دخلت الموضوع وحلفت اني ما اطلع حتى ادلو بدلوي معكم
اللي يبي يقتصد في المصاريف لا يسافر في اوقات اجازات المعلمين وطلاب الجامعات
يسافر في وقت الدراسة لانهم مشغولين
تقريباً سافرت في جميع اشهر السنة للمغرب اوقات الإجازات كل شي يكون غالي ودبل السعر خصوصاً السكن والطيور
لكن أوقات الدراسة عندنا تروح وتتخير وتتشرط في كل شي سواء السيارة او السكن حتى الطيور يكون العرض اكبر من الطلب
سافرت في الاجازة الرسمية وصرفت الى 25 الف في تقريبا 12
وسافرت مره ثانية وقت ما فيه معلمين ولا ابو فسحه ( طلاب الجامعات ) مع احترامي لهم صرفت 14 الف في 11 يوم
بالمختصر انت وجوك اذا حق هياط بتصرف واذا انسان معتدل في وتصرف بالمعقول ما راح تصرف كثير
اهم شي تكون السيارة كويسه وموديل حديث ولا تفرق اكسنت عن الرنج لانك ما راح تتملكها هي وسيلة تنقل لا اقل ولا اكثر وكلها كم يوم وترجع لأصحابها
وبالنسبة لي السكن مستعد اصرف عليه ثلثين الميزانية لانه هو مكان الأمان بعد الله ويكون نظيف وبعيد عن الشبهات