلتي للمغرب شهر مارس لمدة 12 يوم	2021-02-01 03:05 PM
تقرير بسيط ومختصر	2021-01-29 10:24 PM
تقرير رحلتي للمغرب لاول مره :)	2020-08-16 01:54 AM
تقرير مفصل عن رحلتي للمغرب رفق ابوحيدر مثيرررررررر	2014-10-13 04:25 AM

عروض وحجز الفلل و الشقق

السيارات شركات تأجير السيارات

تقارير سياحية

الاستفسارات سؤال و جواب

تقرير بسيط عن رحلتي للمغرب

روابط سريعه

الذين يشاهدون محتوى الموضوع الآن : 1 ( الأعضاء 0 والزوار 1)