تجربتي من اول يوم 26/6/2019

أبوتركي · 2019-06-26T21:48:44+00:00

بسم الله اشكر كل من رد علينا في الاستفسارات وذكر تجربتي هو رد جميل لكل من رد علينا وللمنتدى راح اختصر واذكر الاشياء المهمه الترتيبات قبل السفر لم تكن الوجهه مراكش ابداً مدة السفر 15 يوم الى 20 يوم اول 6 ايام قررت تكون بمراكش وبعدها نشوف غيرها كسرت بعض التحذيرات مثل لا تقبل طلبات السفر مع خوي طبعا كل كلامكم صح وفيها مخاطره كلمني كثير بالخاص ولاكنت مقتنع ولكن فيه شخص ارتحت له وحسيته يعني عاقل ومكان عمله يوحي لذلك وتم التواصل معه وقال انا بنفس رحلتك وبس 6 ايام بجلس وزرت المغرب اكثر من مره واعرف مراكش زين رغم انو ماكانت وجهتي مراكش ولكنه غير رايي بالكلام الطيب وقال الروز منتجع حلو وانصحك نسكن فيه بحكم تجربتي اتفقت مع الرجال ونسقنا المصاريف والقطه والخ... تقابلنا الرجل في قمة الاخلاق ومثل ماتوقعت طيب وفيه الخير وفاهم وخويك اللي تبيه 1: حجزت سيارة من (كراء للسيارات) معلن بالمنتدى ب 290 درهم وكانت السياره رونو جديده 2: تم حجز فله غرفتين من الاخ محمود معلن بالمنتدى (بالروز قاردن) وتحويل عربون له 3: تم تحويل الفلوس من السعودية الريال = 2.53 درهم من جده من صرافة بافيل 4: طرنا من جده لكازا الساعه 3 الوصول 8 لكازا ابتسم لنا الحظ من اول ما وصلنا وللاسف ان السلبيات هنا والتحذيرات مبالغ فيها بشكل كبير ولا تعتمدون على تجربتي لاني اول مره اسافر للمغرب عند الوصول كلمني الاخ مروان من (كراء للتأجير السيارات) رجل في قمة التواضع والادب وقال سيارتك فيها مشكلة وجبنا لك سيارة جيب شروكي 2019 ديزل بدلها وبنفس السعر وهذا التعامل والطريقه اشوف انها راقيه كثير ويدل على مصداقيه ورقي من الشركة تم استلام السيارة وبعد مامشينا حصل سوء فهم منهم لاني حاجز 6 ايام وحاسبت حق 6 ايام ولكنهم سجلوا الحجز ب 5 ايام ولازم ارجع السياره بعد 5 ايام ولا يمكن التمديد لانها محجوزه لزبون اخر والغلط مني ما دققت مع الرجال الا بعد ما مشى الرجال ومشيت اتصلت بمروان وتم التفاهم والتوضيح وقلت ما اقدر ارجع كازا وارجع مراكش بنفس اليوم تعب وكذا والغلط منكم قال الحل عندي رح مراكش وانا بجيك بالنترا اصفار اول راكب بعد يوم او يومين واخذ السياره اللي معك وخل هذي معك ورجعها متى ماتبي قلت تم مسكنا الطريق جميل جدا رغم اني مرهق ولكن والله مابي اوقف لاني من عشاق القيادة وعطها موزيكا والنفسيه طيبه ومبسوطين وقفنا وعبينا ديزل ب 450 درهم فل وافطرنا هذاك الفطور الطيب تنشطنا ومسكنا الطريق لمراكش. وصلنا تقريبا الساعه 12 كلمت محمود قال اعطني الموظف وكان اسمه خالد في قمة الادب هو ومحمود والتواضع اخذ البيانات وابتسم الحظ لنا مره اخرى [emoji16] قال الله اللي اعطاكم من انا هذي فله 3 غرف ارضيه شبه خاصه وبنفس سعر الغرفتين واثاث جديد ونظيفه شفناها وممتازه جدا منتجع الروز عباره عن فلل ومنتجع جميل الطريق له شوي مكسر ولكنه عادي جدا اعجبني المنتجع واخلاق العاملين فيه بعكس ماسمعنا عنه تم دفع الحساب كامل واستلمنا المفاتيح العاملين اخلاق رقي تعاون والفلل نظيفه طبعا هذا اول يوم مدري عن الايام الباقيه طلعنا بعدها كارفور اخذنا مقاضينا اكل وشرب وكل لازم رجعت هلكان اكلنا خفايف طلبت مساج ابي اسويه بالفله وانام مابي اطلع وشغله جات وحده اسمها اسماء محترفه مساج الساعه غاليه بس انا ابي اسويه وانام ومابي اطلع وارجع وشغله المهم قالت ب 600 وبعد المكاسره قالت 450 ولكن طلبت مساج قوي جدا وكان من الاخر وشغل متعوب عليه احترااااف ومحترمه كثير كثيز كثير نمت وصحى خويي صاح في صاح يبي نطلع نتمشى ونحجز بكاش قلت ياصاحبي رح انت بنام تعبان وخلص امورك وارجع الساعه 8 هالكلام طلع طفى الكهرباء للاسف والان الساعه 10 ونص مارجع الكهرباء للحين كلمتهم قالوا مشكله على المنتجع كامل وجاري حلها وللحين مارجع وزعلني هالشي قلت بما اني فاضي اعطيكم تجربتي في هالظلام الدامس والهدوء ورغم ذلك مازالت النفسيه حلوه. وللحديث بقيه

Ibra018

مزعوط فضي

المشاركات: 756

تاريخ التسجيل: Mar 2019

2019-07-05, 05:25 AM

المشاركه #1

اقتباس:

المشاركة الأصلية كتبت بواسطة أبوتركي

ههههههه يامرحبا هو غرنوق واحد هبل بي وانتهينا من هالسالفه المطاعم الهنديه مانتصاحب انا وياها في الصين ولا في المغرب

ممكن امر سوق الاحد قالوا لي عنه بس مهوب ذاك الزود يعني يقولونه

حلو المقهى سمعت عنه بزوره

اليوم تغدينا في مطعم اسمه شواية النهضه حلو واكلهم لذيذ جداً وتمشينا في اكادير اعجبتني شوارعها كثير بعدين رجعنا للمارينا نمشي وجلسنا في مقهى للاسف تعرضت لموقف مو زين مو علي ناس بسيارة وقال ( تفوو ياحولي) وانا ضعيف الله جالس لحالي وفي مكاني ماكاني شفته حقرته وعطيته ابتسامه عريضه طويله مع انه ودي اغطسه في البحر شوي

ولكن بسيطه مشت الامور

يحليلهم يمرون بالسيارة من بعيد يسبون تفووووو ياحولي؟ هههههه جرحت مشاعري يا شرير.
ماعندنا مشكله في اللقب ذا ، دام نحصل مقابل وغيرنا محروم هههههه

واصل يبوتركي مستمتعين معك ومع حاتم

شاعر كازا

مزعوط خبير

المشاركات: 3,264

تاريخ التسجيل: May 2017

الدولة: saudia arabia

2019-07-05, 05:45 AM

المشاركه #2

اقتباس:

المشاركة الأصلية كتبت بواسطة Ibra018

وانا أتسوق بسوق الاحد يوم الثلاثاء مريت بمحل وصاحبه يدعيني له ومعي العشيقه سمعته يقولي بعد ماتعديته حولي واللي معه بالمحل المقابل يقول حولي بقرونه بس بلطافة بغيت ارجع لهم اقلبها حفله بس سويت اطرش

__________________
ليت لي من عناء البعد راحه
يابهجة الخاطر وكثر الأمنيات

Ibra018

مزعوط فضي

المشاركات: 756

تاريخ التسجيل: Mar 2019

2019-07-05, 05:56 AM

المشاركه #3

اقتباس:

المشاركة الأصلية كتبت بواسطة شاعر كازا

ان شاء الله حولي معلق جرس ههههه عادي اهم شي هالحولي يحصل شي مايحصله لاهو ولا اللي في السوق كلهم ههههه . كل مازاد السب اعرف ان المراره مفقوعه اكثر ...

مهندس

تجربتي من اول يوم 26/6/2019

المشاركات: 798

تاريخ التسجيل: Aug 2014

2019-07-04, 09:17 PM

المشاركه #4

هلا وغلا
بخصوص مطاعم السمك، هذا موضوع بدأته، ولعلي اكمله هذا الويك اند:
https://www.mza3et.com/morocco40886.html (الحلقة الأولى:مطاعم السمك في أغادير 2019)

بخصوص طلبك مطعم مثل ملاك مراكش. مع الأسف الشديد لا يوجد في أغادير كلها ربع ملاك.
فيه مطعم مغربي يقولوا من عزه كان في 1987 اسمه قولدن قيت (golden gate) الطلب من من المنيو عادي وليس سيت منيو مثل ملاك، أكله لذيذ جداً جداً جداً وخاصة اللوبستر بالجبن، وعلى الساعة 10 يبدأ طرب اندلسي مطرب ومطربة، بس ارجع واقولك مو مثل ملاك، المكان متواضع وقديم ولكن اكله لذيذ وجوه لطيف.

وبالتوفيق يا عسل

مهندس

تجربتي من اول يوم 26/6/2019

المشاركات: 798

تاريخ التسجيل: Aug 2014

2019-07-04, 09:20 PM

المشاركه #5

طبعاً الترند الان في أغادير مكان الشيشة في فندق "مبروك" على المسبح، زيطة وزنبليطة
تسيير عليه كذا من 6 إلى 9 المساء

مهندس

تجربتي من اول يوم 26/6/2019

المشاركات: 798

تاريخ التسجيل: Aug 2014

2019-07-04, 09:28 PM

المشاركه #6

المطاعم الكلاس، الي المنيو حقهم كله حلو بدون مبالغة بما فيها البحري، وطبعاً غالية:
1- مطعم pure passion ، مكانه تحتك في المارينا، عنده سمك سي باس مشوي يحبه قلبك، وتاخذ معه عصير عنب ابيض معتق مغربي ويا سلام سلم.
2- مطعم la scala، مكانه امام فندق مبروك.

نصيحة أخيرة اتوقع المطعم ابو موسيقى وشيشة الي مزعجك تحت سكنك اسمه لوكي “LOQI” ، النصيحة لو قالك المطعم تعال كل واشرب عندي وبعطيك فلوس، لا تاكل ولا تشرب عنده حتى لو موية.

رند 2

موقوف

المشاركات: 9

تاريخ التسجيل: Jul 2019

2019-07-04, 09:33 PM

المشاركه #7

مرحبا

DarkMoon

مزعوط مميز

المشاركات: 458

تاريخ التسجيل: Feb 2018

2019-07-04, 10:55 PM

المشاركه #8

زبطك مهندس فعلا كلامه سليم فندق مبروك جلسته كانت رايقه في الشتاء اللي راح لكن اتوقع الحين زخمه وخمبقه وانا هالاجواء ماتجوزلي

أبوتركي

مزعوط مميز

المشاركات: 256

تاريخ التسجيل: May 2019

الدولة: الرياض ❤️

العمر: 36

2019-07-04, 11:26 PM

المشاركه #9

يابعد قلبي انتوا اشكركم واشكر مهندس من اعماق قلبي

اعتقد بمدد يومين باكادير ناوي اروح طنجه تنصحوني او لا؟ ولا اكمل سفرتي باكادير معي 10 ايام من اليوم حسب ميزانيتي

كان زمان

مزعوط قدير

المشاركات: 186

تاريخ التسجيل: Sep 2018

2019-07-05, 12:07 AM

المشاركه #10

ابو تركي ولايهمك مايشتمك الا الناقص و اتمنى لك اقامه سعيدة.

ودي تعطينا انطباعك عن شقق المارينا هل هي بالمستوى المطلوب ؟

المواضيع المتشابهه للموضوع: تجربتي من اول يوم 26/6/2019
الموضوع	آخر مشاركة
تجربتي في المغرب مرتين 2019 2023	2023-11-24 03:15 AM
مختصر تجربتي في المغرب ٣٥ يوم 2019	2019-12-28 11:08 PM
تجربتي في الروز قاردن ديسمبر 2019	2019-12-18 10:55 AM
حال مراكش 2019	2019-08-28 05:00 AM
أغادير إني من هواكِ لشاكي لا بغيت تطير شد الرحال واسكن أغادير .. مع تجربتي صيف 2019	2019-07-29 12:39 PM

عروض وحجز الفلل و الشقق

السيارات شركات تأجير السيارات

تقارير سياحية

الاستفسارات سؤال و جواب

تجربتي من اول يوم 26/6/2019

روابط سريعه

الذين يشاهدون محتوى الموضوع الآن : 1 ( الأعضاء 0 والزوار 1)