أسطنبول. والحذر من التكاسي

اذا ما كنت تتكلم اللغة التركية فوضع التكاسي قلق.
إلا اذا بتاخذ تاكسي يطلبوه لك الفندق أو المطعم أو المقهى، يعني يطلبه لك مكان راقي وله أسمه وليس من الشارع.

ويوجد خيار ممتاز مثل ما قالوا الشباب تطبيق bitaksi وتطبيق itaxi ، والجديد الآن تطبيق كريم يعمل في أسطنبول، التطبيقات ممتازة ويظهر لك سعر المشوار بإستثناء كريم، ويعطيك احيان خيار تاكسي اصفر او أزرق سياحي، المشكلة في التطبيقات السابقة إنك أحيان ما تحصل تاكسي فيها.

وفيه تطبيق ممتاز اسمه gettransfer التطبيق ممتاز للمشوار من المطار إلى الفندق والعكس، ويتيح لك استخدام السيارة يالساعة أو للمشواير الطويلة، بس لازم تطلب قبلها بساعتين على الاقل وكل ما طلبت قبلها بأيام يكون أحسن، طريقته على سبيل المثال تطلب مشوار من المطار الى الفندق والعكس وتحدد التاريخ والوقت واسم المطار والفندق والعدد، ثم تنهال عليك العروض، وكل عرض صورة السيارة والتقييم واللغة الي يتكلمها السائق، والعرض الي يعجبك تحجز فيه وتدفع بالفيزا او بالباي بال.