تجربتي من اول يوم 26/6/2019

المشاركة الأصلية كتبت بواسطة أبوتركي

يومنا الثالث
صحينا متأخرين تقريبا 10 مساء ادينا فروضنا ورتبنا امورنا وكلينا فواكه و لا حجزنا ولاشي ولا قررنا وين نسهر
ركبت السياره وخويي الدليل وعلى جليز

مكان حلو والناس حلوين فيه ومحترمين وكلن بحاله فيه ناس تطلبك فلوس بس ياخي والله ابتسامه ودعوه طيبه وصد افضل من انك تتجاهله ما حسيت انه شي ضايقني تمشينا في هالمكان الحلو واليوم اجازه عندهم والناس طالعه واجواء حلوه والجو يرد الروح هوى نسناس وتتمشى المهم لا يفوتكم ياللي اول مره ترحون مراكش
تعشينا بماك
رحنا ستاربكس خذينا القهوه وجلسنا وبس اطلق نظرك في العالم شعب طيب بالحيل بالحيل وللاسف كثير بالمنتدى عندهم سلبيات عن المغرب غريبه يانه مهوب طيب ولا مهوب طيب صدق يعني وحده من الثنتين يعني باختصار البلا فيك حبيبي راجع نفسك

جاو اخويانا اللي امس معنا في ستاربكس وسوالف وضحك وبما ان خويي جوه سهر بحكم انو بس عنده 6 ايام وصرنا 4 قررت انزل من دفعه السهرانين اليوم وقلت ثلاثه وضعكم اوك ، قالوا ودنا تكون معنا تشطح وتفل، من يوم عرفت شي اسمه ديسكو ما اعرف اجلس لان يجب عليك ان تعيش جو الديسكو ولا تفكر باحد اما تجلس مبرطم وتسرح ياخي اجلس في سكنك ههههههه رفعوا في وما مشى الحال طفشنا من ذا الفكره هههههه قلت قسمه الطاوله ماشيه معك ياخويي واعذرني معك 2 بدالي وسمح لي بعدها
رحت انا وخويي ولا لقينا الا طاوله وحده فوق في الدبليو تأخرنا في الحجز
رغم ان محمود اتصل اكثر من مره بس كنت نايم كان بيضبطنا بطاوله بموقع زين بسعر زين



المهم، هذا اليوم الثالث اكثر شي اعجبني في المغرب الى اليوم جوها واحنا بعز الصيف راحه عجيبه وثاني شي شعبها الطيب، انت محترم تفرض احترامك على الكل ويحطونك فوق روسهم

من اول يوم جيت مرت قدامي مواقف مابي احكيها عشان ما اكون سلبي ولكن ياشباب ياللي تقرون كلامي

ماعندك كنترول؟ ما تقدر تتحكم بنفسك وتكون محترم وراقي ياخي لا تسافر وتهين نفسك وتهين سمعه بلدك
اضبطوا اعماركم كل شي له حدود، لا تعتقد اسمك فلوسك تنجيك اذا منت محترم ومتطاول وماعندك كنترول نهايتها يفركون خشمك فعشان كذا اركد حبيبي

اعذروني على بعض الكلام ولكن لعله يصحي عقول وقلوب نايمه

المشاركة الأصلية كتبت بواسطة أبوتركي

الله يسلمك هههههههه


والله مهوب جويي هو لابد يوم يومين تسهر تطلع مواهبك
الشله يبون ينبسطون وانا مبسوط الحمدلله الامور تمام وان شاء الله يومين وبعدين على اقادير وتغازوت مع ذيب جاء اليوم.

والله ماكملت البرقر الحمدلله على النعمه
ولابد زياره للاماكن اللي قلتها، وفيه اماكن في بالي بروح لها
راحوا الشباب الدبليو واموري في الفله تمام صديق لي حلف يجيب الاغراض على حسابه ويطبخ لي
وسوا هذاك العشاء الطيب اللي يعشي بلد
وكلينا ورجعوا الشباب وكلوا

والايام الجايه اكيد ماراح اضيعها

المشاركة الأصلية كتبت بواسطة مهندس

حمدالله على السلامة ورحلة موفقة بإذن الله

واتفق مع ابراهيم ماكدو وفي المغرب!!

وين الطنجية والطاجين وين اللحم المشوي والمبخر وين الرفيسة والدجاج المحمر، وين الحلويات، هذي رابط لعلك تستفيد منه:

https://www.mza3et.com/morocco39834.html (مطعم " شهيوات فركوس" مطعم “winoo" باستري “amoud”)



وفيه مطاعم سهرات كثيرة في مراكش، على سبيل المثال لا الحصر "Malak Emeraude" بجانب الدبليو، و "الفاسية" والكثير الكثير ، نظامها مكان راقي كلاس واكل مغربي فريش ولذيذ وسهر عربي اندلسي.

المشاركة الأصلية كتبت بواسطة أبوتركي

تكمله

تم الانسحاب من شله السهر والقهر وعقبال دائم، المراقص اجواء كئيبه طفشنا منها
صحيت البارح بدري اخذت برمه حلوه على مراكش ووقفت في جليز اخذت تصبيره وبعدين توجهت لحمام مغربي ومساج من الاخر شغل مرتب ونظيف وراقي ومحترم اخذت ساعه حمام وساعه مساج عن طريق الاخ محمود
كان المكان راقي والعاملين فيه راقييين واللي معي اجانب والحمام دلك بضمير ومكان نظيف جداً والمساج احترافي مافيه عضله تخليها

بعدها رحت بدلت وعلى مطعم ملاك اللي نصح به اخونا مهندس كنت عازم صديق لي وانبسطنا
حسيت اني لقيت جويي هههههه
والاكل لذيذ والجلسه حلوه جدا وناس رايقه جلست فيه من 11 الى 2
والله اني ماحسيت بالوقت

بكرا ان شاء الله على اكادير ومالقيت سكن يعني بحدود المعقول خليج اكادير كلمتهم الغرفه وصاله ب 2200!
الغرفه لوحدها ب 1550
المهم نروح بكرا لعندهم ونكمل لكم

المشاركة الأصلية كتبت بواسطة DarkMoon

بصحتك .. ياليت تعطينا علوم محل المساج اسمه وكم ثمنه ...

المشاركة الأصلية كتبت بواسطة hatemckck

ودي بمساج جدي مو اثارة اثارة وكذب
ابغى تمررررررريخ وتفكيك مفاصل وصواميل ممتاز
وابغى حمام يطلّع فنايل الثانوي
ويغيّر جلدي

بكازا