|
اقتباس:
انا مر علي الموضوع فعلا اتوقع مدحو الزياني والباشا بس ودي اعرف هل ممتازين وشغل نظيف وكم الاسعار عشان مااتخوبر معهم وفين الافضل فيهم |
اقتباس:
|
تكمله بسيطه
تم الخروج من مراكش بلا عوده مراكش مو جويي ابداً ولا كانت في خاطري ولن اعود لها يوماً اخر ابداً ، تنفع للي جوه سهر وطهبله ومحدوده يعني ياجيليز ياوريكا ياساحه الفناء ياسهر وين بتروح مافيه شي يعني يبهرك كسائح مسكت الخط مع صديق لي بعد ماراحوا فريق السفر وعلى اكادير خط جميل والمغرب تتمتع خطوطه السريعه بخدمات كامله يعيبها انها فقط مسارين للرايح والجاي ولكنها مريحه والخط جميل جدا وصلنا مارينا والبسمه شاقه وجهي بحر واجواء حلوه وتحس انها راقيه توجهنا لمكتب الحجوزات جنب سكاي تواصلنا قبل يومين مع مكتب المؤيد للحجوزات قال فيه غرفتين وصاله ب 2700 مطله على البحر وقلنا تم احجز لما وصلنا قالوا فيه غرفه وصاله كبيررره وجنبها غرفه وحمام ومطبخ وبنفس السعر لو حسبناها عليكم مفروده تطلع الغرفه ب 1400 والغرفه وصاله ب 1800 يعني اغلى ولكن تستاهلون لان اعطيناكم كلمه قلنا ابرك الساعات هذا المطلوب دفعنا المبلغ وسكنا مبدئياً حسيت بالراحه والسعاده لما وصلت اكادير مو مثل مراكش كشيت منها اللي اعجبني فيها فقط جوها حلو حلو حلو جداً وملاك اللي فوق الدبليو اكله حلو وجلسته حلوه وراقي. بنكمل لكم ان شاء الله في خاطري طلعه على البحر واي احد عنده اقتراحات باكادير اتمنى يطرحها |
حمدلله على السلامه ،،، اكادير الحب هذي عاد استمتعو
|
تكمله فيما يخص اكادير
هلا بالحريه محد يقولك شي الا على خطاء فعلاً محد يوقفك لانك سعودي والخ... او هل معك احد والخ... والناس طيبه تمشينا في المارينا وتقهوينا اجواء حلوه جدا وهوى بارد تحتاج جاكيت ضروري بالليل سألت عن الجولات البحريه فيه ساعه وفيه ساعتين فيه طلعه خاصه بك وفيه مع مجموعه قبل غروب الشمس تبداء من 500 درهم الى 2000 درهم الاسعار السكن في المارينا جنب سكاي حلو وفيه بلكونه مطله على البحر واجواء حلوه المشكله بس اننا تحت موسيقى تشتغل تقريبا من الساعه 10 صباح الى الساعه 1 او 2 ليل بعدها ريحنا شوي وقمت اسال وين افضل مطعم سمك وين وين وين قالوا الصياد الصغير ركبنا سيارتنا الساعه 11 ليل وعليه العشاء حلو بس مو اللي في البال اعتقد انو فيه احسن مو معقول منطقه سياحيه هذا افضل مطعم فيها رجعنا قلنا نشوف سكاي هذا اللي يقولون عليه بما انه جنب السكن مرينا عليه فاضي ماحولك احد بس شكله مجدد ومضبط، الصباح والظهر اليوم اشوف كثير يدخلون له اكثر من اللي بالليل بعد ماشفنا سكاي قالوا فيه مهرجان غناء جنب كاش قلت عليه رحنا زحمه وبشر وعاااالم واجواء حلوه وكانت اغاني امازغيه تشوف البشر والعالم مبسوطه ويعطونها كتف رقص شعبي تحمست وعطيتها كم كتف وسحبه معهم ماحسينا بالوقت كانت اجواء حلوه خويي جوه سهر قال نمر كاش نشوف وش عندهم مرينا كان مزحوم ومافيه الا طاوله وحده ب 1600 دفعنا ودخلنا جوهم اللي دائم مثل اي ديسكو مافيه فرق قلت غصب اعيش الجو دافع فلوس ما اعتقد اني جلست دقيقه ماغير دق رقبه ابي احلل فلوس السهره [emoji23] بعدها طلعنا وعلى المارينا واحلى فطور وبعدها رحت لحالي على البحر وجلسه حلوه ولقيت شباب يلعبون كوره كان ودي يعطوني وجه اعجبني لعبهم قلت عساهم يخلوني حارس على الاقل محد عطاني وجه يلعبون كانه نهائي كاس العالم [emoji16] رجعت ونومه وتو صحيت البرنامج زياره المهرجان وبولنق وبدور جلسه حلوه مثل ملاك اللي بمراكش لاحظت باكادير ان الكل وده يخدمك ولكن اذا سألت عن سعر الخدمه تحصل كأنه يعطيك كف من قوة السعر مقابل الخدمة وبعضهم يحاول ينشب بك ولكن مخارج نفسي توزيع ابتسامات مع دعوات حلوه ومشي حالك |
تجربتي من اول يوم 26/6/2019
حلو ياابوتركي
حلو تخرج وحلو تهز كتفك وتحلل شقى عمرك بذيك الاماكن مرة لقيت ناس ترقص زي كذا في اغادير قبل فتره ودخلت معهم وحسيت العالم وقفت تناظرني على بالي ماسك ذيل السمكة ياولد قمت اجمع وجهي وانخشيت بين الصف وانسحاب تكتيكي لين خرجت ههههههههه قال اشطح قال الله لا يعودها من شطحة ومن احراج |
تجربتي من اول يوم 26/6/2019
بالتوفيق ابوتركي ربي يوفقك رحله سعيده
سبقتك باسبوع انا عموماً رح مطعم بوليوود هندي بالاماره بتلاقي غرنوق بالاستقبال هههه قريب من مطعم المؤيد بالمرينا البرياني بانواعه عندهم من الاخر[emoji108] حدد نوع البهارات بارد او حار سوق الاحد تمشيه اذا تحب الاماكن البسيطه والقديمه مر مقهى تفرنوت قرب مندي السلطان اذا لك بالحلا كمان |
هلا وغلا
بخصوص مطاعم السمك، هذا موضوع بدأته، ولعلي اكمله هذا الويك اند: https://www.mza3et.com/morocco40886.html بخصوص طلبك مطعم مثل ملاك مراكش. مع الأسف الشديد لا يوجد في أغادير كلها ربع ملاك. فيه مطعم مغربي يقولوا من عزه كان في 1987 اسمه قولدن قيت (golden gate) الطلب من من المنيو عادي وليس سيت منيو مثل ملاك، أكله لذيذ جداً جداً جداً وخاصة اللوبستر بالجبن، وعلى الساعة 10 يبدأ طرب اندلسي مطرب ومطربة، بس ارجع واقولك مو مثل ملاك، المكان متواضع وقديم ولكن اكله لذيذ وجوه لطيف. وبالتوفيق يا عسل |
طبعاً الترند الان في أغادير مكان الشيشة في فندق "مبروك" على المسبح، زيطة وزنبليطة
تسيير عليه كذا من 6 إلى 9 المساء |
المطاعم الكلاس، الي المنيو حقهم كله حلو بدون مبالغة بما فيها البحري، وطبعاً غالية:
1- مطعم pure passion ، مكانه تحتك في المارينا، عنده سمك سي باس مشوي يحبه قلبك، وتاخذ معه عصير عنب ابيض معتق مغربي ويا سلام سلم. 2- مطعم la scala، مكانه امام فندق مبروك. نصيحة أخيرة اتوقع المطعم ابو موسيقى وشيشة الي مزعجك تحت سكنك اسمه لوكي “LOQI” ، النصيحة لو قالك المطعم تعال كل واشرب عندي وبعطيك فلوس، لا تاكل ولا تشرب عنده حتى لو موية. |
| الساعة الآن 09:39 AM |
جميع المواضيع و الردود لاتعبر بالضرورة عن رأي و توجهات الادارة و انما تعبر عن رأي كاتبها فقط