حفظ البيانات؟ هل نسيت كلمة المرور؟ تسجيل عضوية جديدة

رحلتي الثانيه كانت بين طنجه ومراكش

علي الاسمري · 2019-07-10T21:38:51+00:00

السلام عليكم رحلتي الثانيه كانت بين طنجه ومراكش العدد اربعه اشخاص الطيران الخطوط الامارتيه السعر ٢٣٩٧ ريال من الرياض الى دبي >>انتظار ساعتين ثم الى الدار البيضاء وقت الوصول الساعه ٨ صباحا السياره استاجرت سياره من اخوي ابو محمد الحربي لمدة ١٥ يوم عباره عن جبيب داسيا داستر اليوم محسوب عليه ب٤٠٠ درهم يعني المده كامله طلع ٦٠٠٠ درهم سياره تشيل عفشنا وما تلفت النظر وسعره مقبول التأمين ٩٥٪؜ و ٥٪؜ عليك في حال الخطا منك ونعم التعامل مع ابو محمد ويفزع معك بالي تبي حتى لو تحتاجه تحصله لو مو مستاجر منه يفيدك بالي يعرفه طنجه اتجهنا الى طنجه تدفع رسوم الخط حتى توصل بتكلفك حدود ١٢٤ درهم السكن مرتبه من كنت بالسعوديه بحثت عن فله خاصه بشرط مسبح ومن مسوق الى الاخر وجبتها بسعر جبار ب٦٠٠٠ درهم لليوم في الي ارخص منها بس مو في مستوى الفله ذي وهي في حي المنار في الجبل فوق المسبح مطل على محيط ودي اعطيكم صور بس مو عارف اضيف صور الفله سبع غرف ماستر وفيها ثلاث خادمات في نقطه شرطه وانت متجه للمنار غالبا ما يوقف واذا وقف لا تخافون واصمل على كلامك ترى تفرق وصارت لنا وقال بنشيل السياره نطلنا عليه المفتاح وقلنا شيلها حتى جابوا السطحه وفي النهايه صار يترجنا ندفع بس قيمة السطحه واعطينه ١٠٠درهم يبي لوضع قوة قلب الاغراض ومقاضي كارفور مو عارف اسم المحل او المنطقه صعب النقطه بس جهت الطريق الي يوديك المغاره هرقل اماكن تمشيه السوق القديم والكورنيش وكافيات الي حول ماك مطعم الحافه والاطلاله الي عنده والاماكن الي وانت متجه للمغاره هرقل لكن نصيحه دام شغالتك عندك ترى نظام اكلك في المكانك افضل واوفر لك السهر كان في نانا كلوب تجربة اول يوم وصلنا واخذنا طاوله لثلاث اشخاص فيها بطل وشيشه ب١٧٠٠ درهم عادي جدا ولا راح تتكرر زيارته المده في طنجه اربعه ايام حاولنا نزيد يوم بس الفله كانت محجوزه ومدفوع عربونها طنجه حلو استكنان وجوك في مكانك غيره لا تدور واهل طنجه ودوين خاصه اذا نزلت في وسط احياءهم وتعاملهم ممتاز ثم اتجهانا الى مراكش وصلنا مراكش وانا الي ما ضبط شيء وخط كلها تواصل مع مسوقينا نبي سكن الصراحه نبحث حنا عن سكن مريح كلاس لانه هو المكان الي بتجلس فيه كل المده في ناس تستخسر السكن وتدفع طاوله على بست بس عشان كلاس لا اخذ طاوله في اسوا مكان ورايح نفسي في السكان الان كل يومي في السكن من مسوق للاخر صملنا على اوليفار بلاص تواصلت مع نوره طنجه وقالت فله اليوم بعطيكم ثلاث غرف وبكره اربع غرف لانه فل اربع غرف وبما اني ما اعتمد بس على مسوق واحد ابحث وجبت رقم المنتجع وكلمتهم قال فل نعطيك من بكره فله اربع غرف ب٦٠٠٠درهم وترجع نوره تكلمني تقول يعني بتجيبها من ورائي قلت لا بس انا ادور لنفسي الرخص في كل مكان وترى في طنجه جبت لنفسي الفله برخص من عشره مسوقين لنفس الفله انا ما احب احد يقولي كذا واشيل مو بخل بس طبع ياخي يمكن تحصل خيار افضل او سعر ارخص المهم اخذنا عن طريق نوره المنتجع هذا لانه كان الخيار الافضل اليوم الاول الوصول كان متاخر اخذنا فله ٣غرف ب٤٨٠٠ اليوم الثاني انتقلنا فله جديده بعد معانه ان المستاجرين جددوا وصجه وفي النهايه اعطوني فله مو جاهزه ١٠٠٪؜ كانوا باقي لمسات الاخيره كملوها وانا فيها في اول يومين اخذناها لمده ١٠ ايام ب٥٥٠٠ درهم اجمالي ٥٥٠٠٠ درهم لمدة الرحله المنتجع رايق على طريق اوريكا سعره شوي غالي بس اربع غرف ماستر امان ما احد يطلبك فلوس من حراس او يكلمك مسبح خاص حديقه رايقه الصراحه عيوبه سعره شوي مرتفع في طريق اوريكا في نقطة درك مو ثابته تحصلها بعد السهره قدامك بس خلك واثق من عمرك ولا عليك منهم تمشي التاكسي يجيب الضيوف لازم تاكسي كبير وما ينزل عن ٣٠٠ درهم وغالب ٤٠٠ درهم واذا الضيوف اعطوا الدرك شيء وغالبا ٢٠٠ درهم ترى في النهايه انت بتشيلها كارفور قريب منك الي عند سباق السيارات الكاي والدبليو والكاش اشوف انها قريبه منك اكثر من الي يسكن في النخيل السهر في الكاي والدبليو والكاش وستبج اربعه اشخاص وبعض الايام يزيد العدد او يثبت على اربعه تسأل عن الطاوله تفرق وش تبي عليها وموقعها واسلوبك في ناس اول ما يروح يحجز يقلون له ٤٠٠٠ درهم يقول تم ويحط العربون ويروح انا عكس افاصل اشوف موقع الطاوله اقول لا ما ابيها وش تعطينا غير البطل اتجادل معه وطلع بسعر جديد كل يوم سعر يوم سهرت بست في الكاش ب٣٠٠٠ درهم اربعه اشخاص بطل وعشر طلبات انت واسلوبك وقدراتك في التفاوض ولازم في واحد حبيب واحد يكون هو راعي الصمله في كل شيء المطاعم صارحه ما جربت كثير في مراكش غالبا في السكن الاكل بحكم يوجد خادمتين وجب اغراضك من كارفور الكافيهات الي حول الدبليو والي في جليز بس قليل الزياره لهم لاني مو من عشاق الكافيهاات ملاحظه الاسعار تفرق من شخص للاخر من مسوق للاخر من كلمت موافق على طول هذي الي نكبتنا والي يقول النقاط التفتيش ادخل في عينه دامك واثق من عمرك واوراقك في السليم لا تفكر واذا مره لا تتجاوز ١٠٠درهم ترى لو نشد كلنا يقلل الابتزاز والشعب المغربي حبيب تقولي التعامل ادخل في وسط الاحياء البعيده عن السياح او السياحه الي تكره الناس فيك انك جاي عشانه وتشوف التعامل وانا واحد الصراحه نزلت في طنجه في السوق القديم ودخلت حتى وصلت احياء ما يتوقع شخص يجيها وسوالفوا معي صعوبه في لهجه ولكن تعامل ممتاز ان شاء الله اني اختصرت تجربتي كامله وجبت النقاط الي تفيد اي شخص بيروح ويفرق السعر من شخص لثاني اغادير جيتها العام افضل من طنجه من ناحية السهر تجي بعد مراكش

انت النظر

مزعوط قدير

المشاركات: 197

تاريخ التسجيل: Jul 2013

2019-07-15, 02:17 PM

المشاركه #6

يعطيك العافيه والحمدلله ع سلامتك

الكلمات الدلالية (Tags)

طنجه

« الموضوع السابق | الموضوع التالي »

الذين يشاهدون محتوى الموضوع الآن : 1 ( الأعضاء 0 والزوار 1)

الانتقال السريع

المواضيع المتشابهه للموضوع: رحلتي الثانيه كانت بين طنجه ومراكش
الموضوع	آخر مشاركة
رحلتي مابين طنجه وشفشاون ومراكش وكازا	2024-02-03 11:30 PM
رحلتي للمغرب كانت الاولى وقد نجحت بدون ترتيب	2021-01-29 10:33 PM
رحلتي الثانية الي المغرب (الاولى كانت جنون)	2019-11-03 11:17 PM
رحلتي الثانيه الى كازا	2014-04-22 11:30 AM
كازا للمره الثالثه ومراكش للمره الثانيه الموعد قريب	2011-06-08 12:07 AM

الساعة الآن 05:30 AM

جميع المواضيع و الردود لاتعبر بالضرورة عن رأي و توجهات الادارة و انما تعبر عن رأي كاتبها فقط

Ads Management Version 3.0.1 by Saeed Al-Atwi

عروض وحجز الفلل و الشقق

السيارات شركات تأجير السيارات

تقارير سياحية

الاستفسارات سؤال و جواب

رحلتي الثانيه كانت بين طنجه ومراكش

روابط سريعه