موقف بخليج اكادير رأيكم مطلوب

السلام عليكم
انا الان في فندق خليج اغادير
قبل شوي كنت بالبلكونه قاعد
شفت موظف دخل الغرفة الساعة ١٢ بليل
شافني ارتبك
وقال جاي ابرمج القنوات
كلمت الاستقبال ودرت شكاية لانه مبين انه يبي يسرق

مدير الفندق راح يفصله وجاني يبكي

ما الحل هل اكمل الشكوى او الغيها حتا لا اقطع رزقة

رأيكم يهمني

صار معي نفس موقفك بالضبط جاني موظف برضو بخليج اكادير بالسويتات الساعة 4 الفجر اول مادخل قلت له كيف دخلت وشعندك قال جاي انظف وهو من العمال حقين النظافه هزئته وقلت له وش التنظيف اللي 4 الفجر وانا حاط على الباب لوحة عدم الازعاج جلس يتعذر علمت الاداره ومدري شسو معه وبرضو حصل لي موقف ثاني وقت الفطور الصباح لي فوق 18 يوم بالفندق ماعمري اخطئت برقم السفتي بوكس حتى بأسوء حالاتي بعد ما افطرت رجعت السويت اشوف واحد طالع من الفيلا مو من حقين النظافه من الامن اعتقد استغربت دخلت السويت علطول حطيت الباسورد عطاني محاوله بعد 4 دقايق ومعناها ان في واحد قبل 6 دقايق حاول يفتح ما قدر فأغلق الدخول لمده عشر دقايق وقتها كنت داخل شكيت عند الاداره وقلت الوضع كامل ماحسيت برده فعل قويه ومافتح رقمي الا بعد ماجبو فني من برا الفندق صفر الارقام وفتحت تعذرولي يبون يبلفون مخي اني مخطي بالرقم انتبهو ياناس خلك صاحي براسك مزيان

اللهم لاحول ولا قوة هذي المغرب ولا كوبا

هذي مشكلتنا اننا طيبين يعني ما وقفوا لازم اجل اخليهم يفصلونه

كمل الشكوى وخله يتربى
بطلو طيبة وبطلو قولة قطع رزق

هذا يستاهل الفصل
واصلا مادمرنا الا طيبتنا
لين صرنا صيد سهل لكل واحد طماع

يشوفنا قال جيت والله جيتك
ويدري اننا طيبين
ويبدأ يفكر كيف يستغلنا

بس لو اوروبي تلاقي الاحترام له والتقدير
لانه مو بس يفصل الحرامي
الا راح يفصل وزير السياحة براسه

للأسف
كل اللي عندهم خبرة بالمغرب
يقولون
أي مكان يتردد عليه الخليجيين يكون مستهدف بكل انواع واشكال والوان النصب والاحتيال والسرقة وفوقها كلها سوء المعاملة

كمل الشكوى

وتتوقع وش خلاهم يقولون كذا
الا سذاجتنا وطيبتنا
ونغمة الامن والامان اللي ذابحينا فيها
ومغلين علينا الاسعار عشانها

بينما الفرنسي والاسباني يصول ويجول
ومعه وحوله كل شي ممنوع
ومااحد يتجرأ يقول له شيء

ياعالم انت جاي بلد سياحي
البلد فاتح مصراعية للسياحه ومهيء نفسه للسياحة
يعني انت اللي معك الحق بكل شي

انت جاي سياحة زيك زي الاوروبي
ليش الخوف والتخوف والسذاجة

ادخل في عين اعتل شنب
اهم شي اعرف النظام وخليك نظامي
وماعليك من احد

وفوق كذا الإسباني والفرنسي ما يدفع درهم إلا بحقه وزي ما قلت فالينها ع الاخر

الحمدلله جات سليمة المره ذي
ب اختصار اخوي

اذا كملت الشكوى سوف يتعلم الدرس هو وكل العاملين في الفندق
واذا سحبتها فهو كان متوقع هذا الشيء فمن امن العقوبة ساء الادب"