تجربتك مع مكتب تاجير السيارات

السلام عليكم
يا اخوان ياليت ترشحون لنا مكتب لتاجير السيارات تكون اسعارهم معقوله وخدمتهم ممتازه بحيث يحون مايحجز مبلغ بالفيزا ويكون التامين شامل ونسبة التحمل ماتحاوز 5% استلام وتسليم من مطار اغادير اعلانات كثيره جدا ولا تعرفهم الا عن طريق التجربه

عليكم السلام

ارشح لك مكتب صوفي كار ومكتب نوف بدون تقليل من المعلنين الاخرين مع المزاعيط

تجربتي معهم من مطار كازا
لديهم خدمه في اقادير

الاخ جلال توصيل مجاني والاخ يوسف
راسلهم وخذ من راسهم .

رحلة موفقه اخ بيرلسكوني

مرة سالتهم توصلون السيارة لاغادير قالي ناخد 600 درهم غير كذا اذا جاك ظرف وتبي ترجع وانت دافع كامل المبلغ مايرجع الفلوس يقولك يبقا لك رصيد هذا مكتب صافوي وانا خلال اقل من سنة مستاجر عندهم ستة مرات

انا افضل الايجار من الشركات العالميه شي مضمون وواضح ولو ان السعر زياده بسيطه لكن تكون هاني احسن لك

وجهة نظر تحترم، مع الأشارة إلى أن الزيادة لدى الشركات العالمية في المغرب على الأقل الدبل، ويسون بلوك بمبلغ وقدره على الفيزا كارد كتأمين.

البلوك من الشركات العالميه لايدعوا للقلق لأنه يرجع تلقائيا في البطاقه احيانا في نفس اليوم مثل ما حصل معي مع شركة افيس.

أما الاسعار فهي ارخص بشكل لاتتصور. خذ طله على أسعار اصغر سيارة ( فيات تيبو تكفي خمس ركاب) من يوروكار من مطار كازا خلال سبتمبر مثلا... ستجد السعر 13 دولار فقط يعني حوالي 130 درهم . ايضا شركه سيكست العالميه عندها فيات 500 بسعر 17 دولار لنفس الفتره ومن نفس المطار. هل اجد هذا السعر مع احد المعلنين؟ فورا ساقبل . لكن الواقع أن اقل سعر هنا في بحر ال 300 درهم !

والله يا خوي انا مرة شييكت قبل لا أنزل المغرب في الصيف لفترة 50 يوم وحصلت السعر خيالي والبلوك 20 الف درهم.
على العموم ارجع اشييك قبل سفرتي الجاية واذا ارخص اكيد راح احجز منهم.

كل الشكر

أخي الطيب لمعلوماتك ، الشركات العالمية أغلب الأحيان رخيصة لكن مشكلتها فالبلوك على المبلغ ، و صاحبنا اللي قال ما رجعت له فلوسه من 2012 السبب بيكون تقرير فيه أنه فيه مشكل بالسيارة ، والله و يكون خدش بسيط على الباب ما تشوف فلوسك حتى شنو ما سويت.
أول شي لأنك بأيدك حطيت البلوك على المبلغ و ثاني شي حتى لو دخلت معاهم المحكمة بيكون عندهم حق لأنه بيطلعو لك فواتير تصليح من الوكالة، على الخدش البسيط يحسبو لك أنه السيارة ما اشتغلت مدة 15 يوم ، والباب تغير كله ....... يعني ما يصير لك ولا ريال عندهم وممكن يطلعو لك شي ما تدري عنه و تصير انت دافع لهم زيادة

اهلا وسهلا بالاخ المحترم محمود.
دائما بنسبه ١٠٠٪ البلوك يرجع لي كامل وخلال أيام واحيانا في نفس لحظه تسليم السيارة كما يحدث في المغرب. احيانا يتم خصم قيمة رسوم الطرق toll أو تخصم قيمه مخالفه من البطاقه بعد ايام وهذا شي طبيعي. احدى المرات استأجرت من سيكست امستردام سيارة ولم يكن بها خدش واحد ورجعتها بخدش بسيط في أحد الجنوط واكتشفه الموظف وسجله في تقرير التسليم وبعدها تواصلت إدارة الشركه معي بالايميل بخصوص الخدش اللي تسببت فيه ولعده ايام بين شد من جهتي وجهتهم. وفي الاخير قالوا إنه لن يتم خصم اي شي وهذا الخدش مؤمن عليه. ولم ادفع ريال واحد.
اخي محمود استأجرت في دول كثيرة من الانترنت ولم اجد افضل مصداقيه واسعار ونظافه سيارات من هرتز وبدجت وافيس وسيكست وثريفتي. أضف إلى ذلك شركة واحده محليه في مطار كازا لا اذكر اسمها لكن تعاملهم مثل الشركات العالميه وأذكر أن الموظف المغربي استلم السيارة مني في مواقف مطار كازا ورجع البلوك عشر الاف درهم قبل لا يفحص السياره. وهي اصلا نظيفه مثل ما استلمتها منه لكن لم يفحص لا ادري ماالسبب.
لذلك اخي محمود السعر عندي ضروري يكون رخيص ومنافس بشرط تكون الشركه معروفه وقويه في السوق. اي خوف من عدم رجوع البلوك هو خوف غير مبرر.

مودتي.

لي تجربتين مع يورب كار المره الاولى كانت في ميونخ واستئجرت السيارة من المطار
وسئلني ان كنت اريد التامين ضد الغير او شامل فاخترت التامين الشامل وعملت بالسياره حادث بسيط ولم ادفع شيئا السياره اخذتها ب 80 يورو في اليوم وفي المكاتب خارج المطار نفس السياره تصل 50 يورو
و45 يورو وعمل المكتب بلوك على مبلغ من خلال بطاقة الماسر كارد ورجع المبلغ بالكامل ناقص 20 يورو كنت قد ارتكبت مخالفه بالسياره
التجربه الثانيه في مطار محمد الخامس السعر مرتفع ويصل للضعف والتامين شامل وعملو بلوك على مبلغ بالماستر كارد
ورجع المبلغ بالكامل

سبب ارتفاع الاسعار التامين الشامل